پرش به محتوا

هاکوب هاکوبیان

ویکی‌پدیادان، آچیق بیلیک‌لیک‌دن
هاکوب هاکوبیان
آدهاکوب هاکوبیان
دوْغوم تاریخ1951
موصول- عراق
اؤلوم تاریخ28 آوریل 1988
آتن- یونان
اؤلوم سببیترور اولموش
میللیتائرمنی
ایشتروریست، آکتیویست

هاکوب هاکوبیان (ائرمنیجه: . Հակոբյան Հակոբ؛ 1951، موصول – 28 آوریل 1988، آتن) — ائرمنی ترورچوسو آسالا ترور تشکیلاتی‌نین قوروجوسو. همچنین میقران میقرانیان و هاروتیون تاکوشیان آدلاری ایله ده تانینیر. 

یاشاییشی[دَییشدیر]

هاکوب هاکوبیان 1951–جی ایلده عراقین قوزئیینده‌کی موصول شهرینده آنادان اولموشدور. گنج یاشلاریندا لوبنانا کؤچموش و بورادا  " فلسطین آزادلیق جبهه‌سی "  نین سیرالارینا قاتیلمیشدیر. بعضی ائرمنی فعال‌لاری نین تحریکی و " فلسطین آزادلیق جبهه‌سی " نین یاخیندان ایشتیراکی ایله هاکوبیان آسالا ترور تشکیلاتینی قورور و اونون باشچیسی اولور. لاکین هاکوبیانین تشکیلاتین ایداره سینده تطبیق ائتدیگی سرت متودلار تشکیلات عوضولری نین بیر حیصه‌سی نین ناراضی‌لیغینا سبب اولور و بو ناراضی‌لیق 1983-جو ایلده تشکیلاتین پارچالانماسی ایله نتیجه‌له نیر. فرانسه پولیسی هاکوبیانی اورلی هاوا لیمانینداکی پارتلاییشدا و آسالا-نین دیگر آکسیالاریندا گوناهکار بیله‌رک بین الخالق آختاریشا وئریر. لاکین هاکوبیانی اله کئچیره بیلمیر. 

آسالا-دان قوپموش ترورچولار دیگر ترورچو مونته مِلکونیانین اطرافیندا جمع‌لشیر. بو زامان هاکوبیانلا مِلکونیان آراسیندا موناقیشه باشلاییر، اونلار بیر-بیرلری نین آداملارینی اؤلدورتدورورلر. بعضی معلومات‌لارا گؤره، هاکوبیان 1972 جی ایلده مونیخ اولمپیک اویون‌لاری زامانی، ایسرائیللی ایدمانچی‌لارا قارشی کئچیریلمیش ترور آکسیاسی نین تشکیلینده ایشتراک ائتمیشدیر. 

اؤلومو[دَییشدیر]

هاکوبیان 28 آوریل 1988-جی ایلده آتن‌ده کوچه ده تاکسی گؤزله‌یرکن قتله یئتیریلمیشدیر. یونان پولیسی نین وئردیگی معلوماتا گؤره قتلی کوچه‌ده پارک اولونموش ماشیندان چیخان ایکی نفر ماسکالی شخص تؤره دیب. اونلاردان بیری هاکوبیانا بیر نئچه دفعه  آتش آچمیش و او یئریندجه کئچینمیشدیر. هاکوبیانین اوزرینده یمن خالق دموکراتیک جومهوریتی‌نین وطنداشی عبدالمحمد قاسمین آدینا وئریلمیش دیپلوماتیک پاسپورت آشکار ائدیلمیشدی. او عؤمرونون سون ایل‌لرینی یوناندا هنری تیسیان آدی آلتیندا کئچیرمیشدی. خاریجه سفرلری زامانی ایسه یمن پاسپورتوندان ایستیفاده ائدیردی. 

هاکوبیانین قتلینده تورکیه خوصوصی خیدمت اورقان‌لاری و آسالا-نین قوپموش قانادیندان اولان ترورچولار شوبهه‌لی بیلینیر. مونته مِلکونیانین قارداشی مارکار مِلکونیان حساب ائدیر کی، هاکوبیانی اونون کئچمیش ال‌آلتی‌لاری قتله یئتیریبلر.

دیگر ورسیایا گؤره هاکوبیانی  " بوز قورد "  تشکیلاتی نین عوضولری قتله یئتیریب. قتلدن سونرا هاکوبیانین مئییتی عراقا آپاریلاراق، دوغولدوغو موصول شهرینده دفن اولونموشدور. هاکوب هاکوبیانین اصل آدی باره ده بیر نئچه ورسیا مؤوجوددور. آسالا-نین وئردیگی معلوماتا گؤره ترورچونون اصل آدی هاروتیون تاکوشیان‌دیر، فرانسه پولیسی ایسه ترورچونون اصل آدی نین بِدروس هووانیسیان اولدوغونو ایدیعا ائدیر.  


قایناق[دَییشدیر]


اتک‌یازی[دَییشدیر]