کؤهنه اورگنج
کؤهنه اورگنج (تورکمنجه: Köneürgenç، کؤنه‌‌اۆرگنچ و فارسجا: کهنه‌گرگانج) تورکمنیستانین شیمال‌شرقین‌ده جیحونون جنوب ساحیلین‌ده داش‌اؤغوز اوستانین‌دا یئرلشن اورتاچاغ خارابالاری‌نین آدی‌دیر.
تاریخ
[دَییشدیر]اورگنج شهری هخامنیشی ایمپیراتوری‌سینا باغلی اولان خوارزم بؤلگه‌سی‌نین مرکزی ایدی. داها سونرا خوارزمشاه‌لار دؤولتی‌نین پایتختی اولموش‌دور. آنجاق بؤیوک موغول ایمپیراتوری‌سی طرفین‌دن داغیدیل‌میش و یئنی‌دن ایجاد ائدیلمیش‌دیر.
اورگنج شهری ایسلام دونیاسی‌نین شرقین‌ده ان بؤیوک مدنی مرکزلردن بیری حساب ائدیلیردی. ۱۶۴۶-جی ایل‌ده شهرین اینسان‌لاری یئنی شهر "اورگنج"ه (Taze Ürgenç) داشینین‌جا، اؤنجه‌کی شهر "کؤهنه اورگنج" (Köne Ürgenç) اولاراق آنیلماغا باشلادی.
اثرلر
[دَییشدیر]بو شهرده ۱۱-جی و ۱۶-جی عصرلردن قالما بیر سیرا قالینتی وار. قالینتی‌لارین ان اؤنملی‌لری، بیر مسجید، بیر کاروانسارا قاپی‌سی، قالالار، توربه‌لر و بیر میناره‌دیر. قالینتی‌لار، معماری و صنعت عالمین‌ده تأثیری ایران، افغانیستان و داها سونرا ۱۶-جی عصرده‌کی هیندوستانداکی بؤیوک موغول ایمپیراطوری‌سینا قدر اوزانان باشاری‌لارین بیر سندی‌دیر.
کؤهنه اورگنج‌ده، کوبراویه و ذهبیه طریقت‌لری‌نین قوروجوسو نجم‌الدین کوبرانین توربه‌سی، تورکمن‌لرین دؤرت بویوک ولی‌سی‌نین (پریار ولی، دانیار ولی، شیهاتار ولی و دؤون ولی) مزارلاری، خوارزمشاه‌لار ایل آصلان و سولطان تکیشین توربه‌سی ایله مسجیدی،خوارزمشاه‌لار سولاله‌سی حؤکمدارلاری‌نین سارایی اولاراق ایشله‌نیلن توربگ خانیم توربه‌سی یئر آلیر.
منبع‌لر
[دَییشدیر]- اینگیلیسجه ویکی‌پدیا.