عبدالرشید ابراهیموو

ویکی‌پدیا، آچیق بیلیک‌لیک‌دن
پرش به ناوبری پرش به جستجو
عبدالرشید ابراهیموو
Abdürreşit-İbrahim-Efendi-1857-1944-ve-Çocukları.jpg
آد عبدالرشید عمر اوغلو ابراهیموْو
قیسا بیلگی تاتار ایجتیماعی خادیمی، یازیچی، یایینچی، ایسلام دینینه چاغیران
دوْغوم تاریخ میلادی ۱۸۵۷-جی ایلین آوریل آیینین ۲۳-ۆ
سیبری، رۇسیه ایمپیراطۇرلوغو
اؤلوم تاریخ میلادی ۱۹۴۴-جۆ ایلین آقوْست آیینین ۱۷-ی
توْکیو، ژاپن، مئیجی دؤنمی
تحصیل مدینهده دینی تعلیم

عبدالرشید ابراهیموْو (تاتار تۆرکجه‌سی: Габдрәшит Ибраһимов) تاتار ایجتیماعی خادیمی، یازیچی، یایینچی، ایسلام داعی‌سی، سیاستچی و قیریم تاتارلارینین بیرلیک حرکتینین باشلاییچی‌سی.[۱] میلادی ۱۸۵۷-جی ایلین آوریل آیینین ۲۳-ۆنده توْبل ویلایتینین تارا شهرینده دینی بیر عایله‌ده دوْغولموش‌دور. عبدالرشید باشلانغیچ دینی تعلیماتی سیبری مدرسه‌لرینده آلیب، ۱۸۷۹-۱۸۸۴ ایللری آراسیندا مدینهده تعلیماتینی ایدامه وئرمیشدیر. ۱۸۸۵-۱۸۹۲ ایللرده اؤز شهری تارا دا امام‌لیق، خطیب‌لیک و تدریس ائتمیشدیر. ۱۸۹۲-۱۸۹۵ ایللرینده اۇفا شهرینده دینی بیر قۇرومدا باش قاضی‌لیق ائتمیشدیر. عبدالرشید گزیچی ایدی و چوْخلو اؤلکه‌لری آسیا، اوروپا و آفریقادا گزمیشیدی. بۇ اؤلکه‌لردن تۆرکیه، میصر، حیجاز، فیلیسطین، ایتالیا، اتریش، فرانسه،بولغاریستان، صیربیستان، قافقاز، اوْرتا آسیا و ژاپنی آد آپارماق مۆمکون‌دور. عبدالرشید ابراهیموْو ژاپن سیاحتینده مئیجی دؤنمینده توْکیو مسجیدینین بیرینجی ایمامی و بۇ اؤلکه‌ده گئچیردیگی چاغدا ایسلام دعوتییله مشغول اوْلموشدور.[۲]

قایناقلار[دَییشدیر]

  1. قیریملی, هاکان (۱۹۹۶). National movements and national identity among the Crimean Tatars: (1905-1916), ۵۹-۶۰.
  2. اۆنال ساده (۲۰۰۹/۰۹/۲۴). Kitap Kültür Fuarından Japonya'da Türklerin Ayak İzlerine (تۆرکجه). خبرنامه.