خدیجه علی‌بیگووا
| خدیجه علی بیگووا | |
|---|---|
 آذربایجاندا ایلک قادین رداکتور | |
| دوْغوم تاریخ | 1884 تیفلیس |
| اؤلوم تاریخ | 1961 باکی آذربایجان شوروی سوسیالیست جومهوریتی |
| میللیت | آذربایجان تورکو |
| ایش | حکیم و ایشیق قزئتی‌نین رداکتورو |
| حیات یوْلداشی | مصطفی بیگ علی‌بیگوف |
خدیجه علی‌بیگووا (1884، تیفلیس – 1961، باکی) — آذربایجان معاریفپروری، پوبلیسیست، ناشیر، آذربایجاندا ایلک قادین رداکتور[۱].
یاشاییشی[دَییشدیر]
خدیجه علی‌بیگووا 1884-جو ایلده تیفلیس‌ده روحانی عاییله سینده دوغولموشدور. آتاسی علاالدین سبحان‌قولویئف روحانی اولماسینا باخمایاراق خ.علی‌بیگووا ایلک تحصیلینی روس قیز گیمنازییاسیندا آلمیش، سونرا زاقافقازیا اولگینسکایا مامالیق اینستیتوتونا قبول اولموشدور. بورادا تحصیلینی داوام ائتدیریب 1907-جی ایلده بیرینجی درجه‌لی ماما ایختیصاصینا یییه‌لنمیشدیر. حوقوقشوناس مصطفی بیگ علی‌بیگوفلا عاییله قورموشدور[۲].
فعالیتی[دَییشدیر]
آذربایجان قادین‌لاری‌نین حیاتیندا، قادین خئیریه جمعیت‌لری‌نین ایشینده یاخیندان ایشتیراک ائدیردی. قادین‌لارین اؤز حاقلارینی بیلمه‌لری و معاریف‌لنمه‌لری مقصدیله آذربایجاندا ایلک قادین مجموعه‌سی اولان " ایشیق " قزئتی ایشیق اوزو گؤرور. 1911-جی ایلده نشر اولونماغا باشلایان قزتین (جمعی 68 نؤمره سی بوراخیلمیشدیر) رداکتورو خدیجه علی‌بیگووا، ناشیری ایسه مصطفی بیگ علی‌بیگوف اولموشدور. قادین‌لارین معاریف و مدنیته، زامان نه قدر چتین اولسا دا، اؤز حاقلارینی مودافیعه ائتمگه چاغیران " ایشیق " قزتینده چالیشان‌لار دا اساساً قادین‌لار ایدی. حاقسیزلیغا و ساوادسیزلیغا قارشی اؤزلرینه خاص بیر شکیلده موجادیله ائتمگه چالیشان‌لار سیراسیندا آسیا آخوندزاده، خرامان رحیم‌بیگ‌زاده، مارال نبی‌زاده، گوهر شوقیه، سعیده شیخ‌زاده، نبات نریمانووا و باشقا معاریفپرور قادین‌لار " ایشیق " -ین اطرافیندا بؤیوک بیر اومیدله بیرلشمیشدیلر. خ.علی‌بیگووا " ایشیق " قزئتی " حوقوق‌لاریمیز " سرلؤوحه‌لی سیلسیله مقاله‌لر یازمیشدیر. قادین‌لارین حوقوق برابرلیگی، اونلاری معاریف و مدنیته، ایجتیماعی حیاتدا ایشتیراکا چاغیریش، قادین کلوب‌لاری نین، ساواد کورس‌لاری‌نین آچیلماسی، اوشاق‌لارین تربیه‌سی، ائو ایشلری و ساغلاملیق مسله‌لری اطرافیندا گئدن موباریزه و س. اونون پوبلیسیستیک مقاله‌لری‌نین اساس مؤوضوسو ایدی. 1912-جی ایلده " ایشیق " قزئتی فعالیتینی دایاندیردیقدان سونرا باکی موسلمان قادین‌لاری خئیریه جمعیتی‌نین فعال عوضولریندن بیری کیمی فعالیت گؤسترن خدیجه علی‌بیگووا شکی‌یه کؤچه‌رک حکیم-گینه‌کولوق ایشله‌میشدیر. 1920-جی ایلدن 1946-جی ایله‌دک شکیده حکیم — گینه‌کولوق کیمی فعالیت گؤسترن خانیم خدیجه علی‌بیگووا بورادا، همچنین، ساواد کورس‌لاری‌نین، قادین کلوبونون تشکیلینده ده یاخیندان ایشتیراک ائتمیش، عؤمرونون سونونا یاخین باکی‌یا قاییتمیشدیر. 1961-جی ایلده باکی شهرینده وفات ائتمیشدیر.