کمال عبدالله
کمال عبدالله (تام آدی: عبدوللایئو کمال مئهدی اوغلو) — آذربایجان جومهوریتی ندن اوْلان یازیچیدیر.[۱]
کمال عبدالله هم ده، کولتور و دین اوزره دؤولت مشاوری، دیل‌بیلیمی علم‌لری دوکتورو، پروفسور، امکدار علم خادیمی، آذربایجان یارادیجی‌لیق فوندونون صدری‌دیر.
یاشاییشی و فعالیت‌لریندن بیرپاراسی
[دَییشدیر]4 دسامبر 1950-جی ایلده باکیدا آیدین دوشونجهلی بیر عائله‌ده دوغولوب. آتاسی معلم، آناسی دوکتور اوْلوب. 1968-جی ایلده باکیدا 190 سایلی اوْرتا مکتبی بیتیریب. 1968-1973-جو ایللرده آذربایجان دؤولت بیلیم‌یوردونون فیلولوگیا (دیل‌بیلیمی) فاکولته‌سینده تحصیل آلیب. 1973-1976-جی ایللرده SSRİ EA دیلچی‌لیک اینستیتوتونون «تورک دیل‌لری» شعبه‌سی‌نین اؤیرنچی‌سی اوْلوب. 1977-جی ایلین ژانویه آییندا موسکودا «سینتاکتیک پارالئلیزم» («کیتابی-دده قورقود» داستان‌لاری‌نین دیلی اوزره) آدلی نامیزدلیک تئزینی مۆدافیعه ائتمیش‌دیر. 2009-جو ایلده حیاتا کئچیریلمه‌یه باشلامیش «کیتابی دده قورقود» و «نیبئلونق‌لار حاقیندا نغمه» 10 ایللیک میلتلر آراسی لاییحه‌نین (آلمانیانین ماینس بیلیم‌یوردو و فولکئنشتاین جمعیتی ایله بیرگه) ایدئیا مؤلفی و تشکیلاتچیلاریندان بیری‌دیر.[۲]
اثرلریندن نمونه‌لر
[دَییشدیر]1. اونوتماغا کیمسه یوخ (پیئس‌لر توپلوسو). باکی: آذرنشر، 1995
2. قریبه‌دی، دئییلمی؟! (شعرلر). باکی: 1998
3. روح (پیئس‌لر). باکی: آذرنشر، 1998
4. کدرلی سئچمه‌لر (شعرلر، ترجومه‌لر، ائسسئ‌لر، حیکایه‌لر، پیئس‌لر). باکی: مترجم، 2002، 548 ص
5. بیر، ایکی، بیزیمکی! (پیئس) (آلتی دیلده). باکی: مترجم، 2003
6. یاریمچیق ال‌یازما (رومان). باکی: 2004، 288 ص
7. سئحربازلار دره‌سی (رومان). باکی: مترجم، 2006، 224 ص
قایناقلار
[دَییشدیر]- ^ آذربایجان تورکجه‌سینده لاتین الیبفاسیندا اولان ویکی‌پدیا
- ^ آذربایجان تورکجه‌سینده لاتین الیبفاسیندا اولان ویکی‌پدیا