مجدالسلطنه افشار اورمی

مجدالسلطنه افشار اورمی
آد	جمشیدخان اردشیر افشار
قیسا بیلگی	آزربایجان حاکیمی، اسلام ایتیحادیه‌سی‌نین باشچیسی، آزربايجان روزنامه‌سی‌نین صاحیب ایمتیازی و ساپورتاژی، شاعیر
دوْغوم تاریخ	اورمیه
اؤلوم تاریخ	رشت
اؤلوم سببی	ناخوشلوق
میللیت	آزربایجان تورکو
آیری آدلار	مجدالسلطنه افشار

جمشید خان مجد السلطنه افشار اورمی اردشیر خان سرتیپ افشارین اوغلو اورمیه ده تحصیلاتین آپاراندان سوْنرا نظام خیدمتینه داخل اولارکن امیرتومانلیق درجه‌سینه یئتیردی. مجدالسلطنه بیرینجی دونیا ساواشندا، آزربایجان توْرپاقلاری و اهالیسی جیلولار و کوردلر الی ایله تالانان زامان، اونلارین قارشیسیندا دوروب، امنیتی آزربایجانا قایتاردی.

مجدالسلطنه بیر مشروطه‌چی، اسلام ایتیحادیه‌چی‌سی و تورکلویوندن ساوونان شخص اوْلوبدور. 1293-جو ایلده، ایلك دفعه عثمانلیلار گونئی آزربایجانا گلن زامان، مجدالسلطنه اونلارا قوشولموشدور. خلیل پاشانین گئری دونمه‌سینده اونونلا گئتمیشدیر و عثمانلیلارین ایكینجی دفعه یاردیما گلنلری زامان، اونلارلا گئری دونموشدور. 1918-جی ایلده عثمانلی قوْشونو آزربایجان گلندن سوْنرا مجدالسلطنه افشار آزربایجان والیسی تعیین اولارکن ایلک دفعه آزربایجان دا تورک میلی هویتلی بیر حوکومت یارادیلمیشدیر. اونون حیمایه‌سی آلتیندا، ایلک دفعه اولاراق گونئی آزربایجاندا بوتونلوکجه تورکجهده اوْلان آذرآبادگان درگیسی تقی رفعت توسط ایله یاییلماغا باشلادی.

ایصالت

مجدالسلطنه افشار اورمونون ان بویوک کوکلی طایفالاریندان اولاراق حاج اردشیرخان لطفعلی خان سرتیپین اوغلو دور بونلاردان بیر واسطه جدلری ایمام قولوخان بیگلربیگی افشار آذربایجان سرداری تانیمیشدیر. ایمام قولوخان بیگلربیگی افشار علیمرادخان زند له دویوش ده سکته ائدیر.ایمام قولوخان زندیه دوروندا ایران مملکتینده مملکت یارتماقلا رقیب لریله ساواش آپاریردی ایمام قولوخان افشار دان بیر واسطه کوکلوغو رضاقولوخان بیگلربیگی افشار اورمونون ان بویوک آدلیم حاکیم لرینه یئتیریر و اوندان نئچه بیر واسطه ایله محمد موسی خان افشار بیگلربیگیه و،خدادخان بیگلربیگه افشارا یئتیشیب کی بوتونلیکله صفویه دورسینده بیگلربیگی طایفالاری اورمیه ده حاکیمیدیلر.

وارلیغی

مجدالسلطنه افشارین بیر بویوک کیتابخانا و موزه یه صاحاب اولارکن بویوک دارایی سی لا عوثمانی امپراطورلوغونا یاردیم ائتمیشدی بئله لیک له روسلارین کینه و بغض لاری اونا کی عوثمانینین دوشمن لری سایلییردیلار اوْلموشدی.بو حالدا روسلار اورمیه شهرینه گلنده هامی دان اول مجد السطنه نین ائوینه گئدیب اونون وارلیغین توقیف ائتدیلر و اونلاردان اَن مهمی اونون اونملی موزه سینی تیفلیسه انتقال وئریب . و بۇ ایش ده ایرانلی ژنرال قونسول لار اوْلوب بۇ خوان یغما دان نصیب سیز قالمییب هر بیری بیر تیکه او عتیقه مجدالسلطنه نین وسائیلارین دان صاحاب اوْلموشلار .توران مجدالسلطنه اونون قیزی بۇ موضونو پیگیر اولارکن بۇ ماجرا دا ایکی ایرانلی بیر ساعد الملک مجبوری بازنشسته اوْلوب و مفتح الملک دا محکوم اوْلوب ایکی درجه مقامیندان تنزل ائتدیردیلر.سانکی روسلار مجدالسلطنه نین اموال ین قایتارمادیلار.

اثرلر و یازدیغی کیتابلار

• عشق ارغوانی
• طوق لعنت
• ماشاءالله خانم

سونوجی کیتاب تیفلیس گورجستان مملکتین پایتختینده چاپ اوْلموشدی.

مجدالسلطنه نین نیمونه شعرلریندن:

روز خوش من ز بعد مرگ بیاید

ای اجل خوش تو را چگونه بیابم

مرگ کجایی که جانم عزم تو دارد

گور کجایی که سوی تو بشتابم

کورد و آسوری قونو سونا آذربایجان دا دیانماق

مجد السلطنه روسلارین فشار ایله اورمیه شهریندن کوچوب ایستانبول دا قالیردی او دؤنم ده بیر نئچه فدائیی لر له بیرلیکده کوچوب تبریزه داخل اولارکن و ائله کی بیلیب مسیحی لر (جیلو) عوثمانی قواسینین قاباغیندا دایان بیلمیئب لر بیر نئچه آزادخواه لار لا بیرلیکده قوشاچایا گئدیب حسین آباد کندینده مسیحی لرین کوچمه لرینه منتظیر قالیب و نئجه کی اورمونون فتح اولماسین ائشیدیب سولو تپه نی داغین اوجالیق لارین توتارکن ،مجدالسلطنه نین بیرلیکده سیلاح لاری بیر توپ و 60 نفر سرباز تشکیل ائدیردیلر مسیحی لر (جیلو) دره داخل اوْلوب مجدالسلطنه و یولداشلاری ایله بیرلیکده اونلارا حمله ائدیب بوتونلیکله اونلارین باشلارینا گوله یاغدیریب.مسیحی لردن بیرنئچه سی هلاک اولاندان سوْنرا مسیحی سواره نظام لاری قایدیب مجد السلطنه نین قاباغیندا دایانیب قالان لاری دره دن گئچیدیلر.

اؤلوم

مجد السلطنه عمرونون آخیرلاریندا تهران و رشت شهرلرینده ساکین اولارکن رشت شهرینده فوت ائدیب اونون جینازه سین تهرانا گتیریب ری شهرین ابن بابویه قبریستانیندا توپراقا تاپیشیردیلار.