ساوالان پارکی
| ساوالان پارکی | |
|---|---|
 | |
| اؤلکه |  ایران |
| اوستان | غربی آذربایجان |
| بؤلگه | اورمو |
| بؤلوم | مرکزی |
ساوالان پارکی یوخسا یومورتا پارکی (تخم مرغی) — اورمیه-ده یئرلشن بیر گزمه‌لی و گؤرمه‌لی پارک‌دیر.[۱] [۲]
تانیتیمی
[دَییشدیر]اورمی‌نین «ساوالان» یوخسا «یومورتا پارکی» ایثار شهرجیگینده یئرلشیر. بو پارک یومورتایا بنزدیگی اوچون یومورتا پارکی کیمی ده تانینیر. ۱۴۰۲-ده ساوالان آدی‌نین تابلوسو دا پارکین گیریشینده وورولدو، آنجاق نئچه گون چکمه‌دی بللی اولان شخص‌لر طرفیندن چیخاریلدی. [۳] بو گؤزل پارک تعطیل گون‌لرینده عاییله ایله ایلنمک اوچون یاخشی یئردیر. بو پارکین باساراقلی اولماسی‌نین سبب‌لرین‌دن بیری ده اوشاق‌لار اوچون اویون شهری‌نین اولماسی و توریست‌لرین دقتینی جلب ائدن ایلک شیمال بازارینا یاخین اولماسی‌دیر.
ساوالان آدی
[دَییشدیر]ساوالان آذربایجانین مشهور ساوالان داغی -نین آدی‌دیر. روایت‌لریمیزه و اؤز حس‌لرینه گؤره وحی یئری‌دیر. تورکجه ساوالان سؤزو ایسه وحی آلان و خبر قبول ائدن دئمک‌دیر. ساوالان تاریخ قدر، جوغرافیا قدر گئنیش بیر آددیر و قزوین‌ین سککیز تاریخی و قدیم قاپی‌سیندان بیری‌نین آدی ساوالان اولموشدور.[۴]