دانیشیق:سامسونگ
«گ» یوخسا «ق» ؟!
[دَییشدیر]@Trkgs, Elmaxtar, Alp Er Tunqa, Ziraksima, Abbas elçin, Aydın Sümərinli, Abolfazlyashar, Salman.oglu, and Yossardaz: و باشقا یولداشلار:
بیلدیگیمیز کیمی یازی قوراللاری‌نین 9/3-جو بندینه دایاناراق، «اوْرژینال ایملاسی G ایله یازیلان و آذربایجان لاتین الیفباسیندا Q ایله ایفاده ائدیلن سس، بیزده «ق» ایله یازیلاجاق: اوْرتوقرافی، قرامر، قاز».
آنجاق بعضی کلمه‌لر وار کی هم اوْرجینال یازیلیشیندا و هم قوزئی آذربایجاندا (لاتین الیفباسیندا) G ایله یازیلیر، آمما بیز تلفوظلارینا دایاناراق اوْنلاری Q (ق) ایله یازمیشیق. میثال اۆچون: Google --> قوقل / Telegram --> تلقرام. حتی قاباقجا بیر سس‌وئرمه نتیجه‌سینده لاتینجه Kiloqram-ی، یازی قوراللارینا قارشی اوْلاراق «کیلوگیرم» فوْرموندا یازماغی ترجیح ائتمیشیک.
ایندی سؤز یئتیشیر اوْ کلمه‌لره کی ایچینده ایشلنن «G»، بیزده هم «ق» و هم «گ» تلفوظ اوْلابیلیر. مثلا: Hamburger --> همبرگر یا همبرقر / Hamburg --> هامبورق یا هامبورگ / Bergman --> برگمن یا برقمن / Sergei --> سرگئی یا سرقئی / Texas --> تگزاس یا تقزاس (یا اصلا تکزاس؟) / Samsung --> سامسونگ یا سامسونق.
منجه بیر واحید یازیلیش طرزی سئچمه‌لی‌ییک، چونکو نئجه کی گؤرونور بو صفحه بیر دفعه حؤرمتلی M.XIII بی طرفیندن سامسونگ-دان سامسونق-ا و بیر دفعه ده باشقا حؤرمتلی ایشلدن طرفیندن اوْنون ترسینه داشینیبدیر. بئله دییشیکلیکلرین قاباغینی آلماق اۆچون بیر ایجماع گرکیر منجه. لوطفا سیز ده بو قوْنو ایله ایلگیلی اؤز نظرلرینیزی پایلاشین. سایغیلاریملا -- Bir Morty (دانیشیق) ۱۱ فوریه ۲۰۲۲، ساعت ۰۰:۲۱ (UTC)
- @Bir morty: بو واجیب مؤوضوعا داخیل اولدوغونوز اوچون تشکور ائدیرم. منجه، بوتون حاللاردا گ-دان G-نین موعادیلی کیمی ایستیفاده ائتمک داها یاخشی‌دیر. اوچ سببه گؤره: بیرینجی‌سی، بیز بوتون حاللاردا k اوچون‌ده ک-دان ایستیفاده ائدیریک؛ بیر حالدا کی جنوب لهجه‌سین‌ده، کربلا، باکی و کیرمان (کئچمیش‌دن داها چوخ ایستیفاده اولونان کلمه‌لر) و کاشان، کازیرون و کانادا (کئچمیش‌ده آز تانینان کلمه‌لر) کیمی سؤزلرده ک-نی فرقلی تلفوظ ائدیریک (باخمایاراق کی، شیمال لهجه‌سین‌ده هامی‌سی عئینی شکیل‌ده تلفوظ اولونور). گ حاقین‌دادا، دئیه‌سن، گ حرفی اوزون‌مدت آرامیزدا اولان گیلان و گونبذ کیمی سؤزلرده بیر شکیل‌ده و گوگل و سامسونگ کیمی کئچمیش‌ده چوخ راست گلینمه‌ین سؤزلرده بیر آیری شکیل‌ده تلفوظ اولونور (یئنه‌ده باخمایاراق کی، شیمال لهجه‌سین‌ده هامی‌سی عئینی شکیل‌ده تلفوظ اولونور). آما منجه ایستراسبورگ کیمی داها یئنی تانینمیش سؤزلرده گیلان کیمی تلفوظ ائدیله بیلر و گ عئینی گ-دیر. ایکینجی‌سی، بو سؤزلرین یازیلیشیندا واحیدلیک اولمالی‌دیر و بوتون دیللرده، او جومله‌دن شیمال لهجه‌سین‌ده عئینی شکیل‌ده یازیلان گ دیلیمیزده بیر چوخ شکیل‌لرده اولمامالی‌دیر (البته قئید ائتدیم کی، بو نئچه‌شکیل‌لیق یالنیز بو کلمه‌لرین تورکجه‌ده یاییلدیغی زامان دؤورو ایله باغلیدیر). نهایت، ویکی‌پدیادا معیار سؤزون خالق آراسین‌دا عومومی‌لیگی‌دیر. تورک‌لر سامسونگ یازیسی ایله داها چوخ تانیشدیرلارسا، ویکی‌پدیا بو کلمه‌نین باشقا شکیلینی عومومی‌لشدیرمه‌مه‌لی‌دیر. حؤرمتله --علم‌آختار (دانیشیق) ۱۱ فوریه ۲۰۲۲، ساعت ۰۶:۱۲ (UTC)
- "G" حرفلی یابانچی سؤزلری الیفبامیزا کؤچورولنده دیلیمیزین آهنگ قانونونونا اویمالی‌دیر. یعنی "G" حرفی داشییان هجا اینجه‌دیرسه "گ" کیمی یازیلمالی ( اؤرنک: همبرگر، سرگئی،برگمن) ، هجا قالیندیر‌سا "ق" کیمی یازیلمالی‌دیر (اؤرنک: قاز، قیرام، قیرامر و...)
- سامسونگ و هولدینگ کیمی کلمه‌لره گلدیکده، کلمه‌لرین سونداکی "نگ"، اسکی تورکجه و بعضی چاغداش تورکجه‌لرده "نون غنه" حرفی دئییلن و "نگ" کیمی یازیلیب تلفوظ اولان حرفه تام بنزه‌دیگی نظره گلیر "نگ" کیمی یازیلسا داها اویغوندور. — بو ایمضاسیز یازی Abbas elçin (دانیشیق • چالیشمالار) طرفیندن آرتیریلمیش‌دیر.
سلام حؤرمتلی بی لر منجه سامسونگ یازماق تلقرام یازماق داها اویقون دور چۆن بیزیم دمگیمیز نقدر یازماقیمیزا یاخین اولسا او قدر اویقون اولور — بو ایمضاسیز یازی Aydın Sümərinli (دانیشیق • چالیشمالار) طرفیندن آرتیریلمیش‌دیر.
سلاملار. تکجه اوستده‌کی آدلار باره‌سینده منجه معیار دیلیمیزده‌کی تلفوظونا گؤره قوگل (قوقل و گوگل ایکیسی ده یانلیشدیر منجه)، کیلوقرام، قرام، تلقرام، اینستاقرام، همبرگر، سرگئی، برگمن، هامبورگ، تگزاس و سامسونگ کیمی یازیلیشلاری داها اویغوندور. آنجاق تاسوفله بیزیم دیلیمیز و خطیمیز رسمی اولمادیغی اۆچون و دیل قورومو تشکیلاتیمیز اولمادیغی اۆچون، اوستده‌کی کلمه‌لردن آرتیق G ایله یازیلان چوخلو کلمه‌لرده بو موشکول واردیر و حؤرمتلی Bir morty بی اوستده ایشاره ائتدیگی کیمی بیز تورکجه ویکی‌پدیا ایشلدنلری اولاراق G حرفی ایله یازیلان کلمه‌لره گؤره اؤزوموز بیر واحید و ایستاندارد یازیلیش طرزی سئچمه‌لی‌ییک. ایستاندارد یازیلیش طرزی سئچمک اۆچون حله‌لیک منیم خاص بیر نظریم یوخدور و باشقا ایشلدنلرین نظرین گؤزله‌ییرم. آنجاق حله‌لیک ایستاندارد بیر یازیلیش طرزی سئچمه‌یه قدر، باشلیقلاری G ایله اولان مقاله‌لرین آدین دییشمک ایسته‌یَن ایشلدنلر، آد دییشمه‌دن اؤنجه مقاله‌لرین دانیشیق صفحه‌لرینده بو قونونو مطرح ائتمه‌لیدیرلر و G ایله اولان مقاله‌لرین آدلارین ایجماع اساسیندا دییشدیرمه‌لیدیرلر. البته بو منیم شخصی نظریمدیر. حؤرمتله Trkgs (دانیشیق) ۱۱ فوریه ۲۰۲۲، ساعت ۱۴:۲۵ (UTC)
سلام حؤرمتلی بیلر، منجه ده ائلچین بی و Trkgs بیلری بویوردوغو کیمی، آلینما سؤزجوکلرده G حرفی‌نین نئجه یازیلماسی سس اۇیغونلوغو قانونو اساسیندا نئجه تلفوظ اولونماسینا باغلیدیر.--Alp Er Tunqa ☎ ۱۲ فوریه ۲۰۲۲، ساعت ۰۷:۲۷ (UTC)