محمدرضا پهلوی

ویکی‌پدیا، آچیق بیلیک‌لیک‌دن
محمدرضا پهلوی
بیر عکس، تهران بیلیم‌یوردون‌دا مجسمه‌سین آشیران زامان

محمدرضا پهلوی (دوغوم: ۴ آبان ۱۲۹۸تهران - اؤلوم: ۵ مورداد ۱۳۵۹ قاهیره) پهلوی سولاسه‌سی‌نین ایکینجی شاهی و ایرانین سون شاهی، ۲۵ شهریور ۱۳۲۰-دن ۲۲ بهمن ۱۳۵۷-دک ایرانا حؤکومت ائتدی.

ایکینجی دونیا ساواشیندا ایران ایشغال اولاندان سونرا، دونیا موتّفیق دؤولتلری رضا پهلوی‌نی تبعید ائدیب اوغلو محمدرضانی یئرینه قویدولار. ایکینجی یول ۲۸ مورداد کودتاسی‌یلا قودرته چاتیب ۱۳۵۷ اینیقلابی‌یلا حؤکومت‌دن دۆشدو. محمدرضا تاج‌الملوک آیرملو و رضاخانین اوشاغی ایدی.

۶ یاشیندایکن آتاسی شاه٬ اؤزو ولیعهد اولدو. ایلکین تحصیلاتینی تهراندا و اورتا تحصیلاتینی سوئیسده قورتاردی. ایرانا قاییداندا ایکینجی سوتوان درجه‌سی‌یله افسرلیک دانشکده‌سیندن فارغ‌التحصیل اولدو. ایکینجی دونیا ساواشیندا و ایران ایشغال اولان زامان ۲۲ یاشیندایکن شاهلیغا چاتدی و ۲۵ شهریور۱۳۲۰-دن ۱۳۵۷ اینقیلابیناجا ایراندا شاهلیق ائتدی.

تورکلره قارشی جینایتلر و خیانتلری

محمدرضا آتاسی‌نین تورکلره قارشی دوشمانچیلیق و جینایتلرینی شیددتله دوام وئردی. ۱۳۲۵-جی ایلده تبریز و آذربایجانین باشقا شهرلرینی ایشغال ائدیب دموکرات حؤکومتینین ایشچیلرینه قارشی سوی‌قیریم تؤردیب، تورک دیلینین اؤیرتیمی‌نی یاساقلادی. اونون سیاستلرینه گؤره آذربایجانین نئچه نسلی اؤز دیلینی یازیب اوخوماقدان محروم اولوبلار.

قایناقلار

فارسجا ویکی‌پدیاسی‌نین ایشلدنلری طرفیندن یارانمیش«محمدرضا شاه پهلوی»، مقاله‌سیندن گؤتورولوبدور. (۱۶ ژانویه ۲۰۱۶ تاریخینده یوْخلانیلیبدیر).