نیویورک ایالتی — آمریکا بیرلشمیش ایالتلارینین شومال-شرقینده یئرلشن ایالت‌دیر. ایالت اهالیسینین سیخ‌لیغینا گؤره اۆچونجودور. نیویورک جونوبدان نیوجرسی و پنسیلوانیا، شرقدن ایسه کانتیکت، ورمونت و ماساچوست ایالتلری ایله احاطه‌لنیب. شومال‌دان و غربدن کانادا ایله سرحددیر. ایالت‌دا یئرلشن نیویورک شهری ۸ میلیونلوق اهالی‌سی ایله بیرلشمیش ایالتلارداکی ان چوْخ اهالی‌سی اوْلان شهردیر. ایالت ان چوْخ مالییه و مدنیت مرکزی، عئینی زاماندا گؤچمن(مهاجیر)لار اۆچون قاپی کیمی تانینیر. آمریکا بیرلشمیش ایالتلری تیجارت ناظیرلییی‌نین حسابلامالارینا گؤره نیویورک توریستلر طرفیندن ان چوْخ اۆستونلوک وئریلن ایالت‌دیر. ایالت اینگیلیس هرسوقو یورکون شرفینه نیویورک آدلاندیریلمیش‌دیر. نیویورک یارانما تاریخینه گؤره اوْن بیرینجی ایالت‌دیر. مرکزی آلبانی شهری‌دیر.
