اورمیه یا دا اورمو _ آذربایجان و ایرانین بؤیوک شهرلریندن‌دیر. ۱۳۹۰-جی هیجری گونشلی ایلین نۆفوس سایی‌سی اساسیندا، ۶۸۰٬۲۲۸ نفر اهالی‌سی واریمیش. بۇ شهر غربی آذربایجان اوستانی و اورمیه بؤلگهسینین مرکزی‌دیر. اورمیه شهری آذربایجانین اسکی بیر شهری و مدنیّت مرکزلریندن ساییلیر و نۆفوس باخیمیندان آذربایجانین تبریزدن سوْنرا ایکینجی بؤیوک شهری‌دیر. بۇ شهر نادر شاهین اؤلوموندن سوْنرا هابئله آزادخان افغان و فتحعلی خان افشار دؤورلرینده آذربایجانین حؤکومت مرکزی اوْلموشدور. کریمخان زند ۱۱۷۷ جی قمری ایلده بۇ شهرین ارکینده جولوس ائدرک اؤزونو وکیل الرعایا آدلاندیردی امامقلی خان بیگلربیگی افشار آدلانمیش آذربایجان سرداری کریمخانین اؤلوموندن سوْنرا آذربایجان منطقه‌سینی الینه آلاراق بۇ شهرده حؤکومتین باشلادی. آغا محمدخان قاجار ۱۲۱۰-جی هیجری قمری ایلینده بۇ شهر ده جولوس ائدیب و باشینا سلطنت تاجی‌نی قویدو. هابئله بۇ شهر ۱۱۹۷-جی هیجری قمری ایلدن باشلایاراق ۱۶ ایل داوام ائدن افشاریان اورمی آدلانان دؤولتی‌نین آذربایجان و قفقاز منطقه‌سینده مرکزی اولاراق دارالاماره آدلانیردی. جورج کرزن اورمیه‌یه گؤره بئله یازیب: «اورمیه‌نین ۴۴۰۰ آیاق بوْیو واردیر. شهرین ۳۰۰۰۰–۴۰۰۰۰ باش جمعیتی اوْلاراق چوْخو افشار تۆرکو دۆر، آنجاق چوْخلو نسطوری، کلیمی و ارمنی عائیله‌ده شهرده یاشاییر.»
میرزه محمود، احمد الشرع اوغلو، کئچمیش یوز ایلده اورمیه‌نین آدلیم عالیملریندن بیری‌دیر. بو بؤیوک عالیم ۱۲۴۷ گونش ایلینده (۱۲۸۵آی ایلی) اورمیه شهرینده دونیایا گلیبدیر. ابتدایی تحصیلاتی‌نی بو شهرده بیتیریب، عیراقا کؤچوب، یوکسک درجه ده مجتهد مقامینا ال تاپیر. سونرا یئنه اؤز آنایوردونا قاییدیب، (میرزا حسین آقا مجتهد) مسجیدینده خالقا درس وئرمه‌گه مشغول اولور. بو بؤیوک عالیم سونرالار خسته‌لنیب، ۱۳۲۹ گونش ایلی‌نین (۱۳۷۰ آی ایلی) دونداران آیی‌ندا، اورمیه‌ده دونیادان کؤچور. بو عالیم اوصول بیلیمینده چوخ بیلیجی ایدی.
اورمیه آدلیمی، محمود اوصولی، جیلولوق و کوردلوق فیتنه‌لرینده آذربایجان خالقی‌نین یول گؤستریجی‌سی ایدی.
.jpg)
