شاخسئی واخسئی
.jpg)
شاخسئی واخسئی یا دا شا حسین وا حسین ویا شاه حسین وای حسین بیر نؤوع شیعه مذهبی تؤرنیدیر. بو مراسیم محرم آیی‌نین گونلرینده آذربایجانین اکثر یئرلرینده و بؤلگه‌لرینده اؤزللیکله تبریز، مراغا و اردبیل شهرلرینده و اطرافلاریندا کئچیریلیر. بو تؤرن نئچه گون محرم آیینا قالاندا (یاخلاشیق بیر هفته محرم آییندان قاباق) باشلانیر و هر آخشام و هر گئجه کیشیلر تَوَسّۆطیله ائدیلیر و محرم آیی‌نین اونونجو گونونه قدر (عاشورا گونو) دوام تاپیلیر و عاشورا گونو ناهار چاغی بو تؤرنه سون قویولور. آذربایجان تورکجه‌سی‌نده، خالق بو مراسیمه «شاخسی» مراسیمی دئییرلر کی «شاه‌حسین» سؤزونون قیٛسالتیلمیش حالتیدیر.