ابو حنیفه

ویکی‌پدیا، آچیق بیلیک‌لیک‌دن



ابو حنیفه


آیری آدلار أبو حنيفة النعمان بن ثابت الكوفيّ، امام اعظم ابو حنیفه
قیسا بیلگی اهل سنت و جماعتین دؤرد ایمامیندان
تحصیل کوفه و بغداددا ایسلامی بیلیملر و عرب صرف، نحو و ادبیاتی
دوْغوم تاریخ ۸۰-جی ه.ق
دوْغوم یئر کوفه
اؤلوم تاریخ ۱۵۰-جی ه.ق
مزارلیقی بغداد

ابو حنیفه (عربجه: أبو حنيفة النعمان بن ثابت الكوفيّ) اهل سنت و جماعتین دؤرد ایمامیندان بیری و حنفی‌لیگین باشداغی دیر. هیجرت دن سکسن ایل گئچنده عبد الملک بن مروانین خیلافت چاغیندا کوفه شهرینده آنادان اولوب، یۆز اللینجی هیجری ایلده ابو جعفر منصور دوانیقی خیلافتی چاغیندا وفات ائدیب‌دیر. ابو حنیفه‌نین مزارلیغی بغداد شهرینده یئرلشیب‌دیر.[۱]

یاشاییشی[دَییشدیر]

ابو حنیفه‌نین آتاسینین کؤکی بو گون افغانیستان دا یئرلشن زوطادان دیر. داها کابل، نیسا و تئرمیز اونون آنا یوردو ساییلیبلار. چوخلو قایناقلار اونو فارس کؤکلو و بعضی باشقا قایناقلار اونو تورک یا عرب تانیدیبلار.[۲][۳]ابو حنیفه کیچیک یاشدا قرآن کریمی ازبرله‌میش و عربجه‌نین صرف، نحو و ادبیاتین اؤرگشمیشدیر. ابو حنیفه اؤز چاغینین حاکیملری قارشی‌سیندا دایانیب و اونلاردان اینتیقاد ائدنلردنیمیش.

ابو حنیفه‌نین دۆشونجه‌لری[دَییشدیر]

ابو حنیفه بئله سؤیله‌ییر: احکامین استنباطی اۆچون ایلک الله تعالی‌نین کیتابین آراشدیریب، الله تعالی‌نین کیتاندان و ساوچی (ص)ین سنّتیندن بیر حؤکمو استنباط ائده‌بیبلمه‌سم صحابه سؤزلریندن فایدالانیب قالانین بوراخیب، داها آیری سؤزه عمل ائتمرم. ساوچی (ص)دن بیر حدیث یئتیشسه اونا عمل ائدیب صحابه‌دن اولسا اونو ائتمه‌ده ارکینیک و تابعیندن اولسا اونونلا موقابیله ائده‌ریک.[۴]

قایناقلار[دَییشدیر]

  1. الحاج عبدالرحمن آخوند تنگلی, ارشاد الترکمان الی مذهب النعمان. (تۆرکمنجه). عرفان‌آباد حوزه‌سی.
  2. Mohsen Zakeri (1995), Sasanid soldiers in early Muslim society: the origins of 'Ayyārān and Futuwwa, s.293
  3. خطیب البغدادی
  4. اهل سنت اماملارینا گؤره بیر آراشتیرما ص 63 - تألیف: فریدون سپهری