روسیه سوخوی۲۴ اوچاغی‌نین تورکیه مرزینده دوشورولمه‌سی (۲۰۱۵)

ویکی‌پدیا، آچیق بیلیک‌لیک‌دن
پرش به ناوبری پرش به جستجو
۲۰۱۵ روس سو-۲۴ اۇچاغی‌نین دۆشورولمه‌سی
سوریه ایچ ساواشی
Sukhoi Su-24 inflight Mishin-2.jpg

سوخوی سو-۲۴ام تیپی دۆشورولن اۇچاغین بیر بنزری
تاریخ ۲۴ نوْوامبر ۲۰۱۵
بؤلگه سوریه - تۆرکیه مرزی
سبب مرز ایخلالی
نتیجه  • تۆرکیه٬ روسیه اۇچاغینی دۆشوردو
  • روسیه٬ تۆرکیه ایله بۆتون عسگری تماسلارینی مۆعلّق ائتدی
  • سوریه دؤولتی‌نین مۆخالیفلری ۲ روس عسگرینی اؤلدوردو٬ ۱ روس هلیکوپترینی دۆشوردو
طرفلر
تورکیه تۆرک هاوا قۆوّتلری

  • اؤزگور سوریه اوْردوسو
  • سوریه تۆرکمان اوْردوسو
روسیه روس هاوا قۆوّتلری
گۆجلر
 • ایکی اف-۱۶

 • بی‌جی‌ام-۷۱ توو

 • ۱ سوخوی سو-۲۴ ام
  • ۲ میل می-۸
ایتکینلر
۲ غئیری-نیظامی تۆرک وطنداشی یارالاندی  • ۱ سوخوی سو-۲۴ ام
  • ۱ میل می-۸
  • ۲ روس عسگری اؤلدورولدو
  • ۱ روس عسگری‌نین دۇرومو بللی دئییل


روسیه سوخوی۲۴ اوچاغی‌نین تورکیه مرزینده دوشورلمه‌سی (۲۰۱۵) ، 24 نوامبر 2015 گونونده، روسیه فدراسیونو هاوا گوجلرینین سوخو24 (Su-24M) سالدیریجی اوچاغین سوریه مرزیندن تورکیه هاواسینی ایجازه سیز اخلال ائتمک اوچون، گؤی دن گؤیه آتیش آچماقلا دوشورولمک ایتفاقیدیر.  1950.جی ایللریندن بری، سویوق ساواش سورَجی سونراسی بیرینجی دفعه ناتو عوضوو اولان اؤلکه طرفیندن بیر روسیه اوچاغی دوشورلمک ایتفاقی ساییلیر.

روس سوخوی اوچاغی نین اوچوش مسیری
1- بوْز خط: تورکیه هاوا گوجلری نین رادلارلاری نین وئردیگی بیلگی یه گؤره
2- قیرمیز خط: روسیه نین وئردیگی بیلگی

تورکیه سیلاحلی گوجلری گنل قورمای باشقانلیغی نین یایدیغی آچیقلامایا گؤره تورک هاوا آلانیندا اخلال یارادان طیاره، بئش دقیقه ایچریسینده 10 دفعه اویاریلیب اخطار آلینماسینا باخمایاراق مرز پوزونتوسونا سون وئرمَمَک ندنی ایله، آنقاژمان قوراللاری(چارپیشما قوراللاری) گرَگی ایله، ایکی تورکیه اف 16 (F16) طیاره طرفیندن وورولدو. اوچاق سوریه تورکمان اوردوسونون کونترولونداکی باییربوجاق بؤلگه سی، تورکمان داغینداکی مئشه‌لره دوشدو. اوچاقداکی ایکی خلبان اجکت ائدیب، نیجات چتیری (پاراچوت) ایله آتیلماسینا رغماً، خلبانلاردان بیری سوریه تورکمان اوردوسونا باغلی گوجلر طرفیندن اؤلو اولاراق اله گئچیریلدی. دوشَن اوچاغین پارچالاری نین اطرافا ساورولماسینا گؤره تورکیه هاتای (خاتای) یایلاداغی بؤلمه سینده ایکی تورک وطنداشی نین یارالانماسینا نَدَن اولدو.

عکس‌العمل‌لر[دَییشدیر]

تورکیه[دَییشدیر]

  • تورکیه رئیس‌جومهورو رجب طیب اردوغان دئدی: "هاوا محدوده میزی نین اخلال ائدیلمه سی نتیجه‌سی آنقاژمان قوراللاری ایله جواب وئردیک. تورکیه نین مرزلرینی قوروما حاققینا هر اؤلکه حورمت ساخلامالی دیر. بشار اسد حکومتی نین آیاقدا قالماسی اوچون، سوریه حکومتی و متفقلری داعیشی بهانه ائدیب و بؤلگه ده اؤز تورپاقلارینی قوروماغا چالیشان تورکمانلارینا حمله ائدیرلر". "تورکمان یاشایان یئرلرده هئچ بیر داعیش عوضوو یوخدور و بیز تورکمانلارین آرخاسیندا دورماغا دوام وئرَجَییک."[۱]
  • تورکیه نین باش وزیری احمد داووداوغلو دئدی: "تورکیه مرزلری‌نین کیم اخلال ائدرسه، اونا قارشی هر جور تدبیری آلماغین حاقلاری و وظیفه سی واریمیز."

روسیه[دَییشدیر]

  • روسیه دیفاع ویزارتی ده، اوچاغین تورکیه هاوا محدوده سینه گیرمَدیگینی ادعا ائتدی.
  • روسیه رئیس‌جومهورو ولادیمیر پوتین دئدی: "ترور یانداشلاری بیزه آرخادان خنجر ووردولار. بو روسیه - تورکیه ایلیشکیلرینه پیس ائتکی سی اولاجاقدیر."
  • روسیه خارجی ایشلر باخانی سئرگئی لاوروف اوچاغین دوشورولدویو گونون صاباحی قاباقدان پلانلانمیش سفرینی تورکیه یه کنسئل ائتدی.

آمریکا بیرلشمیش ایالتلری[دَییشدیر]

  • آمریکا بیرلشمیش ایالتلری باشچیلیغی ایله داعیشه حمله ائدن ملتلرآراسی ائتلاف سؤزجوسو، ژنرال استیو واررن ده، روسیه اوچاغی نین مرز اخلالینا 10 دفعه اخطار و اویاری آلدیغینی تصدیقلَدی.
  •  باراک اوباما آمریکا پرزیدنتی فرانسوا اولاند ایله گؤروشو مدیا ایجتماعیندا دئدی: "تورکیه اؤز توپراقلاری و گؤیونو قوروماقدا حاقلی دیر. و روسیه، یاخشی دیر تکجه داعیشه حمله ائتسین و آیری معتدل قروپلالا ایشی اولماسین."

ناتو[دَییشدیر]

ناتو باشچیسی یئنس استولتنبرگ نئچه ساعات دوشورولمه دن سونرا بیر رسمی آچیقلامادا دئدی: "تورکیه اؤز توپراقلاری و گؤیونو قوروماقدا حاقلی دیر و تورکیه ناتو عوضوو اولاراق، بیز ده تورکیه نین آرخاسینداییق، آنجاق روسیه دن ایستیریک آرام قالسین و سوریه ده مشترک و اورتاق دوشمانلاریمیزا (داعیش) حمله ائتسین."

فرانسه[دَییشدیر]

فرانسوا اولاند فرانسه جومهور باشقانی، آمریکادا  باراک اوباما ایله گؤروشو مدیا ایجتماعیندا دئدی، روسیه، یاخشی دیر تکجه داعیشه حمله ائتسین و آیری معتدل قروپلالا ایشی اولماسین.

قایناقلار[دَییشدیر]

  • آنادوْلو تۆرکجه‌سی ویکی‌پدیاسی‌نین ایشلدنلری طرفیندن یارانمیش«2015 Rus Su-24 uçağının düşürülmesi»، مقاله‌سیندن گؤتورولوبدور. (۲۵ نوْوامبر ۲۰۱۵ تاریخینده یوْخلانیلیبدیر).

قالری[دَییشدیر]

  1. "Who Are the Turkmens of Syria?"