سلیمان ثانی آخوندوف
| سلیمان ثانی آخوندوف | |
|---|---|
 | |
| اصل آدی | سلیمان ثانی رضاقولو بیگ اوغلو آخوندوف |
| دوْغوم تاریخی | 3 اوکتوبر 1875 شوشا روسیه ایمپیراتورلوغو |
| اؤلوم تاریخی | 29 مارس 1939 (63 یاشیندا) باکی آذربایجان شوروی سوسیالیست جومهوریتی |
| مرازلیق | فخری خیابان |
| پئشه | یازیچی |
| تاثیر قویموش | {{{تاثیر قویموش}}} |
سلیمان ثانی رضاقولو بیگ اوغلو آخوندوف (3 اوکتوبر 1875[۱]، شوشا[۲]– 29 مارس 1939[۲][۳]، باکی[۲]) – آذربایجان دراماتورقو، ناثیر، معاریف خادیمی، امک قهرمانی (1932). ادبیاتدا هم‌سویادی میرزه فتحعلی آخوندوفدان فرق‌لنمک اوچون عربجه "ایکینجی" معناسینی داشییان " ثانی " سؤزونو اؤزونه لقب گؤتورموشدور.
یاشاییشی[دَییشدیر]
سلیمان ثانی آخوندوف 3 اوکتوبر 1875-جی ایلده شوشا شهرینده آنادان اولموشدور. او، اوشاق یاشلاریندا آتاسینی ایتیردیگی اوچون داییسی صفرعلی بیگ ولی‌بیگوفون حیمایه سینده بؤیوموشدور.[۴]سلیمان ثانی آخوندوف 1885–1894-جو ایللرده قوری موعلیم‌لر سمیناریاسیندا تحصیل آلدیقدان سونرا اوچ درجه‌لی روس-تاتار مکتبینه موعلیم تعیین ائدیلمیشدیر.[۴] او، عؤمرونون سونونا کیمی پداقوژی فعالیتله مشغول اولموش، یازیچی، ژورنالیست کیمی تانینمیشدیر.
سلیمان ثانی آخوندوف 1906-جی ایلده باکی‌دا چاغریلمیش آذربایجان موعلیم‌لری‌نین 1. قورولتاییندا ایشتیراک ائتمیشدیر. 1920–1921-جی ایللرده قاراباغ ویلایتی‌نین معاریف شؤعبه‌سی‌نین مودیری، 1922–1930-جو ایللرده باکی‌دا مکتب مودیری وظیفه‌لرینده چالیشمیشدیر. 1922-جی ایلده آذربایجان ادیب و شاعیرلر ایتّیفاقی‌نین ایلک صدری سئچیلمیشدیر. ادبی و پداقوژی فعالیتینه گؤره 1932-جی ایلده اونا "امک قهرمانی" آدی وئریلمیشدیر. 1921-جی ایلدن 1930-جو ایله‌دک فاصیله‌سیز باکی سووئتی عوضوو، باکی ایجرایه کومیته‌سی‌نین نامیزه‌دی و آذربایجان مرکزی ایجرایه کومیته‌سی‌نین عوضوو اولموشدور. "ایکینجی ایل " آدلی درس کیتابی نین مؤلیفی‌دیر.
سلیمان ثانی آخوندوف 29 مارس 1939-جو ایلده، 63 یاشیندا وفات ائتمیشدیر.
بدیعی یارادیجی‌لیغی[دَییشدیر]
سلیمان ثانی آخوندوفون ایلک یارادیجی‌لیق اثری " تاماحکار " کومدی‌سی‌دیر. او بو اثرینی میرزه فتحعلی آخوندوفون " حاجی قارا " اثری نین تاثیری ایله 1899-جو ایلده یازمیشدیر.
بو کومدی‌سینده او، دؤورون بیر سیرا منفی‌لیک‌لرینه، او جومله‌دن خسیس‌لیگه، تاماحکارلیغا، قادین اسارتینه قارشی چیخمیش، عمران، گولزار، شرف خانیم کیمی موثبت صورت‌لر یاراداراق یئنی نسلی حقیقته، فداکارلیغا سؤوق ائتمگه، اوخوجو و تاماشاچی‌لاردا گؤزل حیات آرزولاری اویاتماغا چالیشمیشدیر. 1907-جی ایلده قلمه آلدیغی "دیبدات بیگ " ، "تورک بیرلیگی" آدلی کومدی‌لری ایله آذربایجان تئاتر صحنه‌سینه سیاسی-ایجتیماعی مؤوضو گتیرمیشدیر. "لاچین یوواسی" ، "قارانلیقدان ایشیغا" ، "شاه‌صنم و گولپری" ، "سعادت زحمتده دیر" ، "ملا نصرالدین باکی‌دا" ، "عشق و اینتیقام" و س. پیئس‌لرین مؤلیفی‌دیر.
سلیمان ثانی آخوندوف هم ده اوریژینال ناثیردیر. "قوناق‌لیق" (1905)، "کؤوکبی-حورّیت" (1905)، "یوخو " (1905) اونون ایلک حکایه‌لری‌دیر. او بو کلاسیک اثرلرینی 1905-جی ایل اینقیلابی‌نین تاثیری ایله یازمیشدیر. یازیچی "طوطوقوشو" (1909) حکایه‌سینده ده آکتوال مسله‌یه توخونموشدور. ادیب تخمیناً بیر صحیفه حجمینده اولان بو حکایه‌سینده تقلیدچی‌لری، آنا دیلینه خور باخان‌لاری طوطوقوشونون سیماسیندا ایفشا ائتمیشدیر. سلیمان ثانی آخوندوفون یازدیغی "قان بولاغی" (1923)، "اومید چیراغی" (1923)، "جهالت قوربانی (1923)، "نه اوچون" (1925)، "تبریک" (1925)، "سونا خالا" (1926)، "ناموس" (1926)، "میستر قرئیین کؤپگی " (1927)، "سون اومید " (1927)، "ایکی دوست، ایکی دوشمن" (1927)، "گنج ماشینیستکا و قوجا یازیچی" (1935) حکایه‌لری آذربایجان نثری‌نین قییمتلی نومونه‌لریندندیر.20. عصر آذربایجان اوشاق ادبیاتی‌نین فورمالاشماسیندا، اینکیشافیندا دا اونون بؤیوک خیدمتی واردیر. ادیب "قورخولو ناغیل‌لار " (1912–1914) باشلیغی آلتیندا یازدیغی "احمد و ملیکه" ، " عباس و زینب " ، " نورالدین " ، " قاراجا قیز " ، " اشرف " ایله آذربایجان اوشاق ادبیاتیندا فورما، مضمون، اوسلوب یئنی‌لیک‌لری گتیرمیشدیر.
اثرلری[دَییشدیر]
- اثرلری. باکی: 1936.
- سئچیلمیش اثرلری (ترتیب ائدنی عباس زامانوف). باکی: 1951.
- سئچیلمیش اثرلری (ترتیب ائدنی نادر ولیخانوف). بیر جیلد. باکی: 1968.
- سئچیلمیش اثرلری (ترتیب ائدنی نادر ولیخانوف). ایکی جیلد، باکی: 1968.
- حکایه‌لر و پیئس‌لر (ترتیب ائدنی نادر ولیخانوف). باکی: 1975.
- سئچیلمیش اثرلری (ترتیب ائدنی و اؤن سؤزون مؤلیفی: نادر ولیخانوف). باکی: 2005
قایناق‌لار[دَییشدیر]
- آذربایجان ادبیاتی تاریخی. 3 جیلدده، اوچ جیلد، باکی، 1957.
- آذربایجان سووئت ادبیاتی تاریخی. 2 جیلدده، بیر جیلد، باکی، 1967
- آذربایجان سووئت ادبیاتی. باکی، 1966.
- میر جلال، فریدون حسینوف20. عصر آذربایجان ادبیاتی. باکی، 1982.
- ج.حاجی‌یئف 20. عصر آذربایجان ادبیاتی تاریخی. باکی، 1955.
- مسعود ولی‌یئوف س.ث.آخوندووف باکی، 1956.
- ج.ناغی‌یئوا. س.ث.آخوندوف آرشیوی‌نین تصویری. باکی، 1962.
- نادر ولیخانوف. سلیمان ثانی آخوندووف باکی، 1968.
- نادر ولیخانووف سلیمان ثانی آخوندوف. باکی، 1976.
- ر.شمسی‌یئوا. سلیمان ثانی آخوندوف (متودیکی-بیبلیوقرافیک ادبیات گؤستریجیسی). باکی، 1975.
- Очерк истории Азербайджанской советской литературы. Москва, 1963
- اورخان محمدوف(باهارلی). آغدامین آدلی-سانلی پداقوق‌لاری، عالیم‌لری. باکی، 2001.
- اورخان ذاکراوغلو (باهارلی). قاراباغین سئییدلی اویماغی. بیر کیتاب، باکی، 2017
- محمدحسین تهماسیب. سئچیلمیش اثرلری. 2 جیلدده. بیر جیلد. باکی: موترجیم، 2010. – ص. 466–469.
اتک یازی‌لار[دَییشدیر]
- ^ Czech National Authority Database.
- ^ ۲٫۰ ۲٫۱ ۲٫۲ Ахундов Сулейман Сани // Большая советская энциклопедия (rus.): [в 30 т.]. / под ред. А. М. Прохорова 3-е изд. Москва: Советская энциклопедия, 1969.
- ^ Süläjman Sani Achundov // Czech National Authority Database.
- ^ ۴٫۰ ۴٫۱ H. Əhmədov. Azərbaycan məktəb və pedaqoji fikir tarixi. Bakı: Elm və təhsil, 2014. — səh. 237–240.