فساد

ویکی‌پدیادان، آچیق بیلیک‌لیک‌دن
"فاسید قانون‌وئریجی‌لیک" (واشینقتوندا کونگره کیتابخاسی) رسام الیهو ودر ، 1896

فساد (اینگیلیس: Corruption، آذربایجان جومهوریتی: Korrupsiya ، تورکیه:Yolsuzluk) دؤولتین هر هانسی قوروموندا چالیشان و اونا اعتیبار ائدیله‌رک وئریلمیش صلاحیتدن شخصی منفعتی اوچون ایستیفاده ائتمه حال‌لاری آدلانیر. بو ترمین اساساً بوروکراتیک آپارات و سیاسی إلیته ایله باغلی ایشله‌نیر. 

بیرلشمیش میلّت‌لر تشکیلاتی -نین فساد قارشی کونوانسیونو

  فساد وظیفه ده اولانین وظیفه  صلاحیت‌لریندن ایستیفاده ائده‌رک قانون‌لاری هئچه ساییب بو و یا باشقا مسله‌نی هانسی بیر جینایتکار قروپون خئیرینه حلّ ائتمه‌سی‌دیر. اونا گؤره فساد دئدیکده آنجاق و آنجاق وظیفه ده اولانلاردان صؤحبت گئدیر. ساده جاماعاتی، حتّی جینایتکار ایش‌آدامینی فسادچی آدلاندیرماق اولماز. همین ایش‌آدامی  روشوت جینایتینه عاییددیر. باشقا سؤزله فساد – وظیفه‌لی شخص‌لرین اؤز مؤوقعیتیندن، تمثیل ائتدیگی اورقانین مؤوقیعیتیندن، وظیفه  صلاحیت‌لریندن و یا همین مؤوقعیت و صلاحیت‌لردن ایره‌لی گلن ایمکان‌لاردان ایستیفاده ائتمکله  قانون‌سوز اولاراق مادّی و سایر نعمت‌لر، ایمتییازلار و یا گوزشت‌لر الده ائتمه‌سی، هابئله فیزیکی و حوقوقی شخص‌لر طرفیندن قئید ائدیلن مادّی و سایر نعمت‌لرین، ایمتییازلارین و یا گوزشت‌لرین قانون سوز اولاراق وظیفه‌لی شخص‌لره تکلیف و یا وعد اولونماسی و یاخود وئریلمه سی یولو ایله همین وظیفه لی شخص‌لرین اله آلینماسی‌دیر.  


قایناقلار[دَییشدیر]