مراکش

ویکی‌پدیا، آچیق بیلیک‌لیک‌دن
مراکش

مراکش (عربجه: المغرب)، رسمی آدی: مراکش سولطانلیغی (عربجه: المملكة المغربية) آفریقانین قوزئی‌باتی‌سیندا ایسلام اؤلکه‌سی‌دیر. ایندی سولطان آلتینجی محمد مراکشین سولطانی‌دیر.

تاریخی[دَییشدیر]

عرب موسلمان‌لار مراکشه 638-جی میلادی ایلینده آقبا ابن نافی‌نین باشچی‌لیغی آلتیندا گلمیش‌لر. اؤلکه، عرب ایدریسی‌لر طرفین‌دن ایداره اولونماغا باشلامیش‌دیر کی، بو دؤنومده مراکش علم اوجاغینا چئوریلمیش‌دیر. آردیجیل اولا‌راق بیر نئچه بربر سولاله‌لری (المورابیون، الموحدون، مارینی‌لر، سدی‌لر) و غلوی‌لر طرفین‌دن ایداره اولونموش‌دور. 1901-جی میلادی ایلینده فرانسه طرفین‌دن ایشغال اولونموش، 1955-جی میلادی ایلینده موستقیل‌لیک قازانمیش‌دیر. 1976-جی میلادی ایلینده غربی صحرانی ایسپانیادان گئری قایتارمیش‌دیر.

جوغرافیاسی[دَییشدیر]

مراکش گئنیش چای سیستئمینین اییه‌سی‌دیر. آتلانتیک اوقیانوسونا تؤکولن اؤنملی چای‌لار اومم ار-رابی، سیبو، تانسیفت، دئرا چای‌لاری‌دیر. ایقلیم باخیمین‌دان اؤلکه‌نین شرق و گونئیی ایستی و قورو، آرا‌لیق دنیزی و آتلانتیک اوقیانوس ساحل‌لری ایسه معتدل و یاغیش‌لی‌دیر.

ایقتیصادیاتی[دَییشدیر]

یاغیشین چوخ اولماسی کند تصرروفاتینا شرایط یارا‌دیر. بورادا آرپا و بوغدا بئجریلمه‌سی ایله ایختیساس‌لاشان کیچیک، اننوی تصرروفاتلا یاناشی، سیتروس میوه‌لری و قیش تروزلری ایخراجی اوچون بؤیوک میقیاس‌لی تصرروفات دا وار. اساس محصول‌لاری بوغدا، قارغیدا‌لی، دوگو، شکر قامیشی، چوغوندور، اوزوم، خورما، سیتروس مئیوه‌لری، پامبیق و زئیتون‌دور. حیواندارلیق اساساً قویون و کئچی حیواندارلیغی‌دیر. بالیق صنایعی ده ایقتیصادیاتین اساس ساحه‌لرین‌دن‌دیر. مراکش دونیادا ان بؤیوک فوسفات تورشوسو ایخراجاتچی‌سی‌دیر. دیگر طبیعی ثروت‌لری کؤمور، قورغوشون، دمیر فیلیزی، گوموش و میس‌دیر. اساس ایخراج مال‌لاری فوسفات تورشوسو، سیتروس مئیوه‌لری، بالیق (ساردینیا) یاغ‌لاری و خورما‌دیر. سنایئنین اساسینی داغ-مدن صنایعی، گوبره، توخوجولوق، خالچاچی‌لیق، نفت ائما‌لی، سیمان، قند و مئیوه شیره‌سی ایصتیحصالی تشکیل ائدیر.

اها‌لی‌سی[دَییشدیر]

اها‌لی‌نین عومومی سایی، 33.8 میلیون‌دور کی میصر و سودان اؤلکه‌لرین‌دن سونرا اوچونجو بؤیوک عرب اؤلکه‌سی‌دیر. اها‌لی‌نین 60%-ی عرب‌لر، 40%ی ایسه بربرلردیر.