موز جومهوریتی
موز جومهوریتی بین الخالق سیاستده سیاسی باخیمدان غئیری-ثابیت،ایقتیصادی باخیمدان بیر و یا بیر نئچه اکینچی‌لیک محصولونون ایستحصالیندان و ایخراجاتیندان آسیلی و عومومیتله فساد، سوء-ایستیفاده ایله ایچ-ایچه کیچیک بیر سئچمه‌لر قروپو طرفیندن ایداره اولونان اؤلکه‌لری آلچالدیجی معنادا ایستیفاده ائدیلن سیاسی ترمین‌دیر. تیپیک اولاراق، بیر موز جومهوریتی، سون درجه طبقه‌لشمیش سوسیال صینیف‌لر جمعیتینه، عومومیتله بؤیوک بیر یوخسول ایشچی صینفینه و بو جمعیتین ایشگوزار، سیاسی و حربی إلیت‌لریندن عیبارت اولان حاکیم صینیف پلوتوکراسی‌سینا صاحیب‌دیر.[۱]حاکیم صینیف ایقتیصادیاتین ایلکین سکتورونو امگین ایستیثماری یولو ایله ایداره ائدیر، بئله‌لیکله، موز جومهوریتی ترمینی، ایری‌میقیاسلی اکینچی‌لیک فعالیتی‌نین، خوصوصاً موز بئجریلمه‌سی‌نین ایستیثمارینی دستکله‌ین خیدمتچی بیر اولیقارشی اوچون تحریف‌ائدیجی بیر تعریف‌دیر.[۲]
موز جومهوریتی سیاسی علم ترمینی کیمی ایلک دفعه آمریکا یازیچیسی او. هنری طرفیندن "Cabbages and Kings 1904" (کلم‌لر و شاه لار) کیتابیندا ایستیفاده اولونموشدور.[۳] هوندوراس، ایلک موز جومهوریتی دؤولتی‌دیر. 20.عصرین اوّل‌لرینده "United Fruit Company" نین اؤلکه ایچینده اولدوقجا تاثیری وار ایدی. حتّی یوکسک وئرگی‌لر ایسته‌ین بیر باشچینی آشیرداراق یئرینه یئنی بیرینی سئچدیلر.[۴]
1871-جی ایلده آمریکالی دمیریولو شیرکتی صاحیبی هنری مئیقسین کاستا ریکا حؤکومتی ایله ایمضالادیغی دمیریولو اینشا موقاویله‌سی چرچیوه‌سینده، حاقیندا دانیشیلان اینشااتا باشلانمیش، دیگر طرفدن تیکینتی شیرکتی ایشله‌ین ایشچی‌لره آشاغی خرجلی بیر یئمک آختاریشیندا اولدوغو اوچون اینشا ائتمکده اولدوغو دمیریولو خطی بویونجا موز یئتیشدیرمگه باشلامیشدیر.
اتک یازی‌لار
[دَییشدیر]- ^ Richard Alan White (1984). The Morass. United States Intervention in Central America. New York: Harper & Row. ISBN 978-0-06091145-4. İstifadə tarixi: 2016-05-14.
- ^ "Big-business greed killing the banana" (ingilis). web.archive.org. 24 may 2008. İstifadə tarixi: 2021-03-13.
- ^ Alison Acker, Honduras, The Making of a Banana Republic. Between the Lines, 1988.
- ^ Alison Acker, Honduras, The Making of a Banana Republic. Between the Lines, 1988.