نوئور گؤلو

ویکی‌پدیادان، آچیق بیلیک‌لیک‌دن
Neor Lake
Neor Lake
یئراردبیلخالخال، اردبیل اوستانی
موختصات38°12′N 48°19′E / 38.200°N 48.317°E / 38.200; 48.317موختصات: 38°12′N 48°19′E / 38.200°N 48.317°E / 38.200; 48.317
نؤوعNatural Lake
اؤلکه‌لرایران
مساحت۲۲۰ hectare (۵۴۰ acre)
اورتا دَرینلیک۳ metre (۹٫۸ ft)
ماکسیموم. دَرینلیک۵٫۵ metre (۱۸ ft)
نوور گؤلو

نوئور گؤلو (لاتین الیفبادا: Nour Gölü) — آذربایجانین اَن گؤزل و اَن گؤرمَلی طبیعی و اکوتوریسم یئرلریندن دیر. بۇ گؤل اردبیل اوستانینین اردبیل-خالخال بؤلگه‌لری‌نین آراسیندا باغرو داغلاریندا یئرلشن درین‌لیگی آز بیر گؤلدور. نوْئۇر گؤلۆ ایوسئن جئولوژی دؤنمینده، ایکی قایانین بیر بیرینه دییب سو آخیمی‌نین قاباغینی آلماغا گؤره یارانمیش‌دیر.

جوغرافیاسی[دَییشدیر]

گؤل باغرو داغلارینین ارگنه داغ زیروه‌سی‌نین آشاغی یاماج‌لاریندا یئرلشیر. گؤلون اوجالیغی اورتا دنیز سطحیندن ۲۵۰۰ متر (۸٬۲۰۰ فوت) تشکیل ائدیر. اردبیل–خالخال یولوندا ۳۵ کیلومتر جنوبه دوغرو گئدیب، بودالالی کندینه چاتاندا، شرقه طرف ۱۸ کیلومتر ایسخ دره تپه‌لی یول‌لاری گئدنده، عابباس آوا کندیندن 4-5 کیلومتر سونرا، نوور گؤلونه یئتیشمک اولار. گؤل ایوسئن جئولوژی واخت میقیاس‌لی چاغی اورتایا چیخدی. نوئور جئولوژی عاریضه‌سی و اونون غربینده‌کی آیری عاریضه، بو گؤلون یارانماسینا ندن اولموش‌لار. سویوق داغ ایقلیمینده یئرلشن نوئور گؤلو حؤوزه‌سی 400 میلیمتر (16 اینچ) ایللیک یاغیش آلیر.

نوئور گؤلوندن باشا-باشا گؤرونوش

خصوصیتلر[دَییشدیر]

گؤل 220 هئکتار ( 540 acre) سو یاییلماسی ساحه‌سی وار و آذربایجان خزر آراسینداکی داغ‌لارینین بیر "یئل‌آلتینا دوغرو جیناحیندا بیر تئکتونیک دئپرئسسیا عرضینده فورملاشمیش سو مؤوسیمی شارژ اورقانی"دیر. بو گؤلون درین‌لیگی 5.5 متر ( 18 فوت) دیر. ایکی گؤل (بیر کیچیک و بیر بؤیوک) اونو تشکیل ائدیر . گؤلون اورتا درین‌لیگی تخمیناً 3 متر ( 9.8 فوت ) دیر. گؤلده آغیر لیللنمه واردیر و اونون سبب‌لری یوکسک یاغینتی حال‌لاری، سووارما بوراخیلیش‌لاری، فیزیو-شیمی عکس العمللر، 35% دن آز یاماج گرادیئنتی (اَییم، شیب)، و یویولما دیرلار. بو فاکتورلار گؤلده بیر تروپیک (استوایی) وضعیته باعیث اولوبدور.

نوئور گؤلونون بالیقلاری[دَییشدیر]

نوئور گؤلونده گؤی‌قورشاغی آدلی بیر جور قیزیل‌آلا بالیغی یاشاییر. بالیق‌لار گؤل دیبینده اولان قامماروس (Gammarus) آدلی بیتکی‌لردن یئمک یئییرلر. گؤل ساحه‌سی‌نین آز درین‌لی بؤلوم‌لرینده، فاوونا نؤوعلری‌نین آراسیندا آنقیت آدلی کؤچَری موجود نؤوع واردیر.

آراشدیرمالار نتیجه‌لری[دَییشدیر]

گؤلون باتاقلیق یاتاغینین شومال-غرب بوجاغیندا بیر نومونه (دیامتری اساس نومونه: 30 سانتیمتر) چیخاردیلیب. آراشدیرماجی‌لارین تحقیقاتلارین‌دان سونرا بیلینیب کی 6500 ایل قاباقدان بؤجَک(سوسک) و چیچَک توزو قالیق‌لاری واردیر. موطالیعه‌لر بونو ثوبوت ائدیر کی بورا شرقی مئسیچ مولاییم هیرکان مئشه‌لرینه اوخشایان بیر "آچیق چؤل لاندشافت"ایمیش. تاپیلمیش خوخانلار (حشرات) و چیچک توزو قالیق‌لاری بونو سوبوت ائدیر. 

قیزیل‌آلا بالیغی توتماق یاساغی[دَییشدیر]

نئچه ایل اقاباغا قدر، بالیق‌چی‌لیق آلوئر (تیجاری) هدفلری ایله، و ایدمان تجروبه مقصدی ایله باش وئریردی. آنجاق گؤل‌ده‌کی بالیق‌لار نَسلی‌نین آرادان گئتمک خطرینه گؤره، بالیق توتماغا قاداغا قویولموش‌دور و بالیق توتانلار جریمه اولونوب گؤز آلتینا آلینابیلرلر.

گؤلده قاییق سورمک ، و خطرلر[دَییشدیر]

گؤلده تفریحی قاییقلار دا کیرایه وئریلیر و اورا گَزمَک اۆچون گلن توریستلر بو قاییقلره مینه بیلَرلر؛ آنجاق چوخ دیققت ائدیب ، یوخاری سطحده اؤزلریندن گؤزلمَلی دیرلر، چونکو بو گؤل اوزونده شیددتلی یئل اَسیر و کیچیک دالغالاری دا قاییقلاری آشیردابیلر و سونون شیرین اولدوغونا گؤره اوزمک چوخ چتیندیر، و گؤلده بوغولماق ایمکانی واردیر. کئچمیشده بوتون تذکورلره رغمَن، بیر سایی بو گؤلده بوغولوب جانلارین اَلدن وئرمیشلر [۱] .

قایناقلار[دَییشدیر]

اتک‌یازی[دَییشدیر]