شرقی زنگه‌زور ایقتیصادی بؤلگه‌سی

ویکی‌پدیادان، آچیق بیلیک‌لیک‌دن
پرش به ناوبری پرش به جستجو
شرقی زنگه‌زور ایقتیصادی بؤلگه‌سی

شرقی زنگه‌زور ایقتیصادی بؤلگه‌سیآذربایجان‌ جومهوریتی‌نین 14 ایقتیصادی بؤلگه‌سیندان بیری. کلبجر، لاچین، قوبادلی، زنگیلان و جبراییل بؤلگه‌لرینی احاطه ائدیر. اراضیسی 7448 کم²-دیر. 

تاریخی[دَییشدیر]

1993–2020-جی ایللر آراسیندا اراضیسی ارمنیستان سیلاحلی قووّه‌لری‌نین ایشغالی آلتیندا ایدی. ایکینجی قاراباغ ساواشینی سونلاندیران 9 نووامبر بیاناتیندان سونرا تامامیله آزاد اولونموشدور. 

  اراضیسی‌نین بؤیوک حیصه‌سی 2021-جی ایله کیمی کلبجر-لاچین ایقتیصادی بؤلگه‌سینه داخیل ایدی. 7 ژوئیه2021-جی ایلده آذربایجان پرزیدنتی‌نین  "آذربایجان جومهوریتینده ایقتیصادی رایون‌لارین یئنی بؤلگوسو حاقیندا‌"  فرمانینا اساساً یارادیلمیشدیر.[۱] 

  2022-جی ایلده آذربایجانلا ایران آراسیندا  "‌ایران اراضی‌سیندن کئچمکله آذربایجانین شرقی زنگه‌زور ایقتیصادی بؤلگه‌سی ایله ناخچیوان موختار جومهوریتی آراسیندا یئنی نقلیات باغلانتی‌لاری‌نین یارادیلماسی حاقیندا آنلاشما تفهیم‌نامه‌سی "  ایمضالانمیشدیر. آذربایجان طرفی بو لایحه‌یه قورو و دمیر یوللاری، همچنین الکتریک خطلری‌نین داخیل اولدوغونو بیلدیرمیشدیر.[۲]

ایقتیصادیاتی[دَییشدیر]

  بؤلگه‌نین الوان متالوروژی‌ اینکیشافی اوچون پوتناسیلی واردیر. اراضی‌سینده قیزیل، جیوه، کرومیت، مرمر، پرلیت، اوزلوک تیکینتی داشلاری کورال، و س. فایدالی قازینتی معدن‌لری واردیر. 

  بؤلگه جوغرافی مؤوقعیینه و تاریخی آبیده‌لرینه گؤره توریستی اهمیت داشیییر. بورادا ایستی‌سو، مینکند، توتقون‌چای کیمی مینرال بولاق‌لار، ایقلیم-بالنئولوژیک شراییط، داغ مئشه‌لری توریستی مقصدلری اوچون ایستیفاده ائدیله بیلر. تاریخی معمارلیق آبیده‌لری سیاهی‌سینا گنجه‌سر، آغ‌اوغلان موناستیرلاری، گورجولو، محمدبَیلی توربه‌لری، خودآفرین کؤرپوسو و س. عاییددیر. 

اتک‌یازی‌لار[دَییشدیر]

  1. ^ Azərbaycanın iqtisadi rayonlarının yeni bölgüsü təsdiqlənib - FƏRMAN, apa.az
  2. ^ Tural Əsədi. "Hikmət Hacıyev: "İranla Anlaşma Memorandumunun imzalanması tarixi hadisədir"". apa.az. 11 mart 2022. İstifadə tarixi: 2022-02-27.