بوریس جانسون

ویکی‌پدیا، آچیق بیلیک‌لیک‌دن
بوریس جانسون

الکساندر بوریس د پیفل جانسون (اینگیلیسجه. Alexander Boris de Pfeffel Johnson) یا دا قیسسا آدی ایله بوریس جانسون (دوغوم گونو. 19 ژوئن 1964، دوغوم یئری. نیویورک مانهاتان محله سی، آمریکا)، بریتانیالی کانسرواتیو (محافظه کار) سیاسیتچی، و ژورنالیست، و 2016 جولای آییندان بریتانیانین ائشیک ایشلر باخانی (خاریجه وزیری) اولوب. 2008 دن 2016 مئی آیینا قدر لندن بلدیه باشقانی اولان جانسون، داها اؤنجه هنلی بؤلگه سی نین میللت وکیلی ایدی. آیریجا ایسپکتاتور درگیسینده ادیتور اولاراق چالیشدی.  

آکسفورد بیلیم یوردوندان ماذون اولدوقدان سونرا تایمز درگی سینده باشاری یولونو باشلادی. داها سونرا ادیتور یاردیمچیسی اولدوغو دیلی تلگرافا گئچدی. 1999دا ایسپکتاتور درگیسینده ادیتور اولدو. 2001 گنل سئچیملرینده خالق ائوینه (عوام مجلیسی) سئچیلدی و اؤلکه نین ان یوکسک پروفیله صاحیب سیاستچیلری آراسیندا یئرینی آلدی. بوریس جانسون اینگیلیس کانسرواتیو پارتینین هنلی میللت وکیلی ایکن، گیردیگی یئرَل سئچیملئرده، 2008 مئی آیی نین بیرینجی گونونده لندن بلدیه باشقانی سئچیلمیش، و 2016 یئرل سئچیملرینه قدر بو وظیفه نی دوام وئرمیشدیر. بریتانیانین اوروپا بیرلیگیندن چیخما هن-یوخ سئچیمینین سونوجونا گؤره دیوید کامرون استعفاسی آردیندان ترزا می بریتانیانین باش باخانی اولاندان سونرا، 13 جولای 2016 تاریخینده، بریتانیانین ائشیک ایشلر باخانی باخانی اولدو.

بوریس جانسونون کؤکنی[دَییشدیر]

بوریس جانسون چَرکَس - تورک کؤکنلی دیر، و عوثمانلیحکومتی نین سون دؤنمینده، ایچ ایشلری باخانلیغی ائتمیش، و قورتولوش ساواشیندان سونرا، میللی موجادله ایله موخالیفت ائتمک گوناهینا گؤره اعدام اولونموش علی کمالین نَوَه سی ایستانلی جانسوننون اوغلودور.

قایناقلار[دَییشدیر]

  • آنادولو تورکجه سی ویکی پدیا صفحه سی