میرزا صادق اوریادی مانشانی
 | بو مقاله مومکوندور ویکیپدیادا عۆمومی آدلیملیق تعلیماتی شرطلری ایله اۇیغون اوْلماسین. |
صادق تخلص ائدن، میرزا صادق اوریادی مانشانی، (دوغوم ۱۲۰۰ قمری - اؤلوم ۱۲۶۸ دن سوْنرا)، قاجار دؤنمینده یاشایان منشی و شاعر.
میرزا صادق اوریادی مانشانی
[دَییشدیر]'میرزا صادق اوریادی مانشانی' هجری قمرینین 1200-اینجی ایلینده مانشان شهرینده آنادان اولموش دور. آتاسی کاتیب اولدوغونا گؤره، آتاسی کیمی کاتیب اولموش و صوفی مسلک بیر شاعیر ایمیش. آذربایجان تورکجه‌سینده اولان میرزا صادقین شعرلری سلیس و روان دیر. او، تورک ادبیاتینین نسیمی، شیروانی، فضولی، مولانا همتی انگورانی و قوسی تبریزی کیمی کلاسیک شاعرلری ایله درین دن تانیشلیغی وار ایمیش.
اثرلری
[دَییشدیر]"یئددی نامه" بو شاعیرین ان اؤنملی اثری دیر. بو اثر یئددی عاشیقانه داستان‌لارین خلاصه‌سی دیر کی وامق و عذرا، اصلی و کرم، روشن و نگار، یوسف و زلیخا، فرهاد و شیرین و سلیمان و بالقیز دان عبارت دیر.
شعرلریندن اؤرنک
[دَییشدیر]گونوم اولدو گینه قاره، قارانلیق شام تاریم تک
آغاردی ساچلاریم یارب، جانیمدا آغ جییاریم تک
منه تکلیک یاراشمازمیش اونا تکلیک معيِّن‌دیر
ندن یولداش تاپیب گئتدی، منی قویدو نگاریم تک
منیم یای ـ یاز گولوستانیم، قیشا ختم اولدو ای یاران
اونون عؤمرو گول آچماقدا گولوستان دیر بهاریم تک
جوانلیقدان بو یوللاردا، فقط بیر ایز قالیب بیر توز
او کروانلار کئچن یولدان، یاتار قالخار غباریم تک
الهی دوشمه‌سین هئچ کس، منیم تک آیری یوردوندان
دوشر ایسه سینار قلبی، داشی سینمیش مزاریم تک
تنورِ لاله‌ده «صادق» محال «انگوران» یانمیش
اونا آتش ووروب هجران، بو قلبِ داغداریم تک[۱]
قایناقلار
[دَییشدیر]- علی محمدبیانی (1394). یئددی نامه (هفت نامه). زنجان. نیکان کتاب.
- ^ علی اصغر اجاقلو «سرین»، غزل غزللر: زنگان (خمسه ایالتی)نین ۶۰۰ ایل‌لیک تورکجه تغزّل ایزلری، زنجان: قلم مهر، ۱۳۹۴، ص۱۲-۱۳.