بخشعلی‌خان یکانی
بخشعلی خان یکانی — آذربایجانلی بیر مۆباریز و ساواشچی‌ایدی. بخشعلی‌خان بیرینجی دونیا ساواشی‌ندان سونرا روس گۆجلری‌نین آذربایجانا قوشون چکمه‌سی زاماندا روسلارین قارشیسیندا دوردو و موجادیله ائتدی و اؤزوندن چوخلو رشادتلر گؤرستدی و نهایت‌ده وطن یولوندا دونیاسین دییشدی.[۱]
دوغوم یئری
[دَییشدیر]بخشعلی‌خان یاخلاشیق ۱۲۸۰–جی هیجری گۆنشلی ایلینده مرند بؤلگه‌سی‌نین یامچی بؤلومونون توابعیندن اولان یکان‌سعدی کندینده دوغولدو.[۲]
روس گۆجلری‌له موجادیله
[دَییشدیر]آذربایجان روس گۆجلری طرفیندن ایشغال اولماق‌دان سوْنرا، بخشعلی‌خان عثمانلی ایمپیراتورلوغونا کؤچ ائتدی و عثمانلی‌دا ساواش علمی‌نی و دؤیۆش تکنیکلری‌نی اؤیرندی، سونرا وطنی "یکان سعدی" دؤندۆ و آمان‌سیز هۆجوملارلا روس گۆجلری‌نی سیخیشدیردی.[۲]
اؤلومو
[دَییشدیر]بیر گئجه عملیّات‌دان یورغون اولاراق اسماعیل سیمیتقونون یانینا چهریق قالاسینا گئتدی. گئچمیش زامانلاردا روس گۆجلرینه قارشی اسماعیل سیمیتقویا کؤمک ائتدیغینی و بؤیۆک بیر بلادان سیمیتقونو قورتاردیغی اۆچۆن سیمیتقویا گۆوه‌نیر. آنجاق سیمیتقو خیانت ائدیب و اؤز منفعتینه خاطیر بخشعلی‌خانی حبس ائتدی و روسلارین اعتمادین قازانماق اۆچۆن سحر تزدن بخشعلی‌خانی روسلارا تحویل وئردی. بو خیدمت‌دن ممنون اولان روسلار بو قهرمانا خوی‌دا بیر نئچه گۆن ایشگنجه وئردیلر و سونرا خوی شهری‌نین دوز مئیدانیندا اونو آسدیلار. روایت وار کی بخشعلی‌خان دارآغاجی‌نین دیبینده، سیمیتقو و روس گۆجلرینه خطاباً بونلاری سؤیله‌دی: «جسارتینیز وارسا اللریمی یئنی‌دن آچین، و بو دفعه خیانتله یوخ، بلکه مۆحاریبه ایله، منی توتا بیلسز اگر، منی آسین.»
آنجاق دوشمن ایسته‌دیغی هر شئیه نائیل اولموشدو. آغری و اورین داغلاری‌نین مۆباریزی اولان بخشعلی‌خانی تله‌یه سالمیشدی. بخشعلی‌خان، قوچعلی‌خان و شیرعلی‌خان آذربایجان یولوندا دؤیۆشن و جان وئرن اۆچ مۆباریز قارداش‌ایدیلار.[۲][۱]
قایناقلار
[دَییشدیر]- ^ ۱٫۰ ۱٫۱ تاریخ در "نیم‌رخ یکانات" (fa). ایرنا (2019-10-02). یوخلانیلیب 2020-12-14.
- ^ ۲٫۰ ۲٫۱ ۲٫۲ حسینی, محسن; موسی‌خانی, یاسر (1396-04-01). "مشروطه و زمینه های فکری مشروطه خواهان در مرند". تاریخ نو (in فارسی). 19 (7): 222–247.
{{cite journal}}: Check date values in:|date=(کؤمک)