برکه‌خان

ویکی‌پدیا، آچیق بیلیک‌لیک‌دن
پرش به ناوبری پرش به جستجو
برکه خان
Бэрх хаан
کامیل آد برکه خان جۇچی خان اوْغلو بوْرۇجیگین
دوغوم گونو 1209
دوغوم یئری بوْرخان خالدۇن- موْغوْلستان
اؤلوم 1266
اؤلوم یئری کۆر چایی ساحیلی
سولاله بوْرۇجیگین
آتاسی جۇچی خان
اوشاقلار باتۇ خان، شئیبان
دین ایسلام


برکه خان (موغولجا:Bérx xan تورکجه: Bärkä, Berik, Bereke, Berkeý) – قیزیل اوْردانین 4.جو خانی، جۇچی خانین اوغلو.

ایلکین حیاتی[دَییشدیر]

برکه خان جۇچی خانین اؤولادلاریندان بیری ایدی. 1. موغول قورولتاییندا، 1236-جی ایلده باتی خانین غربه سفرینده ایشتیراک ائتمیشدی. بوخارادا اولان واخت، خوارزملی شیخ سیف‌الدین درویش‌دن ایسلامی اؤیرنه‌رک موسلمان اولموشدو. 1248-جی ایلده 2.موغول قورولتایی‌نین حاضیرلانماسینا کؤمک ائتمیشدی.

حاکیمیتی[دَییشدیر]

آلتین اوْردا 1300-جو میلادی ایلده

اۇلاقچی خانین تاختان ال چکمه‌سیندن سونرا یئرینه عمیسی برکه خان کئچدی (1257). 1259-جو ایلده بوْروْلدایین لهستان و لیتوانی‌یا یوروشونو امر ائده‌رک، بیر چوخ شهری اله کئچیرمیشدی.

هۆلاکۆ ایله ساواش[دَییشدیر]

هۆلاکۆ خانین خلیفه معتصم بالله‌-ی اعدام ائتمه‌سی برکه‌نی غضبلندیرمیشدی. 1262-جی ایلده اونونلا ساواشا باشلادی. بایبارس‌لا موتّفیق اولان برکه خان نوْقای خانین باشچیلیغی ایله هۆلاکۆنو تِرِک چایی ساحیلینده مغلوب ائتدی. بو سیرادا چینگیز خانین دیگر اوغوللاری بیر-بیرییله آنلاشمازلیغا دوشموش، بؤیوک خاقانلیق تاختی اوچون اؤز آرالاریندا ساواشماغا باشلامیشدیلار. برکه خان بو دورومو یاخشی دَیرلندیردی. بؤیوک خاقانلیق ساواشیندا اؤنجه آریق بۇغانین طرفینی توتدو و اونون آدینا پول کسدیردی. 1264-جو ایلده قوبیلای اونو و هۆلاکۆنو آریق بۇغا مسله‌سی حاقدا دانیشیق اوچون چاغیرمیشدی. لاکین هئچ بیری قورولتایا گئتمه‌دی.

سونراکی حیاتی[دَییشدیر]

برکه خان، بیزانسلا دا مشغول اولماغا باشلادی. 1265-جی ایلده قارداشی اوغلو نوْقای خانین باشچیلیغیندا 20 مین نفرلیک بیر اوردونو دونایین شیمالینا گؤندردی. بیزانس اوردوسونا غالیب گلدی و تامامییله داغیتدی. بو سفری ایله ایستانبولدا اسیر اولان 2. کیکاووس-و دا گؤتوره‌رک قیریما آپاردی.

اؤلومو[دَییشدیر]

برکه خان 1266جي ايلده کۆر چايي ساحيلينده خسته لنه‌رک وفات ائتدي. يئرينه مئنگۆ تیمۆر کئچدي.