دانیشیق:تورکجه ویکیپدیا
مؤوضوع آرتیرفضولی دن بیر غزل
[دَییشدیر]خم قد ایله آغلارام اول طره طرارسیز
گر چی دئرلر چنگدن چیخماز ترنم تارسیز
سینه ئ چاکیمدن اسگیک ائتمه تیر غمزه نی
ای گول رعنا بیلیرسن کیم گول اولماز خارسیز
ساخلامازدیم ناوکین گوزده بلاسین چکمه سم
بسله مزدیم سو وئریب اول نخل کامی بارسیز
یول آزیرسان ظلمت حیرتده ای دل واقف اول
زینهار اول کویه وارما آه آتش بارسیز
گریه زار ایله خوشحالم کی بحر عشقده
اشک سیز گوز بیر صدفدیر لولو شهوارسیز
جانه آزار خدنگی خوش گلیر اول گول روخون
بیر سفارش قیل کی بیزدن اولماسین آزارسیز
زهددن کئچمز فضولی ائیله مز ترک ریا
پند چوخ وئردیم ائشیتمز عارسیز دیر عارسیز Aliamq (دانیشیق) ۷ آقوست ۲۰۲۵، ساعت ۱۸:۱۵ (UTC)
عمادالدین نسیمی دن بیر غزل
[دَییشدیر]دوشدو یئنه دلی کونول گوزلری نین خیالینه
کیم نه بیلیر بو کونلومون فیکری نه دیر خیالی نه
آل ایله آلا گوزلرین آلدادیب آلدی کونلومو
آلی نی گور نه آل ائدر کیمسه ائریشمز آلینه
قیمتی نی دوداغی نین دگمه ،خسیسه سورما کیم
من بیلیرم کی جان ایله سوسامیشام زلالینه
گوزلرینه اسیر اولان حالیمی اولدور آنلایان
کیم کی بو حاله دوشمه دی قوی وارا کندی حالینه
سیررینی شول قارا منیم چون کی یاناغی شرح ائدر
جان نه اولا نثار ائدم یاناغینه او خالینه
دادلی سوزوندن اوتانیر آب حیات محو اولور
گول و شکر نه نسنه دیر کیم ائریشه مقالینه
حوسن جمال صورتی مجلسی بیر کمالدیر
شرح بیان وصفینه عقل ائره مز کمالینه
اوزونو قاشی نی گورن قارشی به قارشی گوز به گوز
سانما کی اول باخا گویون بدرینه یا هلالینه
عاشق صادقین قانی یاره حلال ایمیش ، ولی
گیرسه اگر روا دئییل دلبر اونون وبالینه
آی ایله گون سجود ائدر صورتی نی گورن کیمی
بو نه جمال حوسن اولور صل -علی جمالینه
بولدو( نسیمی) چون سنی کئچدی هامیدان ای صنم
قویدو حقیقی اطلسی گیردی عباوی شالینه
عمادالدین نسیمی
آزربايجان ملی مارشی میز
[دَییشدیر]آزربايجان سن سن منیم علویتیم شان شهرتیم
آدین منیم اوز آدیمدیر سن سیز منیم نه قیمتیم
آزربايجان آزربايجان، یاشا یاشا آزربايجان
نفسیمیز بابکلرین، ستارخانین گور نفسی gür
ماهنی میزدا یاشایاجاق ، بابالارین آیاق سسی
آزربايجان آزربايجان یاشا یاشا آزربايجان
بیز تاریخه سیغیشماریق ،دونن واردیق بو گون واریق
بیز دوستلوغا گووه نه رک ، گله جه گه آتدیملاریق
آزربایجان آزربايجان یاشا یاشا آزربايجان Aliamq (دانیشیق) ۸ اوْکتوبر ۲۰۲۵، ساعت ۱۹:۱۲ (UTC)
دده قورقودون مقدمه سی
[دَییشدیر]دده قورقود کتابی
مقدمه
بسمالله الرحمن الرحیم و به نستعین
رسول علیه السلام زامانینا یاخین بایات
بویوندان (قورقود) آتا دئرلر بیر ار
قوپدو.اوغوزون اول کیشی تامام بیلیجی سی
ایدی .نه دئییرسه اولاردی غیبدن دورلو خبر
سویله ردی. حق تعالی اونون کونلونه الهام
ائده ردی.قورقود آتا آییتدی:
آخیر زامان خانلیق گئری قایی _یا دگه ،
کیمسه اللریندن آلمایا،آخیر زامان
اولوب ،قیامت قوپونجا ، بو دئدیگی عثمان
نسلی دیر. ایشده سورولوب گئده یوروردو.
و داخی نئچه بونا بنزه ر سوز سویله دی
قورقود آتا اوغوز قومونون موشکولونو حل
ائده ردی . هرنه ایش اولسا قورقود آتایا
دانیشمایینجا، ایشله مز لردی.هر نه کی
بویورسا، قبول ائده رلردی.سوزون توتوب
تامام ائده رلردی.دده قورقود سویله میش:
آللاه_ آللاه دئمه یینجه ایشلر اونمز.
قادیر تانری وئرمه یینجه ،ار بایماز.
ازلدن یازیلماسا، ار باشینا قضا گلمز.
اجل وعده ائرمه یینجه کیمسه اولمز.
اولن آدام دیریلمز.
چیخان جان گئری گلمز.
بیر ایگیدین قارا داغ یوموروسونجا مالی
اولسا ،ییغار ،دیره ر ، طلب ائیله ر، نصیبیندن
آرتیغین یئیه بیلمز.
اولوشوبان سولار داشسا دنیز دولماز.
تکبرلیک ائیله یه نی تانری سئومز.
کونلون اوجا توتان ارده دولت اولماز.
یاد اوغلو ساخلاماقلا اوغول اولماز،بویوینده
سالیر گئدر ،گوردوم دئمز.
کول تپه جیک اولماز.
قارا ائششک باشینا اویه ن وورسان ،قاتیر
اولماز.
قاراواشا دون گئییرسن، قادین اولماز.
یاپا _یاپا قارلار یاغسا یازا قالماز،یاپاقلی
گویچه چمن گوزه قالماز.
اسکی پامبیق بئز اولماز، قاری دوشمن دوست
اولماز .
قزه غوچا قییمایینجا یول آلینماز.
قارا پولاد اوز قیلیجی چالمایینجا قیریم
دونمز.
ار مالینا قییمایینجا آدی چیخماز.
قیز آنادان گورمه یینجه اوگود آلماز.
اوغول آتادان گورمه یینجه سفره چکمز.
اوغول آتانین یئتریدیر، ایکی گوزونون
بیری دیر.
دولتلی اوغول قوپسا ، اوجاغی نین کوزودور.
اوغول داخی نئیله سین بابا اولوب ،
مال قالماسا.
بابا مالیندان نه فایدا،باشدا دولت اولماسا.
دولت سیز شریندن آللاه ساخلاسین خانیم
سیزی!
دده قورقود بیر داخی سویله میش :
سرپ یورورکن قازلیق آتا نامرد ایگید مینه بیلمز،
مینینجه مینمه سه یئی.
چالیب کسر اوز قیلیجی مخنثلر چالینجا،
چالماسا یئی.
چالا بیلن ایگیده اوخلا قیلیجدان بیر چوماق یئی.
قوناغی گلمه ین قارا ائولر ییخیلسا یئی.
آت یئمه ین آجی اوتلار بیتمه سه یئی.
آدام ایچمز آجی سولار سیزینجا ، سیزماسا یئی.
آتا آدین یورتمه ین خویراد اوغول آتا بئلیندن
ائنینجه ائنمه سه یئی.
آنا رحمینه دوشونجه ، دوغماسا یئی .
آتا آدین یورودن دولتلی اوغول یئی.
گئرچکلرین اوچ اوتوز اون یاشی نی دولدورسا یئی.
اون اوتوز اون یاشیندا دولسون.
حق سانا یامان گتیرمه سین ، دولتین پاینده اولسون
خانیم ، هئی.
دده قورقود سویله میش، گوره لیم خانیم،
نه سویله میش:
_ گئتدیکده یئرین اوتلاقلارین کئییک بیلیر.
کوکز یئرلر چمنلرین قولان بیلیر.
اگری -اگری یوللار ایزین دوه بیلیر.
یئددی دره قوخولارین تولکو بیلیر.
دونله کروان کوچدوگون توراغای بیلیر.
اوغول کیمدن اولدوغون آنا بیلیر.
ارین آغیرین -یئینی سین آت بیلیر.
آغیر یوکلرین زحمتین قاتیر بیلیر.
نه یئرده سیزی لار وارسا ، چکن بیلیر.
غافیل باشین آغری سین بئینی بیلیر.
قولچا قوپوز گوتوروب ،ائلدن -ائله ،بگدن-بگه
اوزان گزر.
ار جومرودون، ار ناکسین اوزان بیلیر.
ائل و گونده چالیب آییدان اوزان اولسون.
آزیب گلن قضانی تانری ساوسین ،خانیم هئی.
دده قورقود یئنه سویله میش ، گوره لیم خانیم
نه سویله میش:
_آغیز آچیب اوگه ر اولسام ، اوستوموزده تانری
گوره کلی.
تانری دوستو ، دین سروری( محمد) گوره کلی.
محمدین ساغ یانیندا ناماز قیلان ابوبکر صدیق
گوره کلی.
آخیر سی پاره باشی دیر( عم ) گورکلی.
هئجه سینله یین دوز اوخونسا یاسین گوره کلی.
قیلیج چالدی ،دین آچدی ،شاه مردان علی گوره کلی.
علی نین اوغوللاری پیغمبر نوه لری کربلا یازی سیندا
یزیدی لر الینده شهید اولدو ، حسنله حسین ایکی
قارداش بئله گوره کلی.
یازیلیب ، دوزولوب گویدن ائندی ، تانری علمی
قرآن گوره کلی.
اول قرآنی یازدی ، دوزدو علمالر اوگره نینجه
کوبه دی -بیچدی ، عالیملر سروری عثمان عفان اوغلو
گوره کلی.
آلچاق یئرده یاپیلی دیر تانری ائوی مکه گوره کلی.
اول مکه یه ساغ وارسا، اسن گلسه ،صدقی بوتون
حاجی گوره کلی.
ساغیش گونونده آینا گوره کلی.
آینا گونو اوخویاندا خطبه گوره کلی.
قولاق وئریب دینله ینده امت گوره کلی.
مناره ده بانلایاندا فقیه گوره کلی.
دیزین باسیب اوتوراندا حلال گوره کلی.
دولوموندان آغارسا بابا گوره کلی.
آغ سودون دویا امزیرسه، آنا گوره کلی.
یاناشیب یولا گیرنده، قارا بوغور گوره کلی.
سئوگیلی قارداش گوره کلی.
یانال آلا ائو یانیندا تیکیلسه گرده ک گوره کلی،
اوزونجا طنفی گوره کلی.
اوغول گوره کلی.
هامی سینا بنزه مه دی جمله عالملری یارادان آللاه
تانری گوره کلی.
اول اوگدویوم اوجا تانری دوست اولوبان مدد
ائرسین خانیم هئی.
اوزان آییدیر:
قاری لار دورد دورلودور. بیری سی سولدوران سوی
دور. بیری سی دولدوران تویدور . بیری سی ائوین
دایاغی دیر، بیری سی نئجه سویله رلرسن بایاغی دیر.
اوزان! ائوین دایاغی اولدور کی ، یازی دان ، یاباندان
ائوه بیر قوناق گلسه ،ار آدام ائوده اولماسا ،اول اونو
یئدیره ر ، ایچیره ر، آغیرلار ،عزیرلر ،گوندره ر.
اول عایشه ،فاطمه سویو دور .خانیم، اونون ببه کلری
یئتسین . اوجاغینا بونچولایین عورت گلسین ،گلدیک
اول کیم. سولدوران سوی دور:
صاپادانجا یئریندن اورو دورار. الین اوزون یومادان
دوققوز بازلاماج ایله ن بیر کوولک یوغورت گوزلر.
دویونجا تیخا -باسا یئیه ر . الین بوگرونه وورار ،
آییدار:
_ بو ائوی خراب اولاسی ، اره وارالی دان بری
داخی قارنیم دویمادی. اوزوم گولمه دی .آیاغیم
باشماق اوزوم یاشماق گورمه دی،_دئیه ر . آه ،
نه اولایدی ، بو اوله یدی ، بیرینه داخی وارایدیم،
اوماریمدان یاخشی اویار اولایدی،_دئیه ر. اونون
کیمی نین خانیم ،ببه کلری یئتمه سین. اوجاغینا
بونچولایین عورت گلمه سین. گلدیک اول کیم
دولدوران توی دور ،تپه دینجه یئریندن اورو دوردو.
الین اوزون یومادان اوبانین اول اوجوندان بو
اوجونا ، بو اوجوندان اول اوجونا چارپیشدیردی.
قوو قوولادی ، دین دینله دی . اویله دینجه گزدی،
اویله دن سونرا ائوینه گلدی ، گوردو کیم ، اوغرو
کوپک ، یئکه دانا ائوینی بیر-بیرینه قاتمیش ،تویوق
کومه سینه ، سیغیر دامینا دونموش ،قونشولارینا
چاغیرار کی :
_قیز ، زولیخا ، زوبیده ،اورئیده ، جان قیز ، جان پاشا ،
آینا ملک ،قوتلو ملک ،اولمه گه ، ایتمه گه ،
گئتمه میشدیم ، یاتاجاق یئریم یئنه بو خراب
اولاسی ایدی . نه اولایدی ؟منیم ائویمه بیر لحظه
باخایدینیز ، قونشو حقی تانری حقی دئیه سویله ر.
بونون کیمی نین خانیم ببه کلری یئتمه سین ،
اوجاغینا بونون کیمی عورت گلمه سین . گلدیک اول
کیم نئجه سویله رلرسن، بایاغی دیر. ائوینه یازی دان
یاباندان بیر اودلو قوناق گلسه ، ار آدام ائوده اولسا ،
اونا دئسه کی : دور اتمک گتیر یئیه لیم ، بو دا یئسین
، دئسه ، بیشمیش اتمه گین بقاسی اولماز، یئمک
گره کدیر، عورت آییدار:
_ نئیله ییم ، بو ییخیلاجاق ائوده اون یوخ ، الک یوخ ،
دوه دگیرماندان گلمه دی ،_ دئیه ر. نه گلیرسه منیم
ساغریما گلسین ، دئیه. الین گوتونه وورار . یونون
آناری ، ساغری سین ارینه دوندره ر . مین سویله رسن،
بیری سینی قویماز .ارین سوزونو قولاغینا قویماز .
اول نوح پیغمبرین ائششه گی اصلیدیر . اوندان
داخی سیزی خانیم آللاه ساخلاسین . اوجاغینیزا
بونچولایین عورت گلمه سین.
خزر منم
[دَییشدیر]تاریخ منی دانا بیلمز
بئش مین ایللیک خزر منم
یئددی مین ایل سومئر گورموش
فارس، عرب ،یوخ کنگر منم
اردبیلده ساوالانام
آی باتاندا قارقالانام
تاریخلرده ایز سالانام
بابک توغرول تک ار منم
بئش مین ایللیک خزر منم
تومروس لردن گلن سویام
تورکم یوخدور باشقا بویام
دیلیمدن کیم گوروب دویام
تاریخلرده تورک ار منم
بئش مین ایللیک خزر منم
هم قافقازام هم بالکانام
آنادولو تورکوستانام
باشقیر قیریم هم قازانام
تورانلارا عسگر منم
بئش مین ایللیک خزر منم
قیزیل اوزه ن منجیل سددی
قاشقایلار گونئی سرحددی
سولدوز ماکی اورمو بندی
کاظیم داشلی شه هر منم
بئش مین ایللیک خزر منم
تاریخ یازدیم سن یوخ ایکن
مازندران دئیه هورن
نادیرشاهلار تئیمور گورن
فارسا حوکوم سوره ر منم
بئش مین ایللیک خزر منم
یوخ باشقا سوز یادداشیمدا
خزر یازیر باش داشیمدا
من اوله رسم قارداشیمدا
سویله یه جک اثر منم
بئش مین ایللیک خزر منم
تاریخ منی دانا بیلمز
بئش مین ایللیک ایزیم واردیر
دده م قورقود ماناس کیمی
دستانیم وار سوزوم واردیر Aliamq (دانیشیق) ۸ اوْکتوبر ۲۰۲۵، ساعت ۱۹:۱۶ (UTC)