ویکی‌پدیا:طرف‌سیزلیک

ویکی‌پدیا، آچیق بیلیک‌لیک‌دن
(ویکی‌پدیا:طرفسیزلیک-دن يوْل‌لاندیریلمیش)
قیسایول:

طرفسیزلیک (نیترال نظر نؤقطه‌‌سی) — ویکی‌پئدیانین فۇندامئنتال پرینسیپلریندن بیری و ویکی‌پئدیانین تمل داشیدیر. بۆتون ویکی‌پئدیا مقاله‌لری نئیترال نؤقطه‌ی-نظردن، غرضسیز و عدالتلی یازیلمالیدیر و اعتبارلی منبع‌لرله تصدیق ائدیله بیلینمه‌لیدیر. بۇ پرینسیپ بۆتون مقاله‌لره و بۆتون ایستیفاده‌چیلره عینی درجه‌‌ده عایددیر و بۇ پرینسیپ باره‌سینده هر هانسی سؤوده‌لشمه یوْل‌وئریلمزدیر.

طرفسیزلیک ویکی‌پئدیانین مضمونلا باغلی اوْلان اۆچ اساس سیاستیندن بیریدیر.

انسیکلوْپئدیکلیک، طرفسیزلیک و مۆلیف حۆقوقلاری‌نین قوْرونماسی. هر اۆچ پرینسیپ دیلیندن آسیلی اوْلمایاراق ویکی‌پئدیانین بۆتون بؤلمه‌لرینه عایددیر. دیگر قایدالار سس‌وئرمه و عۆمومی راضیلیغا گلمکله قبول اوْلونا بیلر.. بۇ اۆچ سیاست بیرلیکده هانسی تیپ متنلرین ویکی‌پئدیادا یئرلشدیریلمه‌سینی مۆعَیین ائدیر. ویکی‌پئدیانین هئچ بیر قایدا و پرینسیپلری و ایستیفاده‌چیلر آراسیندا هئچ بیر فیکیربیرلیگی بۇ اۆچ سیاستله مۆقاییسه‌ده اۆستون اوْلا بیلمز.

طرفسیزلیک پرینسیپینه ویکی‌پئدیانین بۆتون بؤلمه‌لرینده رعایت اوْلونمالیدیر. جیمی اۇلسین دئدیگی کیمی: " طرفسیزلیک — ویکی‌پئدیانین مۆطلق و مۆزاکیره ائدیلمه‌ین طلبیدیر"

طرفسیزلیگین تامین اوْلونماسی اۆچون[دَییشدیر]

اگر کوْنکرت مساله‌‌ باره‌سینده مۆختلیف توْققوشان نظر نؤقطه‌‌لری وارسا، امین اوْلماق لازیمدیر کی، مۆباحیثه‌لی مقاله‌ده بۆتون طرفلرین نظری عدالتلی شکیلده تمثیل اوْلونسون. لاکین بۇ یاناشما بۆتون نظر نؤقطه‌‌لرینه دئییل، آنجاق اعتبارلی قایناقلاردان قایناقلانان و تصدیق ائدیله بیلن پئرسپئکتیولره عایددیر.

بئله دوروملاردا هئچ بیر نظر نؤقطه‌‌سی “حقیقت” کیمی تصویر ائدیلیب اوْنا فوق‌العاده چکی وئریله بیلمز. بۇندان علاوه‌‌، دیگر نظر نؤقطه‌‌سی حاقیندا آلچالدیجی توْنلاردا معلومات وئرمک، اوْنلارین سهو اوْلدوغونو بیلدیرمک ویکی‌پئدیاچیلارا ضد داورانیشدیر. مقاله‌لری غرضلی شکیلده یازماق اوْلماز.

“فاکتلاری تثبیت ائت، مۆلاحیظه‌لری یوْخ!” – بۇ طرفسیزلیک سیاستینی تانیتدیران قێسا رهبرلیکدیر. بۇرادا فاکت دئدیکده ثبوتا احتیاجی اوْلمایان ساده حقیقتلر، مۆلاحیظه دئدیکده ایسه مۆباحیثه موضوع‌سو اوْلا بیله‌جک آبستراکت آنلاییشلار نظرده تۇتولور. مثلا، مارس پلانئتدیر ایفاده‌سی فاکتی بیلدیرسه ده، "بیتلز" تاریخ بوْیو ان داهی مۇسیقی قروپو اوْلوب ایفاده‌سی ساده‌جه مۆلاحیظه‌دیر. اوْنا گؤره ده بیرینجی ایفاده‌نین ویکی‌پئدیایا یازیلماسینا هئچ بیر محدودیت اوْلماسا دا، ایکینجی تیپ ایفاده‌لر ویکی‌پئدیانین سیاستلرینه ضدیر.

بۇنا گؤره ده ویکی‌پئدیادا “بیر چوْخلاری بئله دۆشونور کی” تیپلی ایفاده‌لرین سۇی-ایستیفاده‌سی آلقیشلانمیر (ایشلنمه‌مه‌لیدیر).

“قوْی واقعیتلر سنین عوضینه دانیشسین” – بۇ دا طرفسیزلیک ایفاده ائدن دیگر قێسا رهبرلیکدیر. یعنی ویکی‌پئدیادا آدوْلف هیتلر و یا صدام حسین حاقیندا مقاله‌لری “هیتلر و یا صدام پیس آدام اوْلوب” جۆمله‌لری ایله باشلاماق دۆزگون دئییل. سیز ساده‌جه اوْنلارین حاکمیتده اوْلارکن ائتدیکلری عمللری (هوْلوْکاست، یئرلی اهالی‌نین کۆتلوی قتلی) ویکی‌صحیفه‌لرینده فاکتلار فوْرماسیندا یئرلشدیرسه‌نیز، هر کس بۇ شخصلرین کاراکتئری حاقیندا رئال تصور آلاجاق.

اگر ایستیفاده‌چی مقاله‌ده یازیلانلارلا راضی دئییلسه اوْنون اؤز فیکیرلرینی دیگر مقاله فوْرماسیندا یاراتماسی قاداغاندیر. یاخشی اوْ اوْلاردی کی، ناراضی طرف اؤز فیکیرلرینی و نظرینی آرتیق مؤوجود مقاله‌ده نۆفوذلو قایناقلاردان ایستیناد گتیرمکله بیلدیرسین. عۆمومیتله، نۆفوذلو قایناقلارا ایستیناد وئرمک نئیترال نظر نؤقطه‌‌سینه نایل اوْلماغین ان یاخشی یوْللاریندان بیریدیر.