تفلیس

ویکی‌پدیا، آچیق بیلیک‌لیک‌دن

تفلیس گورجوستانین باش کندی، قافقازین صنایع، مدنیییت و علم مرکزلریندن بیریدیر. اؤلکه‌نین دوْغو حیصه‌سینده، کۇر چایی‌نین هر ایکی ساحیلینده، ۴۰۶-۵۲۲ متر هۆندورلوکده، تیفلیس چوککلیگینده یئرلشیر.

شهر ۲۴۴ کوادرات کیلومتر اراضیده یاییلمیشدیر. «تفلیس» توْپونیمی‌نین حرفی معناسی قدیم گۆرجو دیلینده «ایستی‌سو» آنلامینا گلیر. تاریخی قایناقلارا گؤره، شهر ائرامیزین بئش عصرینده گۆرجو سرکرده‌سی واختانق قورقاسالی طرفین‌دن سالینمیشدیر.

۲۰۰۶-جی ایلین اوّلینه اوْلان معلوماتا گوره، اهالی‌سی‌نین سایی ۱،۱۰۳،۳00 نفر و یا گۆرجوستانین جمعی اهالی‌سینین ۲۵،۱%-نی تشکیل ائدیر. اهالی‌سی‌نین تقریبا ۸۰%-ه قدری ائتنیک گۆرجولردن عیبارتدیر. حاضیردا شهرده سایجا ۳-جو ان چوْخ‌سایلی ائتنیک قروپ سایلاری ۱۸ مینه چاتان آذربایجانلی‌لاردیر.

تفلیس ایقتیصادی باخیمدان حاضیردا گۆرجوستانین ان اینکیشاف ائتمیش بؤلگه‌سی حیساب اوْلونور. ۲۰۰۵-جی ایلده اؤلکه‌ده ایستیحصال ائدیلمیش صنایع محصولونون ۳۵، ۴%-ای، تیکینتی‌نین ۶۳، ۶%-ای بو شهرین پایینا دۆشموش، فعالیتده اوْلان موسیسه‌لرین سای اعتیباری‌ایله ۴۷، ۴%-ای بۇرادا جمعلشمیش‌دیر.

تفلیس گۆرجوستان رئسپوبلیکاسی‌نین باشکندی اوْلماقلا یاناشی، ایری صنایع، علم، مدنیت و نقلیات مرکزیدیر. شهر ۸ رایونا بوْلونور. ایللیک اوْرتا تمپراتور یانوار آیین‌دا ۰، ۵º س، اییول آییندا ۲۴، ۲º س اوْلور. ایللیک یاغینتی‌نین میقداری ایسه ۵۶۸ مم-دیر.

قایناقلار[دَییشدیر]