غرب فلسفه‌سی
| فلسفه ده |
| سریالین بیر حیصه‌سی |
|---|
 |
 فلسفه پوْرتالی |
غرب فلسفه‌سی، قدیم یوناندان باشلاییب گونوموزه قدر گلن غربلی فلسفه تاریخی آنلاییشی. اؤزل‌لیکله اوروپانین و غرب اولاراق آدلاندیریلان دونیانین 19. عصرده فلسفه تاریخینی یازارکن تصنیف ائتدیکلری دوشونجه عنعنه‌سی غرب فلسفه‌سی اولاراق آدلاندریلیر. افلاطون-دان باشلاییب مودرن زامان‌لارا اوزانان موعیّن بیر فلسفه یاراتما طرزی غرب فلسفه‌سی‌نین آییریجی اؤزل‌لیگی، داها آیریجالیقلی اؤزل‌لیگی اولاراق آنلاشیلیر. بو مئیل عومومی بیر یاناشمالا "شرقده فلسفه یوخدور" تزینی ایره‌لی سورر.قدیم میصیر، بین‌النهرین، ایران، چین و هیند مدنیت‌لری تاریخ اولاراق چوخ داها اسکی اولمالارینا و بورالاردا یاشایان اینسان‌لارین موعین دوشونجه عنعنه‌لرینه صاحیب اولمالارینا باخمایاراق، غرب فلسفه‌سی قدیم یونان دؤنمی ایله بیرلیکده باشلادیلار و بونلاری خاریجده بوراخدیلار. شرق فلسفه‌سی، هیند و چین فلسفه‌لری داخیل اولماق اوزره چوخ اؤنجه‌لرده باشلامیشدیر، بو عنعنه‌لر تأثیرلشمه‌لرله داواملی وارلیق‌لارینی داوام ائتدیرمیشلر، آنجاق غرب فلسفه‌سی بو عنعنه‌لری فلسفه-خاریجی سایما یؤنلیمینده‌دیر. فلسفه تاریخی کیتاب‌لاری، عومومی بیر مئیل اولاراق، میلادان اونجه ۵۰۰-لردن باشلایاراق بو گونه قدر، غرب اولاراق حساب ائدیلن بؤلگه‌لرده و غربلی موتفکیرلر طرفیندن اورتایا قویولان فلسفه یاراتما عنعنه‌سی غرب فلسفه‌سی اولاراق گؤرولور.