صنم عبدالعظیم‌زاده
صنم عبدالعظیم‌زاده چاغداش آذربایجانلی موسیقی‌چی.
حیاتی
[دَییشدیر]صنم عبدالعظیم زاده ۱۳۶۲ -نجی ایلده تبریز شهرینده دونیایا گؤز آچدی. آتاسی، یوسف عبدالعظیم‌زاده، بسته کار و آکاردئون سازینین اوستادی، صنمین ایلک موسیقی و پیانو معلیمی ساییلیر.
۱۳۷۸دن، صنم پیانو و موسیقی تئوری‌لرینی اوستاد فریدون پورناصح جنابلاری ایله اؤیرنمه‌یه باشلادی.
۱۳۸۲ -نجی ایلده، "تبریزین سمفونی کروسونا" قاتیلاراق سولفژ درسلری آلماغا باشلادی.
عئینی زاماندا، اوشاقلار و یئنی یئتمه‌لرین فیکری تربیه‌سی اوجاغی(فارسجا: "کانون پرورش فکری کودکان و نوجوانان") طرفیندن حاضیرلانان سی‌دی‌ده بیر نئچه آذربایجان فولکلور ماهنی‌سینی "سولو" اولاراق اوخویوب، ضبط ائله‌ییب، یایینلاندی.
۱۳۸۴ -نجی ایلده، "تهران کنسئرواتوآریندا" اؤیرنجی اولماغی قازاناراق، تبریزین ارکستر سمفونیکینده اولان چالیشمالارینا سون وئردی.
صنمین چالیشدیغی موسیقی سبکی، " جـــــاز و بــــلوز" دور. یئنی سبک یانی: " Fusion یا تلفیقی موسیقی " سبکینده - موختلیف موسیقی طرزلری بیر آرایا گتیرمک - قونوسوندا دا، یئنی آددیملاری آتاراق اوغورلو چالیشمالاری اولوبدور ( اؤزللیکله جاز – موغام و راک – موغام).
صنم گوجلو سسی ایله تورک، فارس و انگیلیس دیللرین‌ده ماهنیلاری سسلندیریر.
ایراندا محدودیت و سینیرلامالار اوزریندن، بیر قادین "سولو خواننده سی"اولاراق صحنه‌یه چیخابیلمهمهسی اۆچون، بو صنعتکار اؤزل اولاراق موسیقی درسلری وئریب و اؤیرنمه‌یه مشغول اولدو.
بو صنعتکار ۱۳۹۱ -نجی ایلین ایسفند آییندا ایلک کنسرتین ایستانبول شهرینده صحنه‌یه چیخارتدی.
حال حاضیرده، صنم تورکیه‌یه داشینیب و اورادا یئنی سبکلرده چالیشان موسیقی‌چیلرله امکداشلیق ائدیب، یئنی سی‌دی و کنسرتلره حاضیرلانیر.