قوبوستان رایونو

ویکی‌پدیادان، آچیق بیلیک‌لیک‌دن
Qobustan
قوبوستان
رایون
Map of Azerbaijan showing Gobustan Rayon
Map of Azerbaijan showing Gobustan Rayon
Coordinates: 40°32′06″N 48°55′16″E / 40.53500°N 48.92111°E / 40.53500; 48.92111موختصات: 40°32′06″N 48°55′16″E / 40.53500°N 48.92111°E / 40.53500; 48.92111
اؤلکهFlag of Azerbaijan.svg آذربایجان جومهوریتی
مرکز قوبوستان
اراضی
 • جمع۱٬۳۶۹٫۴ km2 (۵۲۸٫۷ sq mi)
جمعیت
 • جمع۴۶٫۱ مین
ساعات قورشاغییوتی‌سی +4 (AZT)
پوست کودو
3700
تلفون کودو(+994) 20[۱]

قوبوستان رایونو (تورکجه: Qobustan rayonu) آذربایجان جومهوریتی‌نین ایداری اراضی واحیدینده بیر یاشاییش منطقه‌سی‌دیر. مرکزی قوبوستان شهری‌دیر.

اتیمولوژی[دَییشدیر]

 قدیم یاشاییش مرکزلریندن اولان قوبوستان شیروان تاریخی ویلایتی‌نین ترکیبینده اولموشدور. قدیم تورک سؤزو اولان  " قوبو "  (قوبی) — قورو، سو- سوز یئر. اؤلکه، اوبا معناسنی داشیییر. طبیعی‌منظرده  " قوبو "  قورو و یا مووقّتی سو آخان اولان دره، یارغانا  دئییلیر. باشقا مولاحیظه‌لره گؤره  " قوبو "  سؤزونون بو مکانا هئچ بیر اویغونلوغو یوخدور. او، موقدّس یئر معناسیندا عربجه  "قابوستان’' سؤزوندن یارانمیشدیر. بو سؤز ایکی هجادان عیبارت اولوب  " قابو "  — آللاها یاخین.  "ستان "  مکان معناسینی وئریر  " قابوس- جان "  و یا " قابیستان "  آللاها یاخین مکان دئمکدیر. بئله‌لیکله،  " قابیس- تان "  چوخ موقدس آد و معنا کسب ائدیر. یاشلی و دیندار اینسان‌لارین سؤزلرینه گؤره یای آیلاریندا قوبوستانین سماسیندا  " آغ یول "  اوزانیر. بو " یول "  مکّه یه قدر ‌" گئدیر " . کئچمیشده کعبه‌یه  " حجّ زیارتی " نه گئدنلر بوندان یول‌گؤسترن کیمی ایستیفاده ائدیرمیش.قوبوستان رایونونون مرکزی اولان مرَزه قصبه‌سی مرَ‌زه یایلاسی‌نین مرکزینده. آنا یولون کناریندا یئرلشیر. روایت‌لره  گؤره سؤزون کؤکو دؤورونون مشهور بیر اینسانی‌نین آغیر خسته‌لیگی بورادا شفا تاپماسیندان قایناقلانیر. دیگر ورسیونا گؤره  " مرزه "  سؤزو مرز "  -سرحد. حودود، هاواقوووشان سرحد معناسنی وئریر. 

تاریخی[دَییشدیر]

  قوبوستان رایونو آذربایجانین شیروان تاریخی ویلایتی‌نین رایون‌لاریندان بیری دیر. قوبوستان دیاری بؤیوک قافقاز داغلاری‌نین شرق و جنوب-شرق اتک‌لرینده آذربایجان جومهوریتی‌نین شرق حیصه‌سینده یئرلشیر. قوبوستان اراضیسی تاریخی-جوغرافی مکان اولماقلا قدیم شیروانین تاریخی اراضیسی مینگه‌چئویردن توتموش کور چایی‌نین بؤیوک سول ساحیل تورپاق‌لاری دربند ده داخیل اولماقلا دربند سدّینه (قدیم داغیستانا) کیمی اوزانمیشدیر. ائله بونا گؤره ده تاریخی-جوغرافی باخیمدان شیروان دئدیکده قوبوستان شیروان اراضیسی حساب ائدیلمه‌لی‌دیر. لاکین بونونلا یاناشی کئچن عصر یازیلی منبع‌لرینده ایداری اراضی واحیدی کیمی شاماخی قزاسی‌نین ایکی بؤیوک ناحیه یه (ساحه‌یه) آیریلماسی معلومدور. بونلاردان بیری قوشون ساحه‌سی، دیگری ایسه قوبوستان ساحه‌سی آدلانمیشدیر. 

  قوبوستان رایونو 1920–1930-جو ایللرده شاماخی قزاسی‌نین مرزه دایره‌سی‌نین ترکیبینه داخیل اولموشدور. 1930-جو ایلده شاماخی رایونو تشکیل ائدیلدیکده مرزه ده اونون ترکیبینده اولموشدور. قوبوستان رایونو 8 اوکتوبر 1943-جو ایل تاریخینده مرزه رایونو آدی ایله تشکیل اولونموشدور. 4 دسامبر 1956-جی ایل تاریخینده اراضیسی‌نین بیر حیصه‌سی حسابینا خیزی رایونو تشکیل ائدیلمیشدیر.[۲] 4 دسامبر 1959-جو ایل تاریخینده مرزه رایونو لغو ائدیلمیش، اراضیسی ایسه شاماخی رایونونا بیرلشدیریلمیشدیر.[۳] 24 آوریل 1990-جی ایل تاریخینده موستقیل قوبوستان رایونو تشکیل ائدیلمیشدیر. 

  1893-جو ایلده نفتین خاریجه نقلی اوچون یارادیلمیش دوواننی ایستگاهی اساسیندا فورمالاشمیشدیر. آذربایجان نفتی‌نین خاریجه ایلک ایخراجی 1901-جی ایلده بو ایستگاهدان حیاتا کئچیریلمیشدیر. 1950–54-جو ایللرده سنگچال، چئییلداغ، الت و آتبولاق قصبه‌لری اساسیندا دوُواننی رایونو یارادیلمیش، 1956-جی ایلده یئنیدن مولوتوف (ایندیکی قاراداغ) رایونونا بیرلشدیریلمیشدیر.  

قایناقلار[دَییشدیر]

  1. ^ "Şəhərlərarası telefon kodları". Aztelekom MMC. Aztelekom İB. Retrieved 19 August 2015. (لاتین تورک دیلینده)
  2. ^ Ведомости Верховного Совета СССР. № 1 (868), 1957 г.
  3. ^ Ведомости Верховного Совета СССР. № 50 (982), 1959 г.

قارداش پروژه‌لرده قوبوستان رایونو گؤره داها آرتیق بیلگی‌لر تاپابیلرسینیز.


Search Commons فایل‌لار ویکی‌آمباردا