ساواش جینایتی

ویکی‌پدیا، آچیق بیلیک‌لیک‌دن
صنعانین گۆنئیینده عربیستان طرفیندن بومبالانمیش بیر ائو - ساواش جینایتی سایلیر

ساواش جینایتی، نیظامی و یا قارایاخا، فرد و یا فردلرین، ساواش قانونلاری ایخلالی اۆچون اولوسلارآراسی جزا حۆقوقو چرچیوه‌سینده جزالاندیریلا بیله‌جگی جۆرمدور. دؤولتلر آراسی مۆناقیشه‌لرده ساواش قانونلاری‌نین هر ایخلالی بیر ساواش جۆرمو ساییلماقدادیر، آمّا دؤولت ایچی مۆناقیشه‌لرده یئر آلان ایخلاللار ساواش جۆرمو ساییلمایا بیلر. ساواش قانونلاری سرحدلری ایچینده، یئرلشمیش امنیّتین ایخلالی، مۆناقیشه اثناسیندا قبول ائدیلمیش یوللار و قایدالارین نقض ائدیلمه‌سی، مثلاً آتشکس بایراغینی قالدیرانلارا هۆجۇم ائتمک و یا آتشکس بایراغینی آلدادیجی شکیلده ایشلدیب هۆجۇم ائتمک، ساواش جینایتی ساییلیر. ساواش اسیرلرینه و قارایاخالارا قارشی پیس داورانیشلار دا ساواش جۆرمو تشکیل ائدن داورانیشلار آراسیندا یئر آلیر. ساواش جۆرملری جمعی قیرغین و سوْی‌قیریم حادیثه‌لری‌نین بیر پارچاسی اوْلماسینا رغماً، بۇ نوع جۆرملر عۆمۇماً اۇلوسلارآراسی اینسان حۆقۇقو چرچیوه‌سینده اینسانلیغا قارشی جۆرملردن حسابلانار.

قایناقلار[دَییشدیر]

آنادولو تورکجه‌سی ویکی‌پدیاسی‌نین ایشلدنلری طرفیندن یارانمیش«Savaş suçu»، مقاله‌سیندن گؤتورولوبدور. (۲۹ سپتامبر ۲۰۱۶ تاریخینده یوْخلانیلیبدیر).