پاریس ترور حمله‌لری (نووامبر ۲۰۱۵)

ویکی‌پدیادان، آچیق بیلیک‌لیک‌دن
بۇ مقاله گۆندمده اوْلان بیر حادیثه‌یه گؤره‌دیر. مقاله‌ده‌کی بیلگیلر یئنی حادیثه‌لرین باش وئرمه‌سینه گؤره تئز-تئز دییشیله بیلر و ایلک خبرلر اعتیبارلی اوْلمایا بیلر. بیلگیلرین هر آن دَییشیله‌بیلدیگی اۆچون، گئچرلی قایناقلاردان فایدالاناراق مقاله‌یه ان دۆزگون بیلگیلری آرتیرماق‌لا کؤمک ائده بیلرسینیز.
پاریس ترور سالدیریلاری (نووامبر ۲۰۱۵)
یئرپاریس، فرانسه
حمله نوعوکوتلوی گولّه‌له‌مک, بومبالاماق, ووروب قاچماق تاکتیکلری, گیرو توتماق, جانلی حمله
سیلاح(‌لار)
تلفاتان آزی ۱۲۹ وطنداش
مرتکب‌لرعراق و شام ایسلام دؤلتی

پاریس ترور سالدیریلاری (نووامبر ۲۰۱۵) - ۱۳ نوْوامبر ۲۰۱۵ده باش وئرمیش پاریس ترور سالدیریلاریندا ان آزی 129 اینسان اؤلدورولموشدور. بو سالدیریلار پاریس شهرینین موختلیف یئرلرینده باش وئرمیشدیر. اؤلوملره سبب اولان بو ترور حادیثه‌لری بیر فوتبال ایستادیموندا، بیر رستوراندا، بیر تئاتر سالونوندا هابئله بیر ساتین مرکزینده باش وئرمیشدیر.[۱]

بیر رستوراندا آتیشمالار[دَییشدیر]

ایلک حمله کامبوجلولارا عایید، پاریس شهرینین بیر رستورانیندا باش وئرمیشدیر. اون‌بیر اینسان بوردا اؤلدورولموشدور.

بَتَکلان تئاتر سالونوندا گیرو ساخلاما و قیرغین[دَییشدیر]

یاخلاشیق (تقریبا) ۱۵۰۰ تاماشاچی توپلانمیش پاریس بتکلان تئاتر سالونوندا، آمریکادان گلمیش اؤلوم دمیر قارتاللاری(Eagles of Death Metal) راک قروپو آپاردیغی کونسرت زامانی، 100 دن چوخ اینسان گیرو گؤتورولموشدور. بوردا بئش پارتلاییشین اولماسی دا یاییلمیشدیر. ان آزی 89 آدام بوردا اؤلموشدور. آمریکالی موزیک قروپونون عوضولری ساغلام قالیبلار.[۲]

دو فرانس فوتبال ایستادیوموندا پارتلاییش[دَییشدیر]

دو فرانس فوتبال ایستادیومونون قارشیسیندا بیر پارتلاییش نتیجه‌سینده ان آزی ۱۰ اینسان اؤلوب و بیر نئچه نفر ده یارالانمیشدیر. بوردا پارتلاییشلا عئینی زاماندا فرانسه و آلمانین فوتبال تیملری بیر موسابیقه کئچیرمکده‌ایمیشلر. فرانسه‌نین جومهور رئیسی ده تاماشاچی عونوانیندا بو فوتبال اویونونو یاخیندان ایزله‌مکده ایمیش.[۳]

فوروم دئ هال ساتین مرکزینده پارتلاییش و آتیشمالار[دَییشدیر]

پاریسین مرکزینده یئرلشمیش فوروم دئ هال ساتین مرکزینده ده بیر نئچه آتیشمانین و بیر پارتلاییشین اثرینده ایکی نفر اؤلموش و 7 نفر ده یارالانمیشدیر.[۴][۵]

رئاکسیونلار[دَییشدیر]

فرانسه‌نین جومهور رئیسی فرانسوا اولاند بوتون فرانسه‌ده ایضطیرار بیر وضع اعلان ائده‌رک بوتون سینیرلاری (سرحدلری) دا باغلاتدیرمیشدیر. فرانسه‌ده بئله بیر ایضطیرار وضعیت ایلک دؤنه اولاراق ایکینجی دونیا ساواشیندان بری قورولموشدور. آمریکانین جومهور رئیسی باراک اوباما بو حمله‌لری محکوم ائده‌رک فرانسه‌یه آمریکانین یاردیم ائتمگه حاضیر اولدوغونو بیلدیرمیشدیر.[۶]

ایجتیماعی شبکه لر و خالقین عکس العمللری[دَییشدیر]

حمله‌لردن نئچه ساعات سونرا، پاریسلیلر ایجتیماعی مدیادا، اؤزللیکله توییتر سایتیندا، بو حادیثه‌لره گؤره خبرلر و باش ساغلیقلاریندا، کوچه و خیابانلاردا اولان قورخولو اینسانلارا، اؤلوم خطری قارشیسیندا یاردیم ائتمک اۆچون، آچین قاپیلاری آنلامیندا اولان هشتگی #PorteOuverte ایستیفاده ائتدیلر. بو هشتگین اینگیلیسجه آنلامی دا (#OpenDoor) تئزلیکله دونیادا یاییلدی.

قایناقلار[دَییشدیر]

  1. ^ CNN.com (2015-11-13). Paris attacks: At least 153 killed in gunfire and blasts, French officials say. یوخلانیلیب 2015-11-14.
  2. ^ Paris terror attack: Hostages at Eagles of Death Metal shot ‘one by one’ at Bataclan theatre. DailyTelegraph.com.au (2015-11-14). یوْخلانیلیب2015-11-14.[دائمی اولو باغلانتیلی]
  3. ^ Alter, Charlotte (13 November 2015). Dozens Feared Dead in Night of Violence in Paris. یوْخلانیلیب13 November 2015.
  4. ^ "At least 40 people dead in Paris attacks, 100 taken hostage". Reuters. Times of Malta. 13 November 2015. http://www.timesofmalta.com/articles/view/20151113/world/two-dead-seven-wounded-in-shooting-in-restaurant-in-central-paris.592017. Retrieved 13 November 2015.
  5. ^ Paris attacks. Reuters (13 November 2015). آرشیولنیب اصلی نۆسخه‌دن on 2015-11-13. یوْخلانیلیب13 November 2015.
  6. ^ [۱] Série de fusillades à Paris : au moins 60 morts