۹۳ ساواشی

ویکی‌پدیا، آچیق بیلیک‌لیک‌دن
۹۳ ساواشیندان چکیلمیش رسیم

۹۳ ساواشی (آنادولو تۆرکجه‌سینده: ۹۳ حربی )، ۱۸۷۷ و ۱۸۷۸ ایللرینده عوثمانلی و تزار ایمپراتورلوقلاری آراسیندا باش وئرن ساواش آدی‌دیر. روسلار قوْشونو ایله بولغارلار، رومانیلار، و صربلر ده بیرلشمیش ایمیشلر. بۇ ساواشدا عوثمانلیلاردان ۳۰٫۰۰۰ اؤلو، روسلاردان ۱۵٫۵۰۰ اؤلو، بولغارلاردان ۱۵٫۰۰۰ اؤلو، رومانیلاردان ۴۳۰۰ اؤلو، صربلردن ۵۰۰۰ اؤلو و یارالی آلیر.

ساواشین آدی و نَدَنی[دَییشدیر]

بو ساواش هیجری 1293 ایلینده باش وئردیگی اوچون، عوثمانلی تاریخینده بۇ ساواشا 93 حاربی دئییبلر.
۱۹جو یوز ایلده اوروپادا اورتایا چیخان ناسیونالیسم (میللتچیلیک)، عوثمانلی توْرپاقلاریندا یاشایان مسیحیلری ده ائتگی‌لندیریب و روسلار تحریکینه گؤره سیربلر، رومانیلار، بولغارلار، ائرمنیلر، و حتی لوبناندا اوْلان مارونی مسیحی لر عوثمانلی موسلمان حوکومتینه قارشی آیاقلانیرلار.

ساواش منطقه‌لری[دَییشدیر]

بو ساواشین اؤنملی و شیدّتلی یئرلری عوثمانلی ایمپراتورلوغونون قوزئی قافقازدا کی دوغو سینیرلاری، و بالکانلارداکی باتی سینیرلاریندا اوْلوب.

ساواش سوْنوجو[دَییشدیر]

بو ساواشین سوْنوندا بولغارلار، صربلر و رومانیلار عوثمانلی حؤکومتیندن آیریلیب باغیمسیز بولغاریستان شاهلیغی، صربیستان و رومانی اؤلکه‌لری اورتایا چیخیرلار. عوثمانلی‌نین دوغو سینیرلاریندا دا باتومی و قارص آیریلیرلار. آیریلان توْرپاقلاردا تورکلر و موسلمانلار باشقا ائتنیکلر طرفیندن سورگون ائدیلیب چوخلاری قتل عام اوْلونورلار.

قایناقلار[دَییشدیر]

  • آنادولو تۆرکجه‌‌سی ویکی‌پدیا صفحه‌سی