قارا یولوق عوثمان بی

ویکی‌پدیا، آچیق بیلیک‌لیک‌دن
پرش به ناوبری پرش به جستجو
قارا یولوق عوثمان بی
آد قارا یولوق عوثمان بی
قیسا بیلگی آغ قویونلولار بیرلیگینین باشچی‌سی
دوْغوم تاریخ ۱۳۵۰-جی میلادی ایللر یاخینلیغیندا
اؤلوم تاریخ ۱۴۳۵-جی میلادی ایل

قارا یولوق عوثمان بی ۱۴-جو و ۱۵-جی میلادی یوز ایللرده آغ قویونلولار بیرلیگینین باشچی‌سی ایدی.

یاشاییش[دَییشدیر]

عوثمان بی، فخرالدین قوتلوق بی‌ین ایکینجی اوغلودور. بؤیوک قارداشی احمد بی‌ین اؤلوموندن سونرا آغ قویونلولارین باشچیلیغینا ایریشدی. دیاربکر باشکندی اولان آغ قویونلو بی‌لیگینین قوروجوسو دور و اونون آدینا دیاربکرده سکه باسیلمیشدیر. دوغوم تاریخی آیدینجا بللی دئییل اما بعضی قایناقلار عوثمان بی‌ین اؤلرکن سکسن یاشلی اولماغینا ایشاره ائدیب‌لر.[۱] بونا باخاراق اونون ۱۳۵۰-جی ایللره یاخین آنادان اولماغی احتماللی‌دیر.

عوثمان بی، سونقور بیگین ۲۲-جی تورونو دور. سونقور بیگه گؤره دئییلیر حضرت محمد (ص) ایله چاغداشیمیش و اورتا آسیادان و قیپچاق چولوندن آذربایجاندا آلاگؤز بؤلگه‌سینه و گؤگچه گؤلونه گلیب، ایسلام گتیرندن سونرا ایسلام دوشمنلری ایله ساواشدا اوخلانیب وفات ائدیب دیر.[۲][۳]

قایناقلار[دَییشدیر]

  1. İslam Ansiklopedisi, Ak-Koyunlular Mad., Cilt I, s. 254.
  2. ابوبکر تهرانی، کتاب دیاربکریه، بیرینجی جیلد ۱۸-جی صفحه
  3. قارا قویونلولار و آغ قویونلولار، توفیق نجفلو، چئوری پرویز زارع شاهمرسی، صفحه ۴۵