علیمردان بی توپچوباشوو

ویکی‌پدیا، آچیق بیلیک‌لیک‌دن
پرش به ناوبری پرش به جستجو
علیمردان بی توْپچوباشوْو
Topchibashev.jpeg
اتفاق المسلمین حیزبینین قۇروجولاریندان
آذربایجان دموکراتیک جمهوریتینین خاریجی ایشلر وزیری
ایشله‌دیگی‌ایللر
۶ اوکتوبر، ۱۹۱۸ – ۷ دسامبر ۱۹۱۸
قاباقجا محمد حسن حاجینسکی
سونراکی فتحعلی خان خویسکی
آذربایجان مجلیسینین غیابی باشچیسی
ایشله‌دیگی‌ایللر
۷ دسامبر ۱۹۱۸ – دسامبر ۱۹۱۹
شخصی بیلگی‌لر
دوغوم ۱۸۶۳-جو میلادی ایلین می آیینین ۴-و
تفلیس، روسیه ایمپیراطورلوغو
اؤلوم ۱۹۳۴-جو میلادی ایلین نوْوامبر آیینین ۸-ی
پاریس، فرانسه
سیاسی حیزبی اتفاق المسلمین حیزبی
حیات‌یولداشی پری ملکوْوا
اوشاقلار علی‌اکبر توْپچوباشوْو
ایش وکیل

علیمردان بی توْپچوباشوْو (بۆتون آد: علیمردان علی‌اکبر اوغلو توْپچوباشوْو) آذربایجانین آدلیم سیاسی خادیمی، دیپلومات، حقوق بیلیجی سی، تزارلیق روسیه‌نین بیرینجی دۇماسینین عوضوو (۱۹۰۵-جی میلادی ایل)، باکی‌دا موسلمان ملی شوراسینین موقت ایجرایی کمیته‌سینین عوضوو (۱۹۱۷-جی میلادی ایل) و آذربایجان خلق جمهوریتینین شوراسینین صدری (۱۹۱۸–۱۹۲۰ میلادی ایللر آراسیندا) دیر.[۲]

یاشاییشی

علیمردان بی توْپچوباشوْو ۱۸۶۳-جو ایلده تیفلیس شهرینده بیر ایشچی عایله‌ده آنادان اولموشدور. ایلک تحصیلین دوغولدوغو تیفلیس شهرینده سونا یئتیریب، ۱۸۸۴-جو ایلده تحصیلینین دوامی اۆچون سنت پترزبورگ بیلیم یوردوندا تاریخ و فیلولوژی بوتاغینا داخیل اولموشدور. بیرینجی ترم‌دن سوْنرا تحصیلین حقوق‌دا دوام وئریب ۱۸۸۸-جی ایلده درسی قورتاریب، حقوق علملر آداغی آدین آلمیشدیر. سنت پترزبورگ بیلیم یوردو توْپچوباشوْوی اوستادلیق اۆچون چاغیرمیشدیر اما بۇ ایشین شرطین ایسلامدان دؤنوب مسیحی اولماق قویموشدور (تزارلیق روسیه‌نین موسلمانلار اۆچون تبعیض قانونلارینین بیری سؤزو آچیلان قانون ایدی). علیمردان بی‌بو شرطی قبول ائتمه‌مکله سنت پترزبورگ‌دان آیریلیب تیفلیسه قاییتمیشدیر. علیمردان بی، حسن بی زردابی (بۆتون روسیه‌ده ایلک دفعه تۆرک دیلینده یاییلان جریده یعنی اکینچی جریده‌سینین باش مسئولی) نین قیزی، پری ملکوْوا ایله ائوله‌نمیشدیر.

سیاستچی‌لیگی

علیمریدان بی توْپچوباشوْو روسیه گۆجونون آلتیندا یاشایان موسلمانلارین بیرلشدیرمه‌سی اۆچون ایشه باشلایان اتفاق المسلمین حیزبینین باش قۇروجولاریندان و روسیه‌نین بیرینجی دۇماسیندا بۇ حیزبین وکیلی ایدی. علیمردان، تزار طرفیندن بیرینجی دۇمانین انحلالیندان سوْنرا اۆچ آی تۇتولوب، دۇما عضویت حقّینی الدن وئرمیشدیر.

قالری

اتک یازیلار

  1. Джамиль Гасанлы (2010). История дипломатии Азербайджанской Республики: Внешняя политика Азербайджанской Демократической Республики (1918—1920) I. Наука. p. 198. ISBN 978-5-9765-0899-6. 
  2. ائلنور کلبی‌زاده (۲۰۱۳-جو ایلین ۱۰-جو آیینین ایگیرمی دؤردو). علیمردان بی توْپچوباشوْو گؤرکملی دیپلومات کیمی (آذربایجان تورکجه‌سی). کاسپی.

قایناقلار

منابع