الکتریک یوکو

ویکی‌پدیا، آچیق بیلیک‌لیک‌دن

الکتریک یوکو (اِلِکتریک یۆکو یا الکتریکسل یۆک)، مادّه‌یه الکتریک مئیدانیدا گۆج دۇیدوران، مادّه‌نین فیزیکی اؤزللیکلریندن‌دیر. الکتریک یوکو مۆثبت (پوْزیتیو) ایله منفی (نگاتیو) اولابیلیر. الکتریک یۆکۆن اولوشتوران الکترونلاردیر. الکترونون یوکو منفی اولاراق، سایی‌سی آتومون سیغیمیندان چوخ اولورکن آتومون یوکو منفی و سیغیمندان آز اولورکن آتومون یوکو مۆثبت اولور.مۆثبت یۆکلو مادّه منفی یۆکلو مادّه‌نی و منفی یۆکلو مادّه مۆثبت یۆکلو مادّه‌نی اؤزونه چکر. مۆثبت یۆکلو مادّه مۆثبت یۆکلو مادّه‌نی و منفی یۆکلو مادّه منفی یۆکلو مادّه‌نی اؤزوندن قوْوار. الکتریک یوکونون بیریمی یا واحیدی، میلّتلر آراسی بیریملر سیستمینده کۇلوْن (C) دیر. برق مۆهندیسلیگینده داها آمپر-ساعات (Ah) ایشلنه‌ بیلر.

الکتریک یوکو کؤک مادّه ایچینده قالارلی بیر خاصیت دیر و آزالیب یا چوخالماز .الکتریک یوکو آتوم ایچینده اولان کؤک مادّه‌لردن اله گلیر. بیر آتوم ایچینده الکترون ایله پروتون ساییسی تعادولونون دییشمه‌سی ایله آتومون الکتریک یوکو آزالیب چوخالار. الکترومغناطیس گوجو الکتریک و مغناطیس گوجلریندن اله گلیر و الکتریک یوکو الکترو مغناطیس گوجوندن تاثیر آلا بیلیر.

مۆثبت ایله منفی یۆکلو نقطه‌لرین آراسیندا اولان الکتریک آلان

قایناق‌لار[دَییشدیر]

اینگیلیسجه ویکی‌پدیاسی‌نین ایشلدنلری طرفیندن یارانمیش«Electric_charge»، مقاله‌سیندن گؤتورولوبدور. (۱۰ سپتامبر ۲۰۱۵ تاریخینده یوْخلانیلیبدیر).