شرق فلسفه‌سی
| فلسفه ده |
| سریالین بیر حیصه‌سی |
|---|
 |
 فلسفه پوْرتالی |
شرق فلسفه‌سی دئییلدیگینده عومومیتله هیندیستان و چینده باشلایان فلسفه عنعنه‌سی نظرده توتولماقدادیر. آنجاق بونا آفریقا فلسفه‌سی، ژاپون فلسفه‌سی، ایسلام فلسفه‌سی، ایران فلسفه‌سی کیمی عنعنه‌لری ده علاوه ائتمک لازیمدیر. شرقیاتچی‌لیق دوشونجه ایله غرب فلسفه‌سی، اؤز تاریخینی قدیم یونان فلسفه‌سی دؤورویله بیرلیکده باشلاتماقدا، عاغیلچی و سیستماتیک دوشونجه عنعنه‌سینی اؤزونه عایید ائده‌رک اؤزونو بو محورده تعیین ائتمکده‌دیر. بو معنادا شرق فلسفه‌سی، غرب فلسفه تاریخی‌نین خاریجینده قالان فلسفه عنعنه‌لرینی آدلاندیرماقدادیر. شرق دوشونجه‌سی بو معنادا فلسفه-خاریجی اولاراق گؤرولمکده‌دیر. شرق فلسفه‌سی میفولوژی و میستیک یا دا سیررچی و سمبولیک یانلاری اولان بیر فلسفه عنعنه‌سی اولاراق قییمتلندیریلر. بو تاثیر و منشا سؤز مؤوضوسو اولماقلا بیرلیکده، شرق فلسفه‌سی‌نین فلسفه-خاریجی ساییلماسی آنجاق فلسفه‌نین موعین بیر شکیلده باشا دوشولمه‌سی و تصنیف ائدیلمه‌سی ایله مومکون اولماقدادیر. بو آنلاییش و صینیفلندیرمه ایسه غرب دوشونجه‌سی‌نین اؤزونو تعیین ائتمه‌سی ایله علاقه‌لی‌دیر. حالبوکی شرق و غرب فلسفه‌ری اولاراق آدلاندیریلان فلسفه عنعنه‌لری، فرقلی‌لیک‌لری ایله بیرلیکده، قارشی‌لیقلی تاثیرلنمه و داواملی‌لیق حالیندا اینکیشاف گؤسترمیش فلسفه‌لردیر. " شرق " بو معنادا، هم داها غرب فلسفه‌سی مؤوجود دئییلکن فلسفی ایچریملی زنگین بیر دوشونجه تاریخینه مالیکدیر، هم ده مثلا اورتا چاغ دؤورونده غرب فلسفه‌سی دئییلن فلسفه‌نین داشینماسی و اینکیشاف ائتدیریلمه‌سی شرق سایه‌سینده رئاللاشدیریلمیشدیر.