مؤحتشم یوز ایل

ویکی‌پدیا، آچیق بیلیک‌لیک‌دن
پرش به ناوبری پرش به جستجو
Muhteşem Yüzyıl
235px
Also known as The Magnificent Century
Written by
کارگردان
اوْینایانلار
بئستکار(لار)
اؤلکه Turkey
اورجینال دیل(لر) آنادولو تورکجه‌سی
سای. seasons 4
اپیزود سایی 139 (list of episodes)
دۆزلتمه
Producer(s) Timur Savci
چاغ 90-150 min.
ایستحصالچی شیرکت(لر) Tims Productions
یایما
اورجینال کانال
تصویر فورمتی
سئس فورمتی Stereo
اورجینال یایما ژانویه 5, 2011 (2011-01-05) – ژوئن 11, 2014 (2014-06-11)
Chronology
تعقیب اولدو مؤحتشم یوز ایل: کؤسم
ائشیکه باغلانتی
وب‌سایتی tims.tv/serie/muhtesem-yuzyil

مؤحتشم یوز ایل (آنادؤلو تورکجه سی. Muhteşem Yüzyıl) تیمس پروداکشنز (Tims Productions) طرفیندن دوزَلیب ایستار تی وی (Star TV) ده یاییلانان تورکیه یاپیمی تاریخ-قورغو تلویزیون سریالی دیر. تئلئه سریال ، عثمانلی ایمپراتورلوغو خاقانی قانونی سولطان سولئیمانین و نیکاحلی آروادی خوررَم سولطانین یاشاییشی، خوررَم سولطانین و اوشاقلاری اۆچون گیریشدیگی تاخت موجادیله سی و سارای حیاتی اوچون تصورلنمیشدیر. سئناریستی مئرال اوکای، سریالین بیر قورغو اولدوغونو و بو نَدَنله دوغرولاری یانسیتماق مجبور اولمادیغینی آچیقلامیشدیر.

2011 ژانویه سی نین 5جی گونونده باشلایان دیزی نین بیرینجی سئزون سون بؤلومو 22 ژوئن 2011 اودگؤنو (چرشمبه) یاییلمیش، 4 ژانویه 2012یه دک شو تی وی (Show TV) ده اکرانا گلمیشدیر. 4 ژانویه 2012 ده ایستار تی وی یه آپاریلان سریال 6 ژوئن 2012ده ایکینجی سئزون فینالینی دوزلتمیشدیر. سریالین اوچونجو سئزونو دا 12 سپتامبر 2012ده باشلامیش و 19 ژوئن 2013 ده اوچونجو سئزونون سون بؤلومو دوزلمیشدیر.

سریالین 18 سپتامبر 2013ده سون سئزونو باشلامیش، و "سون دَم، سون سئزون" شوعاری ایله تانینمیشدیر. سریال 11 ژوئن 2014 ده 139 بؤلومو ایله سونا چاتمیشدیر.

دوزلتمه سی[دَییشدیر]

کارگردانلیغینی تایلان قارداشلارین ائتدیگی، حاضیرلادیغینی تیمور ساوجی نین اوستلندیگی سریالین سناریوسو 10 آوریل 2012ده کی اؤلومونه دک مئرال اوکای سونراسیندا ییلماز شاهین یازمیشدیر. سریال 3 میلیون 500 مین تورک لیراسی بودجه سی ایله تورکیه تلویزیون تاریخی نین ان باهالی پروژه سی دیر.

بیرینجی یایماق تاریخیندن قاباقکی 5 آیلیق موددت ایچَریسینده باشلایان چالیشمالاری اۆچون 2.100 مترمربع مساحت بیر پلاتو قورولموش، 30 کیشیلیک بیر هئیکل یونان و رسسام قروپو بورادا تیکینتیلرین بیرَبیر کوپیلارینی دوزَلتمیشلر. آیریجا تاریخ اوزمانلاریدنیز اَسَمنلی و گونخان بؤرَکچی ایله یازار لطیفه تکین سناریونون ایشلدن گئییملرین و اشیالارین تاریخی دوغرویا اویغون اولماسی هدفی ایله موشاویره ائتمیشدیر.

سریالین باشیندان بری خوررم سولطان کاراکتری نی جانلاندیران مریم اوزَرلی نین توکنمیشلیک سندرومو یاشاییب داها سونرادان دا حامیله قالیب سریالدان آیریلماسیندان سونرا خوررم سولطان کاراکترین وحیده پرچین جانلاندیرمیشدیر.

موضوع[دَییشدیر]

سریالین موضوعو قانونی سولطان سولئیمان و عثمانلی ایمپراتورلوغو تاریخینه دامغا ووران خوررم سولطان اطرافیندا دولانیر. سریال، شهزاده اولان سولئیمانین آتاسی، یاووز سولطان سلیمین اؤلومو سونرا تاختا گئچمه سی و بو چاغلاردا  سارای حَرَمینه جاریه (صیغه) اولاراق گتیریلن خوررم سولطان ایله بیربیرلرینه عاشیق اولمالاری ایله باشلاییر. خوررم سولطانین اینتیقام اۆچون باشلادیغی ایقتیدار اویونونا ، والیده سولطان، پاقارلی ایبراهیم پاشا و شهزاده موصطافا نین آناسی ماهیدئوران سولطان ان بؤیوک مانع اولور. حیکایه نین چوخو، عئشقی ایله دؤولتی آراسیندا قالان قانونی سولطان سولئیمان و اوغوللاری اۆچون ایقتیدار ساواشینا گیرن خوررم سولطان ایتفاقلاری دیر.

کاراکترلر[دَییشدیر]

رولون آدی (نقش) اویونجو آچیقلاما
قانونی سولطان سولئیمان هالیت اَرگنچ 10جو عثمانلی خاقانی
خورَّم سولطان مریم اوزرلی / وحیده پرچین قانونی سولطان سولئیمان آروادی، و هاسئکی سولطان (عثمانلی سولطاندان اوشاغی اولان آروادلارا دئییلیرمیش)
ماهیدئوران سولطان نور فتاح اوغلو شهزاده موصطافانین آناسی و هاسئکی سولطان
عایشه هافسا سولطان نباهات چهره قانونی سولطان سولئیمانین آناسی، و والیده سولطان
شهزاده موصطافا محمت گونسور قانونی سولطان سولئیمانین ان بؤیوک اوشاغی دیر، آناسی ماهیدئوران سولطان دیر، سریالین 4جو سئزونوندا خوررم سولطان توطئه سی ایله سولطان سولئیمان طرفیندن اعدام اولونور (بوغدورولور).
مالکوچوغلو یَحیاپاشازاده بالی بَی بوراک اؤزچیویت سولطان سولئیمانین خاص اوتاقلاری باشی (هاسوداباشی) ، عثمانلی عسگرلرین ان اؤنملی اؤندرلریندن
شهزاده محمت گور بَی ایلَری خوررم سولطانین بؤیوک اوغلو و موصطافا یا رقیب تانینان شهزاده
شهزاده سلیم انگین اؤزتورک خوررم سولطانین ایکینجی اوغلو؛ اوز اوزه دؤیوشلردن قاچان آنجاق آرخادان توطئه و حیله لری باشاران. داها سونرا ایکینجی سولطان سلیم اولور.
شهزاده بایَزید آراس بولوت ایینَملی خوررم سولطانین اوچونجو اوغلو؛ شهزاده لرین ان دانقاز و قورخمازی! سولطانا خیانت ایتتهامینا گؤره عثمانلی تورپاغیندان صفوی باشکندی قزوینه قاچیر و شاه تهماسبا سیغینیر، آنجاق سونوندا شهزاده سلیم شاه تهماسبا باج وئریر سولطان سلیم بیلمه دن اونو و اوشاقلارین اؤلدورور
پاقارلی ایبراهیم پاشا اوکان یالابیک خدیجه سولطانین اَری و سولطان سولئیمانین خاص اوتاقلاری باشی(هاسوداباشی)، سونرا وزیر اعظم اولور، غرورا گؤره و خوررم سولطانا سایغیسیزلیق ائتدیگینه گؤره ، بیر توطئه ایله اوزلَشیب اؤلدورولور
خدیجه سولطان سلما اَرگَچ سولطان سولئیمانین باجیسی و پاقارلی ایبراهیم پاشانین آروادی
روستم پاشا اوزان گووَن خوررَم سولطانلا شهزاده موصطافا علیهینه بیرلشنلرین بیریسی، خوررم سولطانین قیزی میهریماه سولطانین اَری، و سولطان سولیمانین وزیر اعظمی
میهریماه سولطان پئلین کاراهان سولطان سولئیمان و خوررم سولطانین قیزلاری، کؤنولسوز اولاراق روستم پاشایا گئتمک زوروندا قالیر و شهزاده موصطافانین اؤلومونده بؤیوک نقش ایفا ائتمگه گؤره عذاب ویجدان توتور، و سونوندا توطئه ایله روستم پاشانی اؤلومه وئریر
نوربانو سولطان مروه بول‌اوغور شهزاده سلیمین هاسکه سی و شهزاده بایزیدین اؤلدورولمه سینه باعیث اولانلارین بیریسی
شهزاده جیهانگیر تولقا ساریتاش خوررم سولطانین دؤردونجو اوغلو، دوغوم زامانیندان علیل دیر، و شهزاده موصطافانی دا چوخ ایستیر. موصطافا اؤلدورولندن سونرا آتاسینی سوچلاییر داها کئفسیزلشیر، حکیملر اونا آفیون اویوشدوروجو (مخدر) ماده تجویز ائدیرلر و او حدسیز مصرف ائلیر و موصطافادان نئچه آی سونرا اؤلور. بونا گؤره سولطان سولئیمان داها عذاب وجدان توتوب و دپرس اولور.
فاطما سولطان جیهانگیر مَلتم جومبول سولطان سولئیمانین باجی سی. خوررَم سولطانین اصل دوشمانلاریندان دیر

مؤحتشم یوز ایلین یئنی سئریسی: کؤسَم[دَییشدیر]

مؤحتشم یوز ایل سریالین سون بؤلومونده بیلیندیگی کیمی ، 2015جی ایلده سریالین یئنی سئری‌سی کؤسَم باشلیغی ایله باشلاناجاق ایدی و بئله ده اولدو. مؤحتشم یوز ایل: کؤسَم سریالی نین یاییلماغی 2015 نووامبری نین 12سیندن ایستار تی وی ده باشلاندی.

قایناقلار[دَییشدیر]

  • "Turkish scriptwriter, actress Meral Okay passes away". Zaman. 2012-04-09. Archived from the original on 2012-04-15. Retrieved 2012-04-15.