میخائیل ساکاشویلی

ویکی‌پدیا، آچیق بیلیک‌لیک‌دن




میخائیل ساکاشویلی
President of Georgia Mikheil Saakashvili in Tbilisi, March 22, 2008.jpg
آیری آدلار მიხეილ სააკაშვილი
قیسا بیلگی سیاستچی، دئوریمچی، اصلاحاتچی
تحصیل دوکتورا
ایش رئیس‌جمهور
دوْغوم تاریخ ۲۱ دکابر ۱۹۶۷

میخائیل ساکاشویلی یا دا میخئیل ساآکاشویلی (گورجوجه: მიხეილ ნიკოლოზის ძე სააკაშვილი Mixeil Nikolozis dze Saakaşvili) ـ گورجو سییاستچیسی و 2004-2013-جو ایللرده گورجوستان جمهوریتی‌نین رئیس‌جمهورو. 2003-جو ایلین اوْکتوبریندا گورجوستاندا باش وئرمیش قیزیل‌گول اینقیلابینین اساس ایدئیا مؤلیفی اولموش و 15 ژانویه 2004-جو ایلده رئیس‌جمهورلوق سچکیلری‌نین نتیجه‌لرینه اساسن گورجوستان جمهوریتی‌نین رئیس‌جمهورو سئچیلمیشدیر. 5 ژانویه 2008-جی ایلده نؤوبه‌دن‌کنار سئچکی‌لرده یئنیدن غلبه قازانمیشدیر. 

2013-جو ایلده گورجوستان رئیس‌جمهورو وضعیفه‌سینی باشا چاتدیران سااکاشویلی بیر مودت آوروپا و آبش-دا حوقوق ساحه‌سینده چالیشدیقدان سونرا اوکراینایا یوللانمیشدیر. 2014-2015 اوکراینا سیاسی موحیطینده موهوم روللاردان بیرینی اوینایان میخئیل سااکاشویلی پئترو پوروشئنکو طرفیندن اودئسسا ویلایتینین قوبئرناتورو تعیین ائدیلمیشدیر.[۱][۲][۳]

حیاتی[دَییشدیر]

میخئیل سااکاشویلی 1967-جی ایل دئکابرین 21-ده تیفلیسده دوغولوب. آتاسی نیکولوز سااکاشویلی حکیمدیر. آناسی گیولی آلازانیا تبیلیسی دؤولت اونیوئرسیتئتینین تاریخ کافئدراسیندا پروفئسسورو و گورجوستان عئلملر آکادئمییاسیندا شؤعبه‌مودیری وظیفه‌سینده چالیشیر. 

سااکاشویلی کی‌یئو دؤولت اونیوئرسیتئتینین بین الخالق حوقوق ایختیصاصینی بیتیرمیشدیر. 1986-جی ایلین سونلاریندان اعتیبارن ایکی ایل مودتینده سووئت اوردوسو ترکیبینده چئخوسلوواکییا و ماجاریستاندا حقیقی حربی خیدمتده اولموشدور. 

1992-جی ایلدن ایل یاریم مودتینده اوسلودا یئرلشن نوروئچ اینسان حوقوقلاری اینستیتوتوندا، سونرا ایسه تیفلیسده گورجوستان اینسان حوقوقلاری کومیته‌سینده چالیشمیش و آزلیق حوقوقو اوزره ایختیصاصلاشمیشدیر. 1993-جو ایلده ستراسبورقدا یئرلشن بین الخالق اینسان حوقوقلاری اینستیتوتونون دیپلومونا لاییق گؤرولموشدور. 

1994-جو ایلده  "Edmund S. Muskie Graduate Fellowship" پروقرامی اوزره امکلی اولاراق کولومبییا اونیوئرسیتئتینین حوقوق ائلملری فاکولته‌سینده فوق‌لیسانسا داخیل اولموش، 1995-جی ایلده جورج واشینقتون بیلیم‌یوردوندا تئزینی مودافیعه‌ائده‌رک دوکتورا درجه‌سی قازانمیشدیر.

ساندرا رولوفس آدلی هوللاند اصیللی قادینلا عاییله حیاتی قورموشدور و ائدوارد و نیکیلوز آدلی ایکی اؤولادلاری واردیر. آنا دیلی ایله یاناشی اینگیلیس، روس، فرانسیز و اوکراینا دیللرینده سربست دانیشیر. 

سیاسی فعالیتی[دَییشدیر]

سیاسی فعالیتینه 1995-جی ایلده باشلایان سااکاشویلی گورجوستان پارلمانی‌نین نماینده‌سی سئچیلیب. 2000-جی ایلده عدلیییه ناظیری وظیفه‌سینه تعیین ائدیلیب. سونرا تیفلیس مئری سئچیلیب. 2004-2013-جو ایللرده گورجوستان پرئزیدئنتی اولموشدور.[۴]

فیلموقرافییا[دَییشدیر]

  • بؤیوک عؤمرون آنلاری (فیلم، 2006)-آرخیو کادرلار (تاممئتراژلی سندلی تئلئویزییا فیلمی)
  • بؤیوک عؤمرون داوامی (فیلم، 2007)-آرخیو کادرلار (تاممئتراژلی بدیعی-سندلی تئلئویزییا فیلم-تاماشاسی) 
  • بپ آذربایجاندا (فیلم، 2007)-آرخیو کادرلار (قیسامئتراژلی سندلی فیلم) 
  • منه اینانین! (فیلم، 2007)-آرخیو کادرلار (تاممئتراژلی سندلی تئلئویزییا فیلمی) 
  • اوغور فورمولو (فیلم، 2007)-آرخیو کادرلار (قیسامئتراژلی سندلی تئلئویزییا فیلمی)

گالری[دَییشدیر]

قایناق[دَییشدیر]

  • آذربایجان لاتین ویکی‌پدیاچیلاری طرفیندین یارادیلمیش Mixeil Saakaşvili مقاله‌سی.