محمدکاظم شریعتمداری

آیت الله العظمی سید محمدکاظم شریعتمداری (دوغوم: 1284 ده 15 ی- اؤلوم: 1365 فروردینین 14ـو) شیعه‌نین بویوک فقیه و مرجعی، حزب جمهوری خلق موسلمانین معنوی آرخاسی و دارالتبلیغ اسلامینین بنیانگذاری.

انقلاب اسلامی ایران پیروز اولاندان سورا او و روح الله الخمینی آراسیندا اختلاف دوشدو و حزب خلق مسلمان و ولایت فقیه اولماسینا گوره اختلاف یاراندی و بو قاریشیق دا قومون حوزه علمیه سی اول دفعه اوچون شیعه تاریخینده اونوی مرجع تقلیدلیقیدان خلع ائله دی . آیت الله شریعتمداری اوینده محصوراولدی وعمرونون آخیرینجاق اوینده حبس ده قالدی.

علوی سید

اونون نسبی ابوالقاسم ابن جعفر ابن حسن افطس ابن علی اصغر ابن امام زین العابدینه یئتیشیر کی امام زین العابدین اوغلانلاریدیرلار.

تحصیلات

او تبریزده مکاسبی 17 یاشی اولمامیشدان قاباخ قوتاردی و 18 یاشیندا اولاندا اوزی مکاسب درسی دئییردی. او سید اوزی بله یازار:

«بیزیم ائوده منیم دینی مکتبه گئتماقا گؤره اختلاف وار ایدی بیر گئجه پیغمبری یوخودا گؤردوم کی پنجره دن گلدی و الینده شرایع کتابی وار ایدی او منه بویوردو کی اوغلوم گل من اؤزوم سنه شریعت درسی دئییم . اوندان سونرا دا بیزیم ائوده هئچ کس منیم دینی مکتبه گئتمه‌ییمه گؤره شک ائتمه دی و من آنلی‌آچیق درسیمی اوخودوم.».

سید حوزه ده اکینجی سطحی قوتاراندان سورا میرزا صادق تبریزی و میرزا ابوالحسن انگجی دن خارج درسین اورگشدی.

او 1303 ده قوم شهرینه گتدی و میرزا عبدالکریم حائری یزدی دن فقه واصول درسین اوخودی و همان درسی روح الله خمینییه درس وئردی.

آیت الله شریعتمداری مقلیدلری کویت لبنان و پاکیستاندا چوخ ایدی و بحرینده و آیری مملکتلرده مقلیدلری واریدی کی آیت الله گلپایگانی و مرعشی نجفینین اوچ ایات عظام آدوئریلدیلر.

پهلوی دوره سی

آیت الله شریعتمداری مدارا ائتماقا چوخ اعتقادی واریدی امما روح الله خمینی انقلابی اسلامین طرفداریدی.

روح الله خمینی 1342اینجی ایلده شاهین ضدینه دانیشدی و توتولدی وزندانی اولدی امما انقلاب مشروطه اصولوندا مجتهدلری محاکمه ائتماق اولمازدی اونا گوره آیت الله شریعتمداری روح الله خمینیه اجتهاد درجه سی وئردی واونی مجتهد تانیدریدی.

شریعتمداری اوزی بئله دییر کی بیز قومدان تهرانا گلدیک و آیت الله میلانینی مشهددن تهرانا دعوت ائله دیق و بوتون عالیملری شاه عبدالعظیمده جمع ائله دیق .نشریه لرده روح الله خمینی نی اعدام ائلماقدان یازمیشدیلارامما بیز تهراندا قالدیق وایکی آی تهراندا قالاندان سورا بیز اعلامیه یازدیق و دولتین تهمتلرین رد ائله دیک و بئله اولدی کی اوضاع ده‌ییشیلدی و روح الله خمینی اعدام اولمادی.

تهراندا بیر تلگراف یازیلدی و اوندا آیت الله خمینی یازیلدی اعتراض ائله دیلر کی خمینی آیت الله دئیر و مقلدی یوخدی امما حسینعلی منتظری دئدی کی من خمینیدن تقلید ائدرم.

انقلابدان سورا

آیت الله سریعتمداری انقلابدان سورا اصل 110 قانون اساسینی قبول ائتمه دی و ولایت فقیه اختیاراتینی قبول ائتمه دی و بو اصله رای وئرمه دی .کودتای نوژه ده قطب‌زاده توتولدی و آیت الله شریعتمدارینی اوزونون حامی سی اعلام ائتدی و شریعتمدارینین دامادی احمد عباسی و دوکتور جواد مناقبی و سید مهدی مهدوی زندانی اولدولار.

1361 اینجی ایلین اردیبهشتین 8اینده جامعه مدرسین حوزه علمیه قوم بو بویوک آیت الله ی مرجعیتدن خلع ائددی .

اوندان سونرا تبریزده او آیت الله ین مقلیدلری خیابانا چیخدیلار واعتراض ائتدیلر امما بیر یئره چاتمادی.

روح الله خمینی حزب جمهوری خلق مسلمانی منحل ائتدی و اون نفر اونون باشچیلاریندان تبریزده دارا چکیلدیلر.

حسینعلی منتظری یازار کی کودتای نوژه کاملا دسیسه و یالان بیرزاددی و اصلی یوخ ایدی و بونی روح الله خمینی شریعتمداری نی حذف ائتماق اوچون توخودی .

آیت الله شریعتمداری دارالتبلیغ اسلامینی بنا ائتمیشدی کی حکومت اونی غصب ائله دی و سازمان تبلیغات اسلامی ائله دی و آیت الله شریعتمدارینین حسینه سی غصب اولوندی.

وفاتی

او جومعه آغشامی(پنجشنبه گونی) آخشام 1365اینیج ایل فروردینین 14 ده تهراندا مهراد مریض خاناسندا بؤیرک(کلیه) نوخوشلوقونا گوره دنیادن گوزون یومدو. حکومت اونا تعزیه توتماقی قدغن ائتدی و اونون وصیتینه عمل ائتمه دیلر و جنازه سین تبریزه گتیمه دیلر و گئجه گیزلینده اونی قومون ابوحسین قبریستانیندا دفن ائله دیلر.

سید رضا صدر، امام موسی صدرین قارداشی کی ایسته دی اونون جنازه سینه نماز قیلسین توتولدی و بیرگون زنداندا قالدی

قایناقلار

• آیت‌الله شریعتمداری، مرجع تقلیدی که در حصر درگذشت، بی‌بی‌سی فارسی
• خداوند چه داور خوبی است! آیت‌الله شریعتمداری و آن چه بر او گذشت
• Moojan Momen Shi'i Islam Yale University Press ۱۹۸۶
• شائول بخاش, Reign of the Ayatollahs, ISBN 0-465-06887-1
• نیکی کدی, Modern Iran
• http://www.ayandeh.com/z145.htm
• آیت‌الله کاظم شریعتمداری | Facebook
• آیت‌الله کاظم شریعتمداری | Google
• جهان - BBC فارسی - ۱۳ خانه‌ای که حبسخانه شد