لیلا محمدبیگ‌ اووا

ویکی‌پدیا، آچیق بیلیک‌لیک‌دن
پرش به ناوبری پرش به جستجو
لیلا محمدبیگ‌اووا
Leyla Mammadbeyova.JPG
قیسا بیلگی آذربايجاندا، قافقازدا، همچنين بوتون جنوبي آوروپادا و ياخين شرقده ايلک قادين طیاره‌چی
دوْغوم تاریخ 9 سئنتيابر 1909
باکی، آذربایجان
اؤلوم تاریخ 1988 اییول آییندا
باکی ، آذربایجان
مزارلیقی فخری خیابان
میلّیت آذربایجانلی
تحصیل یئری باکی و موسکو
ایش طیاره‌چی
حیات یوْلداشی بهرام فيرودين اوغلو محمدبيگ اوو
اۇشاقلاری فیریدون، خانلار

لیلا علسگرقیزی محمدبیگ‌اووا (لاتین تورکجه:Leyla Ələsgər qızı Məmmədbəyova ) — آذربايجاندا، قافقازدا، همچنين بوتون جنوبي آوروپادا و ياخين شرقده ايلک قادين طیاره‌چی.

یاشاییشی[دَییشدیر]

لیلا محمدبیگ‌اووا ، 9 سئنتيابر 1909-جو ايلده باکيدا آنادان اولوب. اصلاً قوبادان اولان لیلا محمدبیگ‌اووا ايلک تحصيليني باکيدا آليب. 1918-جي ايلده ائرمنيلرين آذربايجانليلارا قارشي حياتا کئچيرديکلري مارت سوي‌قيريمي عرفه‌سينده عاييله‌سي ايله بيرليکده هشترخاندا مسکونلاشيبلار.آذربايجان خالق جومهوريتي يارانديقدان سونرا باکي‌يا کؤچوبلر. ايلک امک فعاليتينه 1930-جو ايلدن باشلايان لیلا محمدبیگ‌اووا صنعت تحصيليني باکي آئروکلوبوندا آلميش و ايلک اوچوشونو 1931-جي ايلده يئرينه يئتيرميشدير. تحصيليني 1932-جي ايلدن موسکوادا داوام ائتديرن محمدبیگ‌اووا 1933-جو ايل، مارتين 17-ده موسکوانين توُشينوْ آئروْدروُموُندا او-2 طياره‌سيندن پاراشوت ايله آتلاناراق سووئت ايتيفاقي‌نين ايکينجي قادين پاراشوتچوسو اولموشدور (نينا کامنئوادان سونرا). 1934-جو ايلده جنوبي قافقاز رئسپوبليکالاري آراسيندا کئچيريلن پاراشوتچولر ياريشيندا بيرينجي يئري توتموش و 1941-جي ايله‌دک آرتيق آوياسيا مايورو اولموشدو. سونرالار صنعتيني باکي آئروکلوبوندا موعلّيم کيمي داوام ائتديرميشدير.

يئتکينليک ياشينا چاتماميش دؤرد اوشاق آناسي (اوشاقلاري‌نين سايي جمعي آلتي نفر ايدي) مايور محمدبیگ‌اووانين بؤيوک وطن موحاريبه‌سينده ايشتيراکيندان ايمتيناع ائديلدي.

آئروکلوبون باغلانماسينا گؤره او، دئسانتچي و پاراشوتچو کورسلاريني تدريس ائتمگه ايجازه آلميشدي. او، موحاريبه‌ ايللري عرضينده يوزلرله دئسانتچي و 4 مين پاراشوتچو حاضيرلاييب جبهه‌يه يوللاميشدي. اونلارين آراسيندا ايکي نفر سووئت ايتيفاقي قهرماني آدينا لاييق گؤرولموشدور. محمدبیگ‌اووا طیاره‌چی کاريئراسيني 1949-جو ايلده سون اوچوش ايله باشا چاتديرميش، سونرالار OADKYC-نين باکي فيلياليندا صدر موعاويني کيمي چاليشميشدير. 1961-جي ايلده تقاعوده چيخميشدير.

وفاتی[دَییشدیر]

لیلا محمدبیگ‌اووا 1989-جو ايلين اييولوندا وفات ائديب و 2. فخري خياباندا دفن اولونوب.

شخصي حياتي[دَییشدیر]

لیلا محمدبیگ‌اووا 1925-جي ايلده 14 ياشيندا ايکن کورده‌خاني قصبه‌سينده دونيايا گلميش آذربايجانين تانينميش موتخصيصلريندن اولان بهرام فيرودين اوغلو محمدبيگ‌اوولا عاييله حياتي قورموشدور. 16 ياشيندا ايکن ايلک اؤولادي دونيايا گليب.

لیلا محمدبیگ‌اووانين بؤيوک اوغلو فيرودين ايکينجي دونيا موحاريبه‌سينده، کيچيک اوغلو خانلار ايسه قاراباغدا ووروشموشدور.

پوست مارکاسی

خاطيره‌سي[دَییشدیر]

قادين طیاره‌چی‌يه بير سيرا شئعير و کينوفيلم حصر اولونموش، 1995-جي ايلده حاقيندا سندلي فيلم ده چکيلميشدير. 1934-جو ايلده چکيلن "عيصمت" بديعي فيلمي محض لیلا خانيما حصر اولونموشدور.

قایناقلار[دَییشدیر]

  • корение небо. Журнал "Баку". Номер: Март - Апрель 2011
  • Tahirqızı, Ü. Şərqin əfsanəvi xanımı: Leyla Məmmədbəyova: O, müharibə dövrü ərzində 4000 paraşütçü-desant hazırlamışdı: [“İsmət” filmində baş rolun ifaçısı, təyyarəçi qadın Leyla Məmmədbəyova haqqında] //Xalq cəbhəsi.- 2014.- 5 aprel.- S.15
  • Kazımzadə, A. Kinomuzun “İsməti”: [“İsmət” filmində baş rolun ifaçısı, təyyarəçi qadın Leyla Məmmədbəyova haqqında] //Kaspi.- 2014.- 15-17 mart.- S. 22-23.


ائشیک باغلانتیلار[دَییشدیر]

İsmət movie online