مظهر الترکی

ویکی‌پدیا، آچیق بیلیک‌لیک‌دن
پرش به ناوبری پرش به جستجو

مظهر الترکی اوْن اۆچونجو هیجری یۆز ایلده عبدالرحیم شیروانی طرفیندن فارسلارا تۆرکجه اؤرگتمک اۆچون یازیلان کیتاب دیر. عبدالرحیم شیروانینین یاشامی حقینده چوْخ بیلگییه صاحیب دئییلیک آنجاق بۇ اثرین اؤن‌سؤزونده‌کی بیلگیلره گؤره یازدیغی کیمی «ارده‌بیل» شهرینده آنادان اوْلوب‌دور بیر مدت شیرواندا یاشاماقدان سوْنرا شیراز شهرینه گئدیب، اوْردا بۇ اثری یازمیشدیر. یازیچی اؤز اثرینده تۆرکجه‌نی اۆچ بؤلومه آییریر:

  1. تۆرکوستان، چین و ماچین، خطا و ختن‌ده یاشایان اؤزبکیه و قالموق طایفالارینین ترکی جغتایی دیلی
  2. رومدا یاشایان عثمانلی طایفه‌لرین دیلی
  3. ایراندا یاشایان تۆرکلرین دیلی

کیتابین یاپی‌سی[دَییشدیر]

آقا اسماعیل بۇیوروغو ایله یازیلان بۇ کیتاب، بیر مقدمه، دؤرد رۆکن و بیر خاتمه‌دن عیبارت دیر. بۇ رۆکنلرده تۆرکجه‌نین دیل بیلگیسی قیسساجا اله آلیندیقدان سوْنرا بیر کیچیک سؤزلوکده وئریلمیشدیر. دیل بیلگیسی بؤلومو بؤیوک شاعیرلر ملا محمد فصولی، امیر علیشیر نوایی و یازارین اؤز شعرلریله زنگینلشمیشدیر.

اثر قایناقلاری[دَییشدیر]

بۇ اثرین یازماغیندا، یازیدا گؤرسه‌دیلن کیمی آلتی عالیمین نظری ایشلنیب‌دیر. بۇ آلتی عالیمین بئشی علماء خمسه آدی ایله تانینیب‌دیر:

  1. ملا جاجیم خان شاملو
  2. ملا قراخان اوغلو قورت
  3. ملا داش دمور قاراگؤزلو
  4. ملا تانگری وئردی شاهسئون
  5. ملا یئردانگلی سیل سۆپور

بۇ کیتابا قایناق اوْلان آلتینجی فرد ملا یوْل‌قۇلی آد آپاریلیب‌دیر.

قایناقلار[دَییشدیر]

شیروانی, عبدالرحیم; فرهاد رحیمی (۱۳۹۱). عبدالرحیم شیروانی، مظهر الترکی (فارسجا). اندیشه نو.