کمینه

ویکی‌پدیا، آچیق بیلیک‌لیک‌دن
پرش به ناوبری پرش به جستجو

محمدولی کمینه (1770 - 1840) — اون دوققوز عصر تورکمن کلاسسیک ادبیاتینین ان بؤیوک نوماینده‌لریندن بیری. 

یاشامی[دَییشدیر]

محمدولی کمینه 1770 - 1840-جی ایللر آراسیندا یاشامیشدیر. تکه تورکمنلرینین توختامیش بویونون توخلولار قولونا منسوب اولان کمینه ماددی ایمکانسیزلیق سببییله ایسته‌دیگی تحصیلی آلا بیلمه‌میش، بونا باخمایاراق یاشادیغی بؤلگه‌نین مدنیت مرکزلرینی-دییار دییار گزمیش، گؤره‌رک و صؤحبتلرده ایشتیراک ائده‌رک اؤز اؤزونو یئتیشدیرمه‌یه چالیشمیش و بونو باجارمیشدیر. کمینه‌نین آکادمیک سویییه‌ده شرق ادبیاتینا بلد اولماماسینا باخمایاراق بو ساحه نین ادبیاتی حاقیندا اهمیتلی معلوماتلارا مالیک ایدی. اونون عرب و فارس دیللرینده تحصیل وئرن ادبی مکتبلردن خبرسیز اولدوغونو سؤیله‌مک مۆمکون دئییل. تورکمن شاعیری کمینه یونوس ایمره، بورهان‌الدین سیواسلی، لطفی، نوائی، فوضولی، نسیمی، قاراجاوغلان کیمی بؤیوک شخصیتلرین اثرلرینی بیلمیش و اونون صنعت آنلاییشینین مئیدانا گلمه‌سینده بو شاعیرلرین یارادیجیلیغینین بؤیوک تاثیری اولموشدور. 

کمینه، تورکمن کلاسسیک ادبیاتینین ان بؤیوک خلیفه‌سی اولان مختومقولونون شاگیردیدیر. کمینه ماخدیمقولونو سؤز صنعتینین، ادبیاتین شئیخی کیمی دیرلندیرمیشدیر. بیر مجلیسده اوندان "نئجه یازماق لازیمدیر؟" دئیه سوروشولدوغوندا بئله جاواب وئرمیشدیر: "اوستادیمیز ماخدیمقولو شاعیرلیک مئیدانینین دنه‌لرینی اوراغییلا ییغدی. بیزه یالنیز هوشاسی قالدی" دئمیشدیر. کمین، شاعیرلیک مزییتی ایله یاناشی لطیفه‌لرییله ده تانینان بیر شخصیتدیر. ایتی ذکاسی، حاضیرجاوابلیلیغی 0ونو دیگر تورکمن شاعیرلریندن فرقلندیریر.تورکمئن شاعیری کمینه‌نین اثرلری اؤز حیاتی و یاشادیغی دؤورون ایجتیماعی گؤرونوشو ایله یاخیندان علاقه داردیر. کمینه‌نین اثرلرینی شئیرلری و بندلری اولماقلا اوزره ایکی قروپدا آراشدیرماق مۆمکوندور. کئمینئنین آلتمیشا یاخین شئیری، ایکی یوز اللی اطرافیندا دا بندلیکلری مؤوجوددور. آنجاق یئتمیش ایللیک بیر حیات یاشامیش عاغیللی و یارادیجی بیر شاعیرین یالنیز آلتمیشا یاخین شئیر یازدیغینی قبول ائتمک چوخ دا ایناندیریجی دئییل. کمینه‌نین ادبی یارادیجیلیغینی بیر دیگر ایستیقامتینی مئیدانا گتیرن بندلیکلرین هامیسینین اونا عایید اولدوغونو سؤیله‌مک ده دوزگون اولماز. اونون بعضی بئله سؤزلری خالق طرفیندن کمینه‌یه عایید ائدیلمیشدیر. 

توپلومون آخسایان ایستیقامتلرینی ساتیریک بیر یاناشما ایله اله آلان، خوصوصیله یاشادیغی دؤورده‌کیسیاسی قورولوشو، عدالت سیستئمینی و دین آداملارینی تنقید ائتمگی بؤیوک بیر اوستالیقلا باجاران کمینه هونرینی هم شئیرلریند، هم ده حیکمتلی سؤزلرینده گؤستره‌رک حؤرمت ائدیلن بیر ایجتیماعی خادیمه چئوریلمیشدیر. باشقالارینا عایید بندلرین ده کمینه آدینا باغلاندیغی و اونون آدییلا خاطیرلاندیغی دا معلومدور. اونون آدینا چیخاریلانلار آراسیندا موللا نسرددینین آدینا قئیدلی اولانلار دا وار. 

شئیرلری[دَییشدیر]

اوغولبیکه 

آغمنلی 

اوغولبی 

اوغولمنلی 

سلبینیاز 

قایناق[دَییشدیر]

  • آذربایجان تورکجه‌سی ویکی‌پدیاچیلاری طرفیندن یارادیلان Məmmədvəli Kəminə مقاله‌سیندن.