هوتاکی دؤولتی
هوتاکی دؤولتی — ۱۷۰۹-۱۷۳۸-جی ایللرده ایندیکی افغانیستان، ایران و پاکیستان بیر حیصّه سینی ایحاطه ائتمیشدیر. بۇ دؤولت ۱۷۰۹-جو لده میر اویس هوتاکی طرفیندن قندهاردا اساسی قۇیولموش‌دور. پشتون منشأ‌لی گیلزای طایفه سینین باشچی‌سی اوْلان میر اۆوئیس صفویلرین تابئلیینده اوْلان قندهار شهرینده چیخاردیغی عۆصیان نتیجه‌سینده ۱۷۰۹-جو ایلده قندهار اله کئچیریلیر و هوتاکی دؤولتی یارادیلیر. بۇندان سوْنرا هوتاکیلر موتمادی اوْلاراق صفویلرین تابئلیینده اوْلان اراضیلره یوروش ائتمه‌یه باشلاییرلار. هوتاکی دؤولتی‌نین چیچکلنمه‌سی دؤورو میر محمود هوتاکی‌نین زامانیندا اوْلور. اوْنون دؤورونده هوتاکیلر صفویلرین باشکندی ایصفاهان اله کئچیریر و میر محمود هوتاکی اؤزونو شاه اعلان ائدیر. هوتاکی دؤولتی‌نین وارلیغینا ۱۷۳۸-جی ایلده نادرشاه طرفیندن قندهارین اله کئچیریلمه‌سی ایله سوْن قۇیولموش‌دور.
