چنگوره

چنگوره چنگیره
شکیل
معلوماتلار
اهالی	۵۴ نفر
دین	ایسلام، شیعه
دیل	تۆرکجه
یوکسکلیک	۱٬۹۰۰ متر
پست کدو	۲۳۶۸۸۳
اینظیباتی ایداره
اوْستان	قزوین

چنگیره ((آذربایجان تۆرکجه‌سینین اوْخونوشو:Çəngirə))(فارسجا: چنگوره) قزوین اوستانین کندلرین بیری دیر کی آوج بؤلگه سینده یئرلشیب دیر.

اهالی

چنگیره‌نین اهالی‌سی ۱۳۸۵ ایلینده ۵۴ نفر و ۱۸ ائولی اولسادا؛ایندیلیکده ۵۰۰ نفردن آرتیق‌دیر.

اوْیقارلیق

چنگیره‌لیلرین اوْقارلیقی آذربایجانین باشقا یئرلری اؤزللیکله زنگان کیمین‌دیر؛بئله کی بو کندین آق ساققال لاری شهریارین تۆرکجه قوْشوق‌لارین قوْرویوب ساخلاییب‌لار.اینام باخیمیندان ایسه مۆسلمان شیعه دیرلر.

سوْی و دیل

چنگیره‌نین دیلی آذربایجان تۆرکجه‌سی دیر ، آنجاق اوْنلارین بیر اؤزل دیلچه‌لری وار کی زنگان و تبریز ایله فرقلی اولاراق؛ساوا تۆرکلرینه بنزه‌ییر. بو کندین تۆرکجه‌سی، قاشقای تۆرکجه سی ایله ده بنزرلیگی واردیر.

هاوا

چنگیره نین هاواسی آذربایجانین باشقا یئرلری کیمین‌دیر.یعنی سوْیوق اوْلاراق؛یایلاق‌دا یئرلَشیب دیر و قیش‌لاری سوْیوق و قورو کئچرک؛یایلاری ایسه مؤعتدیل و اورَک‌سئوَن‌دیر.

ایقتیصادیات

اَساس قازانج قایناق‌لاری اکینچیلیک و باغچیلیق‌دیر. بوغدا ، اۆزۆم ، یئمیش ، بادام ، قوْز ، آلچا ، آرمود ، آلما ، هولو و آرپا بو کندین اَن اؤنَملی اۆرۆنلَری ساییلیرلار.

محله‌لری

باش محله ، آرا محله ، آشاغی محله ، دره محله و غدر آباد بو کندین محله‌لریدیرلر.

گزملی و گؤرمه لی یئرلر

• چنگیره‌نین اَسکی مسجیدی
• چنگیره‌نین خرمن یئری
• آشاغی چای و یوخاری چای
• سو آنباری تیکینتی‌سی
• اسکی حامام بیناسی

چَنگیره‌نین داغلاریندان بیر گؤرۆرنتۆ