ویکی‌پدیادان، آچیق بیلیک‌لیک‌دن
اولیقارشی (یون. ὀλιγαρχία، قدیم یون. ὀλίγον (اولیقون)، " آزاجیق " و ἀρχή(آرشی)، " حاکیمیت " ،(آزلیغین حاکیمیتی — غیری-دموکراتیک رژیمین بیر نؤوعو. پولیتولوگیا (باکی،2007) آدلی اثرده قئید اولوندوغو کیمی، اولیقارشی دئدیکده، کیچیک بیر قروپ وارلی آدام‌لارین سیاسی و ایقتیصادی حیاتدا حؤکمران‌لیغی باشا دوشولور. ارسطویا گؤره او، آریستوکراتیک ایداره ائتمه‌نین تحریف اولونموش فورماسی‌دیر.یئنی دؤورده " اولیقارشی" آنلاییشی ر.میخئلس طرفیندن یئنی‌دن دیرچلدیلمیشدیر. موعاصیر دؤورده هم عنعنه‌وی، هم ده اولیقارشی رژیم‌لر مؤوجوددور. عنعنه‌وی رژیمه-بیر نئچه قودرتلی عاییله‌نین حاکیمیتی عاییددیر. اورادا حاکیمیتین دایاغی حربچی‌لردیر. (قواتمالا، نیکاراقوا -1979-جو ایله قدر). موعاصیر اولیقارشی رژیمه هگمون کومپرادور بورژوازیا عاییددیر(کامرون). اونون خوصوصی فورماسی اولان مالیه اولیقارشی‌سی اساساً کاپیتالیزمده مؤوجود اولور. او صنایع و بانک صاحیبکارلاری قروپونون اؤلکه‌نین ایقتیصادی و سیاسی حیاتیندا حؤکمران‌لیغینی ایفاده ائدیر.
