هزارفن احمد چلبی

ویکی‌پدیادان، آچیق بیلیک‌لیک‌دن

هزارفن احمد چلبی (عثمانلی تورکجه‌سی. هزارفنّ أحمد چلبی‎؛ ۱۶۰۹، ایستانبول – ۱۶۴۰، الجزایر) — ۱۷. عصرده عثمانلی ایمپیراتورلوغوندا یاشادیغی گومان ائدیلن موسلمان تورک عالیمی. 

عومومی بیلگی[دَییشدیر]

  هزارفن احمد چلبی‌نین دوزلتدیگی قانادلارلا عباس ابن فرناس‌دان سونرا اوچماغی باجاران ایلک اینسان اولدوغو دئییلسه ده، اونون حاقیندا بیرجه بیلگی اولیا چلبی‌نین سیاحتنامه‌سینده وار. ۱۶۲۳–۱۶۴۰-جی ایللر آراسیندا ۴. سلطان مرادین حاکیمیتی دؤورونده اینسانین اوچماغی گئرچکلشدیردیگی، ائله‌جه درین علمینه گؤره خالق آراسیندا هزارفن اولاراق آدلاندیریلدیغی دئییلیر. هزار فارس منشالی سؤز اولوب، ۱۰۰۰ دئمکدیر. هزارفن ایسه  " علملی " ، یعنی  " چوخ شئیی بیلن آدام "  معناسینی وئریر.[۱] 

  هزارفن احمد چلبی‌نین اوچماقلا باغلی چالیشمالاریندا لئوناردو داوینچی‌دن چوخ اوّل بو مؤوضودا سیناق‌لار آپاران، ۱۰-جو عصرده یاشامیش موسلمان تورک عالیم‌لریندن بیری اولان اسماعیل جوهری‌دن ایلهاملاندیغی دئییلیر. جوهری‌نین الده ائتدیگی نتیجه‌لری آراشدیران و اؤیرنن چلبی قوشلارین اوچوشونو تدقیق ائده رک تاریخی اوچوشوندان اوّل حاضیرلادیغی قانادلارین مؤحکملی‌لیگینی اؤلچمک اوچون اوخ مئیدانیندا سیناق‌لار آپاردیغی گومان اولونور.[۲] 

چلبی‌نین اوچوش یولو

 ۱۶۳۲-جی ایل کولکلی هاوادا قالاتا قولله‌سیندن قوش قانادلارینا بنزه‌ین بیر واسیطه ایله اؤزونو بوشلوغا بوراخان و اوچاراق بوسفورو کئچیب ۳۳۵۸ متر کناردا اوسکوداردا دوغانجی‌لارا ائنیش ائتدیگی گومان ائدیلن هزارفن احمد چلبی تورک هاواچی‌لیق تاریخی‌نین ان دیقت چکن آدام‌لاریندان بیری‌دیر. بو اوچوش حاقیندا سندلر ایندییه قدر ساده‌جه اولیا چلبی‌نین سیاحتنامه‌سینده یئر آلیر.اولیا چلبی اثرینده بونلاری یازیب:[۲] 

 " ‌اوخ مئیدانی‌نین مینبری اوستوندن قارتال قانادلاری ایله سککیز، دوققوز دفعه  هاوادا پروازلانمیشدی. سلطان مراد خان سارای‌بورنوندا سینان پاشا کؤشکوندن تاماشا ائدرکن قالاتا قولله‌سیندن اوچاراق اوسکوداردا دوغانجی‌لار مئیدانینا ائنمیشدیر. بو حادیثه عثمانلی دؤولتینده عکس-صدا یاراتدی و همین دؤورون پادشاهی ۴. مراد طرفیندن بگنیلدی. سونرا مراد خان هزارفن احمد چلبی‌یه بیر کیسه قیزیل هدیه ائتمیشدیر. 

اتک‌یازی‌لار[دَییشدیر]

  1. ^ hezarfen Arxivləşdirilib 2013-10-20 at theWayback Machine TDK Büyük Türkçe Sözlük. Erişim: 26 Mayıs 2009
  2. ^ ۲٫۰ ۲٫۱ Evliya Çelebi Seyahatnamesi. C. 1, S. 670