خئییر یوردو

ویکی‌پدیا، آچیق بیلیک‌لیک‌دن
پرش به ناوبری پرش به جستجو

خئییر یوردو مدرسه‌سی و یا "مدرسه صلاحیه"، تورکجه‌ده اؤیرتیمن گئدن، اورمیه شهرینده میرزا فضل الله مجتهد اورموی الیله قورولان مدرسه. بو مدرسه‌نین قورولوشو تورک دیلینی مدرسه‌لرده رسمی اولماغیندا دؤنوش بیر نؤقطه‌سی حیساب اولونور. مجتهد اورموی اوزو بو مدرسه‌نی ایداره ائدیردی. خئییر یوردو مدرسه‌سی گونئی آذربایجان و ایراندا ایلک مودرن مدرسه‌لردن حیساب اولونور. بو مدرسه‌ده تحصیل دیلی و بوتون مفردات تورکجهده ایدی. فارسجا بیر یابانجی دیل کیمی هر گون بیر ساعات کیمی ماراقلانانلارا درس وئریلیردی.[۱][۲]

مدرسه‌نین مارش و سورودو[دَییشدیر]

١٩١٨ دوغوش ایلی (١٢٩٦ گونش ایلی) تورك اوشاقلاري و گنجلري بو مدرسه‌ده توركجه‌ده اولان مارش و سورود اوخويوردولار. بو مارش محمد امين يورداقول (1944-1869) طرفيندن يازيلميشدير.[۱][۲]

من بیر توركم، دینیم جینسیم اولودور

سینه‌م، اؤزوم آتش ایله دولودور

اینسان اولان وطنی‌نین قولودور

تورك ائولادی ائوده دورماز، گئدرم!

یارادانین كیتابینی قالدیرتمام

وطنیمین بایراغینی آلدیرتمام

دوشمنیمی، وطنیمه سالدیرتمام

تانری ائوی ویران اولماز٬ گئدرم!

بو تورپاقلار اجدادیمین اوجاغی

ائویم٬ كؤیوم٬ هپ بو یوردون بوجاغی

ایشته وطن٬ ایشته تانری قوجاغی

آتا یوردون ائولاد پوزماز٬ گئدرم!

تانریم شاهید٬ دوراجاغام سؤزومده

میللتیمین سئوگیلری اؤزومده

وطنیمدن باشقا شئی یوخ گؤزومده

یار یاتاغین دوشمن آلماز٬ گئدرم!

آغ كؤینكله گؤز یاشیمی سیله‌رم

قارا داشلا پیچاغیمی بیله‌رم

وطنیم‌چون اوجالیقلار دیله‌رم

بو دونیادا كیمسه قالماز٬ گئدرم![۱][۲]

قایناقلار[دَییشدیر]