آغری داغی

ویکی‌پدیا، آچیق بیلیک‌لیک‌دن
پرش به ناوبری پرش به جستجو

آغری داغی یا دا آرارات و یا آرارات داغی (سلجوقلار دؤورونده: ائغری داغ، اینگلیسجه: Ararat، کۆردجه: Çiyayê Agirî، ارمنی دیلی: Մասիս, Masis، آنادولو تورکجه‌سی: Ağrı Dağı) — تۆرکيه‌نین ان يۆکسک داغیدیر. تۆرکیه‌نین دوغو اۇجقاریندا، آغری ایلی‌نین اراضیسینده يئرلشیر. داغ ایراندان ۱۶ کیلومتر قوزئی-باتی‌سیندان، ائرمنیستاندان ۳۲ کیلومتر باتی یا طرف‌دیر. آغری داغی ۲ ياناشی وۇلکان کوْنوسوندان عبارتدیر، ۵۱۳۷ متر هۆندورلويه مالیک اوْلان بؤيوک آغری داغی آنادوْلو ياریماداسی‌نین و کیچیک قافقاز داغ سیستمی‌نین ان يۆکسک زیروه‌سیدیر. داغ ۴۰۰۰ متره‌دک کاينوْزوْي تیپلی بازالت، داها سوْنرا آندئزیت سۆخورلاریندان تشکیل اوْلونموشدور. ۴۲۵۰ متردن باشلاياراق زیروه‌سی سايی ۳۰-دان چوْخ دایمی بۇزلاقلارلا اؤرتولموشدور. ان ایری بۇزلاغین اۇزونلوغو ۲ کم-ه چاتیر. بؤيوک آغری داغی‌نین ياماجلاریندا سرداربولاق يايلاسی و ۳۸۹۶ م يۆکسکلیيه مالیک کیچیک آغری داغی يئرلشیر. هر ایکی داغین اتيی‌نین بیرلیکده چئوره‌سی تقریباً ۱۲۸ کم. تشکیل ائدیر.

ائشیگه باغلانتیلار[دَییشدیر]

ویکی‌آمباردا Mount Ararat ایله مربوط فایل وار.


گؤرونتولر[دَییشدیر]

قایناقلار[دَییشدیر]