آذربایجان جومهوریتی‌نین دؤولت بایراغی گونو

ویکی‌پدیا، آچیق بیلیک‌لیک‌دن
پرش به ناوبری پرش به جستجو
State Flag Day
Stamps of Azerbaijan, 2011-1000.jpg
قۇران  آذربایجان جومهوریتی
نوع State
شنلیکلر Fireworks, Concerts, Ceremonies
چاغ November 9
Next time عیبارت خطاسی: تانیمایان نوقطالنمیش یازی «۱»
Frequency annual
آذربایجان جومهوریتی‌نین دؤولت بایراغی گونو

آذربایجان جومهوریتی‌نین دؤولت بایراغی گونو- آذربایجاندا غیری-ایش گونو اولان بایرام.

تاریخی[دَییشدیر]

1918-جی ایل مایین 28-ده آذربایجان خالق جومهوریتی قورولدو. اونون اساس رمزی اولان بایراق حاقّیندا دا همین ایلین اییون آیی‌نین 21-ده حؤکومتین قراری وئریلدی. همین قراردان:

اوستونده قیرمیزی فوندا آغ سککیز‌‌گوشه‌لی اولدوز و آی‌پارا تصویری اولان قوماش آذربایجانین بایراغی کیمی تصدیق ائدیلسین.

بو بایراق آغ رنگلی آی‌پارا و سککیز‌گوشه‌لی اولدوز تصویری اولان قیرمیزی رنگلی دؤولت بایراغی ایدی.

آذربایجان دئموکراتیک جومهوریتی‌نین ایلک بایراغی
9 نویابر 1918 ده اعلان ائدیلن آذربایجان بایراغی

داها سونرا آذربایجان بایراغی‌نین دگیشمه‌سی مسله‌سی قالدیریلدی. 1918-جی ایل نویابرین 9-دا فتعلی‌خان خویسکی‌نین حئساباتی اساسیندا آذربایجان خالق جومهوریتی‌نین بایراغی حاقّیندا قرار قبول ائدیلدی.

میلّی بایراق حاقّیندا آذربایجان حؤکومتی قرارلاری دفتریندن 9 نویابر 1918-جی ایل تاریخلی چیخاریشی:ائشیدیلدی: ناظیرلر شوراسی صدری‌نین میلّی بایراق حاقّیندا معروضه‌سی. قرارا آلیندی:

یاشیل، قیرمیزی، ماوی رنگلردن، آغ آی‌پارا و سککیزبوجاق اولدوزدان عیبارت اولان بایراق میلّي بایراق حئساب ائدیلسین.

آب‌ش وئکسیللولوقو Uitni Smit-ه گؤره بایراغین مؤلیفی علی‌بیگ حسین‌زاده ایدی. 1907-جی ایل اییول آیی‌نین 10-دا باکی‌دا حسین‌زاده‌نین نشر ائتدیگی "فیوضات" درگیسینده‌کی بیر مقاله‌سینده "تورک حیسّیاتلی، ایسلام اعتقادلی، فیرنگ قافالی" کیمی ایلک دفعه تقدیم ائتدیگی بو فیکری سونرادان موتفکّیر ضیا گؤک‌آلپ بئله ایفاده ائتمیشدی: "تورک قانلی، ایسلام ایمانلی، اوروپا مدنیتلی".

7 دئکابر 1918-جی ایلده شرقده و تورک-ایسلام دونیاسیندا ایلک دئموکراتیک، دونیوی دؤولت اولان آذربایجان خالق جومهوریتی پارلمانین آچیلیشی زامانی آذربایجان بایراغی پارلمان بیناسی اوزه‌رینده قالدیرلمیشدیر. آذربایجان خالق جومهوریتی‌نین ایلک پارلمانینی آچان محمدامین رسول‌زاده موستقیل آذربایجانی تمثیل ائدن میلّی بایراغیمیزداکی اوچ رنگی "تورک حوریتی،ایسلام مدنیتی و موعاصیر اوروپا ایقتیداری-احرارانه‌سینی"(دئموکراسی‌سینی) ایفاده ائتدیگینی خولاصه‌سی اولاراق قئید ائدیردی. او، باشقا بیر چیخیشیندا ایسه دئییردی کی، آذربایجان دؤولت بایراغینداکی بو اوچ رنگ "تورک میلّی مدنیتی‌نین، موعاصیر اوروپا دئموکراسیسی‌نین و ایسلام تمدونونون سمبولودور".

اوزئییر حاجی‌ییگوو میلّی بایراغین رنگلرین ایفاده ائتدیگی معنا و فونکسیادان دانیشاراق یازیردی:

آذربایجان جومهوریتی او زامان بوتون شرقده (و اوروپادا) ان دئموکراتیک پارلمان مودئلینه مالیک ایدی و ساغلام بیر میلّیت فیکری و تورکلوک شوعورو اوزه‌رینده قورولموشدو... عئینی زاماندا آذربایجان چاغداش بیر جمعیت قورماغا، اوروپا ذئهنیتی ایله چالیشماغا عزم ائتمیشدیر. بایراغیمیزین اوچ رنگی بو عومده‌نین تیمثالی‌دیر.

اوزئییر حاجی‌بیگوو آذربایجان خالق جومهوریتی‌نین 1 ایل‌لیگینه حصر اولونموش " بیر یاش" آدلی مقاله‌سینده میلّی بایراقداکی رنگلرین معناسینا توخوناراق دئییردی:

ماوی رنگی تورکلوگه، یاشیل رنگی ایسلاملیغا و آل رنگی مدنیته ایشاره اولان بایراغیمیزین معنای-معنویه‌سی ده بودور.

قئید ائدیلمه‌سی[دَییشدیر]

آذربایجان جومهور باشقانی الهام علی‌یئوین 2009-جی ایل نویابرین 18-ده ایمضالادیغی سرانجاملا 9 نویابر تاریخی دؤولت بایراغی گونو کیمی قئید اولونور. جومهور باشقانی ائله‌جه‌ ده دوولت بایراغی گونو موناسیبتی‌له امک مجله‌سینه دگیشیکلیک ائدیلمه‌سی اوچون پارلمانا تکلیف گؤندریب.

تکلیفی دگرلندیرن میلّی مجلیس امک مجله‌سینه مووافیق دگیشکلیک ائدیب و دگیشکلیگه اساساً دؤولت بایراغی گونو غئیری-ایش گونو حئساب اولونور.

بو تاریخدن اعتیباراً بایراق گونو آذربایجان جومهوریتی اراضیسینده و اوندان کناردا یاشایان آذربایجانلیلار آراسیندا داها دا طمطراقلی قئید ائدیلیر.

قالری[دَییشدیر]

آذربایجان خالق جومهوریتی‌نین بایراغی تاریخی شکیل‌لرده

بیرده باخ[دَییشدیر]


قایناقلار[دَییشدیر]